السلام عليكم

سامحوني اتأخرت

بس عشاني مدووشة وأمي من فترة سافرت مسكينة :( وجالسة لوحدي أعاني وزوجي مدووش قربت امتحاناته النهائية..يعني من جد والله رعب المسؤلية

المهم..نصايحكم رائعة جدا....والله مرة قريتها بتمعن..لأني محتاجة ارشاد ونصح....


طيب يا بنات ولدي عنده ارتخاء في البلعوم...مسكين يتنفس بأصوات قوية ولما يرضع اللي يسمعه يقول يشرب بس هوا يعاني مسكين...والله يقطعلي قلبي ووديته الدكتور وقالي دا يروح بعد سنة ان شاء الله

لو شفتوني من كم يوم يا بنات..والله كان رعب..ولدي كان طبيعي مافي شي..وكنت أغيرله وفجأة قام يستفرغ..الا استفرغ من خشمه وحلقه شي اصفر غريب..وانسد نفسه والله صار لونه كحلي الولد وبطل يتنفس..أنا وأبوه صرنا نخضه صرنا ندخل مناديل في فمه نسحبله الشي دا عشان يتنفس والله لا يبكي ولا يتنفس ولا شي قوام رحت اتصلت بالاسعاف وجو أخدونا...

وجلست تقريبا 3 ساعات في الطواريء..بس الحمدلله جات سليمة..ومشكلة حلقه انه مرتخي فما قدر الولد يتنفس من فمه...

قولولي مين مرت بحالة زي كده؟؟؟ وكيف أتصرف لو لا قدر الله جا دا الشي؟؟ أنا والله صرت أنومه على جنب وما ألفه كويس عشان لا ينكتم..

ايوا وفيه كم سؤال كمان

كيف تلبسوا اولادكم؟؟؟ شتوي مرة ولا خفيف في البيت؟؟؟؟ لانه عندنا موت وبرد والبيت اشغل الدفاية كم مرة واقفلها شوية خايفة ولدي يتعلم على الدفى الزايد

وممكن سؤال محرج....اللي يولدوا بقيصري يطهروا قبل؟؟؟ يعني انا لسه باقيلي على الاربعين اسبوعين وشاكة اني كاني طهرت

كيف اعرف اني طهرت 100%؟؟؟؟

هلا وغلا بشاير
عن تجربــــــــــــــــــــــة
حصل لبنت اختي نفس المشكله تتنفس وترضع باصوات غريبه تقولي صوت حمامة
وشافها كم دكتور وقال طبيعي بس لازم تعطيه مصاصة اعظم الوقت لانها تشد البلعوم وتراها جلست الى سته شهور وراحت ياربي لك الحمد وهي تخف شوي شوي
ومسكينه اختي كل نفاسها كان رعب كل مارضعتها واستفرغت البنت ازرقت علينا بس الحمدلله كل شيء تمام
وصارت لولد اخوي نفس الحكايه وفعلا بعد اربع شهور راحت بس انتي اعطيه المصاصة لان الدكتور نصحهم فيها واذا نومتيه خلي المخده رفيعه شوي ونوميه على جنبه الايمن ولا تنوميه الا بعد ما يتكرع
عيالي كثيييرما يستفرغون ويشرقون وعادي يالغاليه<<< ويامالك من تجارب ومواقف بس شدي حيلك

وحصنيه واقرئي عليه القران فهو شفاء الله يحفظه ويخليه لكم يارب

وعليكم السلام ورحمة الله وبركاته
هلا بكل النفايس

حرم الدكتور تتوقعي السبب من بنات امريكا:42::o


حيا الله الغاليه بشاير
كيفك حبيبتي والف لا باس على ولدك ما يشوف شر ان شاء الله

الحمد لله انو الدكتور طمنك عليه
والله ماعندي خلفيه بالنسبه لولدك ياعيني

بس بالنسبه للبس لا يكون ثقيل ولا خفيف مره
يعني لبسيه البربتوز الداخلي ولبسيه البجامات الي تجي كااامله وخلي البيت دافي بس مو على طول تخلي الهيتر شغال

وبالنسبه للطهاره انا كنت والده طبيعي وطهرت بعد 15 يوم >>>> بس اختك عبيطه قالت لا كيف قبل الناس وجلست لين كملت الاربعين ولمن سئلت قالوا لازم تقضي الصلاه الي راحت عليك

يعني مو شرط تكملي الاربعين اختي طهرت بعد 10 ايام !!

احيانا تشوفي انك طهرت وبعد يومين تشوفي انك ما طهرت 00 اذا شفت نفسك طهرت تمام ساعتها اغتسلي
ابغى اقلك على شي مره يطهر الرحم سبحان الله
جيبي الجمره وحطي عليها نوى التمر وشوي حبه سوده ومره وحاولي تخلى الدخان يدخل فيك من جوه >>>>>مدري فهمتيني ولا لا

وسامحيني على التقصير

هلا بشاير
الله يحفظ لك ولدك

بالنسبه للبس
اذا جيتي تطلعين برى البيت ثقلي لبسيه عن لبس البيت

في البيت لبسيه شيء دافي

وترى الكرسي بيدفيه اذا بغيتي تطلعين
بس غطيه كامل لما تطلعين
واذا ركبتي السياره شيلي اللحاف عنه
:27: :26: