لي رجعة

اشوفكم

أهليب بشاير حبيبتي
الحمد لله على سلامتك
نورت عالم حواء كله والله وحشتينا ..عارفة منت فاضية لهدا الكلام الله يعينك

طيب بالنسبة للرضاعة أول شيء لازم تهدي نفسك قبل الرضاعة وتريحيها وتآخدي نفس عميق ..لأنه سبحان الله الطفل إذا حس أمه منرفزة ومعصبة مايآخد الصدر وهادي أنا لاحظتها مزبوط

طيب بعد كدة أنا أطمنك لا تخافي ولا تقلقي ..ترى مهو صح إنه الطفل إذا أخذ القارورة (الرضاعة) يصير يستصعب صدر الأم وأوضح مثال ليك أولادي يعني كنت ما أرضعهم إلا مرة باليوم من صدري بس والباقي رضاعة ..لكن بعدين أنقلب الحال يعني بس مرة رضاعة والباقي صدري ..لأنه الطفل إذا كان صغير يقدر يرضع الإتنين فلا تشيلي هم

طيب راح أرجع أقرا ردك وأكمل ردي

أهو رجعت أكمل

بالنسبة للمرهم خليه على صدرك مو لازم تغسليه ..والله أنا كدة قالتلي الدكتورة هنا وأخصائيين الرضاعة ..حتى على المرهم نفسه مكتوب كدة

طيب دحين هو مشكلته بس إنه ينام ؟ طيب لو كان صاحي يآخد الصدر ولا لأ ؟

لأنه الطفل عادي ينام لمن يكون بهدا العمر لأنه يحس بحنان أمه ..حاولي تصحيه ..بصدرك أعصريه شويه بحيث يخرج الحليب على فمه
بعدين أذا كانت صحته أتحسنت أنا أشوف إنك حاليا توقفي الصناعي حتتعبي كم يوم لكن بعدين خلاص هو راح ينسى القارورة وإنت حترتاحي

يعني أبدئي بالتدريج وقفيله الصناعي
الله يعينك يابشاير أنا راجعة بس ولدي بيبكي

السلام عليكم..
اهلين يا بشاير نورتينا... واشتقنالك.. والف الحمدالله على السلامه...

انا مشكلتي عكسك.. بنتي ماهي راضيه تاخذ الرضاعه... وحليب صدري شوي وتغذيتي سيئه الله يرحم حالي.. والله اني تعبانه معاها الله يهديها... والحين طالعة لي بشغله... ترضع من صدر واحد بس!! والثاني مو عاجبها!!! ولا تبيه!! تخيلي عاد...
ماعندي زياده على كلام البنات ... بس مثل ماقالوا ريحي اعصابك وقت الرضاعه...
وترى عادي ترضعين ابنك وانتي حاطه كريم الصدر... لانه اللي عندي مكتوب عليه عادي يرضع الطفل بعده!!! مدري بعد!!

وحاولي مره بعد مره انك ترضعينه... والله يعينك... وطمنينا عليكي..

أنا رجعت
بشاير بالنسبة للشفاط ترى مايؤلم غير بحالتين
الأولى
إذا الصدر متحجر وبهادي الحالة حطة منشفة حارة على صدرك قبل الشفط بربع ساعة وأثناء الشفط..عشان الحليب يخرج بسرعة ويلين الصدر وترى الطفل مايحب يرضع من الصدر المتحجر فإذا كان صدرك متحجر وقت الرضاعة استخدمي الشفاط قبلها لأنه حيلين الصدر ويخلي الحليب يخرج بسرعة ويخرج الحلمة كمان

التانية
إذا الصدر فيه تشققات وبهادي الحالة حطي المرهم قبل ماتستخدمي الشفاط وأنا كدة كانوا يقولوالي في المستشفى ومن مرة أو مرتين حتلاقيها راحت إن شاءالله


طيب دحين يابشاير مادام جبت جهاز الشفط بطلي الصناعي اشفطي وأديه لولدك هذا بعد ماتحاولي ترضعيه من صدرك

بس مشكلتك حبيبتي مهي واضحة مرة يعني هل مشكلة طفلك إنه مايمسك الصدر ؟ ولا إنه ما يستمر في الرضاعة ؟ ولا الحليب قليل .؟ ولا الصدر متحجر

ياريت توضحي أكتر

وترى أي سؤال أناحاضرة وإن شاء الله تكوني استفدت من الكلام إلي كتبته مع أنه مو مرتب سامحيني