السلام عليكم،
انا مو متزوجة ليلحين بس خصصت غدا يوم الخميس عند اهلي واصريت على خواتي المتزوجات يلتزمون في هالموعد،
عشان الخميس انا نص دوام
والجمعة بيت جدي اسبوع وبيت خالي اسبوع الي بعده>>>>>>>صلة الرحم واجبة
ولما اتزوج باحترم هالشي وبظل عليه بس النوم>>>>>>>>>>>>>مستحيل افكر ابات برة بيتي لاني وانا في بيت اهلي ماتعودت ابات برة وماحسها حلوة تاركة ريلي وبايته في بيت اهلي
ويمكن عشان ما عندنا في الكويت مثلل السعودية المناطق حيل بعيدة عن بعض.
وشكرا

زوجي دوامه أستلام يعني مرات بالليل ومرات بالنهار وطبعا بالأجازه أروح بدوام الليل وأنام وبالدراسه على حسب دوامه إذا صادف خميس أو جمعه رحت معه وإذا ماعنده دوام ماأزورهم ..

موضوووووووع حلو لاني محتاره فيه ..

طبعا مابعد قريت كل الردود .. بس بقولكم قصتي..

انا ماحب انام عند اهلي لان ماعندي اخوات .. بس امي الله يحفظها ويخليهاا ..
ومن النوم اللي تنوم بدري وانا راعيه سهر ..

وغير كذا انا خوافه ماحب انوم بحالي (بزررر درجه رقم واحد )

وزوجي وده اني توم عند اهلي يقولي روحي عندهم ليه انتي دايم كذا !!

انا انقهر لاني ودي احسسه اني ثقيله وعادي اروح انوم عندهم ..

بس المشكله كم مره اتشجع واقول اني بنوم لكن اذا جا الليل ادق اترجاه يجي ياخذني!!

يعني مشكلتي النوووم بس ..

طبعا انا مغتربه حليا ولما نرجع ديرتنا نسكن عند اهله .. وقبل فتر قالي ودي انك تنومين عند اهلك موب زي كل مره لاني ودي احس اني حر (قصده ينوم مع اخوانه (فيه بعضهم مو متزوجين ) ومايكون مرتبط باحد يعني وده يروح ويطلع مع اخوانه ولا فيه احد يحتريه ..

اناة طبعا متفهمه الموقف لكن بنفس الوقت ماودي انوم عند اهلي !!

فيني عقده النوم بحالي ..
وودي بنفس الوقت اقهره واقوله منيب ميته عليك
لاني فعلا مااهتم الا بس وقت النوم كني بزر لازم احد جنبي ..
وكثيرة وساااااويس اعوذ بالله

تخيلوا من الحين وانا زمله النومه عند اهلي

وش الحل ؟

عزيزتي... noni103 ,,بصراحة حلووووة طريقتك مع اخواتك ,,احب الإجتماع الخميس بدري من النهار تحسينها وناسة,,الله يديم عليكم اللمة الحلوة والوناسة..
بنت القصيم...تسلمين حبيبتي على المشاركة والرد,,,,,,,,,,
ايام العمر,,,يا قلبي انت,,,احس زوجك وده يجرب انه ينام عند أهله ومع اخوانه,,,صدقيني بتقعد في خاطره,,,والله الرجاجيل ما ينعرف لهم,,,تصدقين أول ما تزوجت ما كنت انام عند اهلي كثير وكان دايم يقول لي ليه ماتنامين عند اهلك ,,وكل شوي يقول نفس الكلام والحين صرت ودي انام عند اهلي كل اسبوع وهو يرفض؟؟؟؟؟؟؟؟لاااازم تحاولين تنامين لو مرة تذكري قبل لا تتزوجين وشلون كنت تنامين...او هذاك اليوم اللي بتنامين فيه حاولي تصحين بدددددددددري علشان اذا نامت الوالدة تنامين معها,,او خذي معك قصص او كتب واقريها هناك...احس بما انه يكرر عليك الموضوع مو حلوة انك ماتنامين,,,بس انتبهي تعودينه انك كل شوي يوديك تنامين انتبهي اهم شي راحتك ,,بس سوي تجربة...والله يوفقك

^
^
^
مشكورة يالغلا ..

بس مشكله صراحه انا بسوي اللي وده .. بس اني زمله ..

ومن ناحية التعويد والله مدري وشلون ..

يعني المساله محيوسه صراحه ..

بس الله يعين