بشاير ألف سلامة على ولدك يارب
ومايشوف شر حبيبي

بشاير انتبهي إنت لا تغيريله بعد الرضاعة على طول ..غيريله أحسن قبل ..وإذا اضطريت بعد لازم يكون مكرع (أتجشأ) وحطي تحت ضهره مخدة
ماقدامه إلا العافية


وبالنسبة للطلعة إيوة اطلعي وأمشي ترى المشي طيب ليك وحتى ليه ينبسط مع الطلعة ..أنا لما اخرجهم ألبسهم لبس البرد الكامل وطاقية صوف على راسهم وأحطهم في الكار سيت وجايبة أغطية الكار سيت فيها بس فتحة للراس ممتازة مرة ..وطبعا في السوق أحطهم في العربية وأمشي بيهم

أما في البيت دحين صرت ألبسهم عادي أحس الجو بدا يتحسن

بالنسبة للطهارة أنا قعدت أكتر من خمسين يوم هذا إذا ماكانت ستين ...بس كان خفيف
طبعا إنت لازم تختبري نفسك عشان تعرفي إذا طهرت ولا لأ

ومبروك رجعتك الملتقى نور تينا وكنا مرة فاقدينك

حرم الدختور
اجل العيب فينا حنا بنات امريكا .. الشكوى لله
بس وراه مو الحين الحمل .. ما ولهتي على تغيير الحفاظات .. و الترضيع و قل النوم و الاستفراغ الله يكرمك .. و بالاخير تجييك اغا تعبير عن الشكر و الامتنان .. و بعد الغا على طوووول صيحه تنسيك الاغا و اخواتها .. الله يصلهم بس


امل الروح
ترى الموضوع موضوعك .. و توه ما يزيين يوم رديتي بدالي .. حلالك الموضوع و صاحبة الموضوع ..

سكر
تسلمين يا عمري و الله يخلي لك بنتك .. لا الحمد لله احسن شوي .. لكن حاله ما فيه تغيير كثير .. لين الحين الحكه و الكتمه شوي .. بس الدكتور يقول انه راح تطول شوي .. اهم شي بنتك ان شاء انها خفت

بشاير
الله يخليه لك يارب .. شفتي الاطفال .. و مشاكلهم .. الله يعين
من ناحية الملابس ما ادري عن الجو الي عندكم .. بس انا مدينتا مرررررره بادره فا لازم الهيتر شغال طووووووول اليوم .. فا انا البسهم طقن اكمام طويله .. و فوقه الجاكيبت الي يكون قطعه وحده .. و متين .. و بس .. و طبعا يكون جالس بالكار سيت و احط فوقه البطانيه علشان الهواء ما يجي على وجهه لين اركبه السياره و بعدين اشيل الغطاء عن وجههو السبب اولا اني ما احب اللبس الداخلي ثانيا ان كل شي مدفا يعني .. الاسواق المطاعم .. دفا في كل مكان فا اذا ثقلتي اللبس راح يحتر و يبدا يصيح .. الشي الثاني ان كثر الدفا مو زين يصير ما يتحمل البرد ابد .. اما داخل البيت فا لان الهيتر شغال البسه الفانيه البيضاء الداخليه الي تتسكر من تحت و بعدين فوقها البربتوز قطن بس لا اكثر و لا اقل .. و انت كل ما تخففين احسن .. و اذا كان بردان راح تحسين ان يدينه بارده ..

اما من ناحية الطهاره .. فا الي اعرفه ان الوحده ممكن تخف فتره و بعدين يرجه يزل معها شي .. يعني مو بالضروره انك طهرتي .. اصبري شيو .. و الطهاره في النفاس نفس طهارة الدوره ..

سلوى مشكوره اختي على مرورك

اذكري الله نورتي موضوعي

ورود الريف .. اسعدي وجودك مره ثانيه

اقول بشاير ,,
حبيبتي التطعيم يبيله شهوووور علشان ييكمل هذا اذا مو سنوات .. اطلعي ووسعي صدرك .. و ترى الطله راح تغيير نفسيتك

حواء مشكوره على مرورك اختي


:26:

أختي الهندية جزاك الله خير يارب

طيب يا أخوات أناعندي سؤال يتعلق بالمصاصة
لاحظت يا بنات إني لما أغسلها تدخل الموية جوة الحلمة أنا أستخدم السليكون فتكون واضحة الموية جوتها ولما أعصرها تخرج الموية ما أدري هدا الشيء كدة طبيعي ولا لأ
المصاصة ماركة قربر واسمها NUK

وهادي صورتها

السلام عليكم

أما عندي مليون سؤال خايفة تطردوني من الموضوع ولا توصوا المشرفات يسوولي بلوك عن هذا الموضوع

ولما أتمدد في الليل أحاول لعل وعسى أنام أقول بكرة ان شاء الله أحط هالسؤال وبكرة أسأل هالشي

شكلي نسيت كل الأسئلة

المهم

الهندية شكرا مرة على ردك الله ينور عليكي

تعرفي الجو بارد مرة وفجأة الأيام دي قلب أبرد مع ثلج يصب فتشوفي الناس كلها مريضة وزوجي جاله فايروس ومرمي في السرير سخونة ونفاضة وحلقه..والله حاطة يدي على قلبي خايفة على البيبي الله يحميه يارب والله اني في غربة ولوحدي يعني على البركة عايشة الحمدلله والشكرلله



امولة

انا عندي مصاصة من ماركة Avent ونفس الشي تتعبى موية...مدري ليش. فانا مرة اغسلها كويس بعد الصابون


بنات نوم الاطفال الرضع متى ينتظم؟؟؟ وهل اقدر احاول انظمه ولا ما اتعب نفسي في هالمرحلة؟؟؟؟؟

ولدي ماشاء الله ينام الظهر والليل مصحصح :(

طيب...والشي التاني..البيبي اذا رضع من امه ونام بعدها بس بعد ساعة قام جوعان هل معناه حليب الام غير مشبع ولا ايش؟؟؟؟

وشكراااااااااا

بداية السلام عليكم ورحمة الله تعالى وبركاته::26:

ثانيا انا عندي بنت لها الان 3اشهر و 22 يوم ولازالت تقوم الليل كل ساعة مثل ماقالت بشاير هل هذا معناه ان

حليبي غير مشبع لها؟؟؟؟؟؟؟

ودمتم سالمين:26: :26: