سبحان الله بعض اهل الزوج يافيهم وقاااااااحه ايش الي يجوكم وماخلصتوا اسبوع والا اسبوعين قلت حياء وربي


انا مارح اقول شي لحاجه بنفسي بس الله يعينا عليهم

عاد انا حظي حلو كنت نفاس لي شهر كان يوم اربعاء وطفشانه طبعا نفاس مافي طلعات ولا احد عندي المهم من الطفش قمت ونظفت البيت تنظيف كامل كل الغرف كان احد بيجي عندي والمطبخ كمان لمعته تلميع الفرن والمجلا وكل شي فيه الي يشوفه يقول توه جديد وماحد طبخ فيه واخلص واشغل الفحم وابخر البيت وياسلام ع النظافه وعيالي لابسين بجايم نظيفين ومرتبين وجلست ع TV الا والجرس يدق اهل زوجي جايين من مدينه ثانيه ولا عطونا خبر عاد ام زوجي تقول احد بيجيكم<<<<<<<<شافت البيت يلق لق
بس انبسطت لان بيتي كان نظيف وفي نفس الوقت زعلت لانهم مااعطونا خبر

وووووووووه ي مـــلي سبدس شهــــر عسسسل :)

يؤ يؤ يؤ ياعمري عليكم شهر عسل بعد لو انا مكانكم ماراح استقبل احد بالذات الناس اللي بالغصب بيجون وصلت وقاحة الناس لها الدرجه الله لايبلانا ، اختي وهي اختي والله لايمكن اروح لها الا اعطيها خبر واتتظر ردها بعد مع انها تفرح بجيتي ولا اذكر انها ردتني حتى لو صار عندها مشوار تقولي تعالي عيالي في البيت ..

ذكرتوني بموقف كنت مسافره عند اهلي جلست تقريبآ اسبوعين او اكثر ، رجعت لبيتي في الليل يمكن الساعه 12 عاد تعرفون الرياض وجوها وغبرتها وعلى طول رحت لغرفتي ونظفتها ورتبتها وغيرت المفرش وخلااص دايخه بنام وإذا قمت بديت بتنظيف البيت المهم قمت على دقة الجوال الا زوجي المحترم يقول بيجي صديقه من الشرقيه يتغدا معنا واول مره يدخل بيتنا وانواع الإستنفار على طول على قسم الرجال غسلت الحمامات ونظفت المدخل ونفظت المجلس وكنسته على السريع ودق زوجي وقال ترا زوجته معه وانا :eek: ما ادري اروح البس والا انظف مخل الحريم والصاله والا والا ياالله على طول لبست ما ادري وش لبست والا الباب يدق والمحروسه داخله وانا وجهي انواع الفشيله البيت غبار واول مره اشوفها عليكم ان تتخيلو وش احس فيه هههه
واستقبلتها ورحبت فيها واعتذرت لها اني كنت مسافره وتوني راجعه لبيتي وقبلت اعتذاري بكل صدر رحب وهي بعد كأنها انحرجت المهم وبصراحه
صارت من اعز صديقاتي وجاتني مره ثايه وانا في بيت احلا من الأول الحمدلله نظافه وريحه وذوق اللهم لك الحمد ..

الله يسعدكم والله اني ضحكت من قلبي على بعض المواضيع ورحمت الكثير وخاصه الللي توهم عرسان
انا حبيباتي ساكنه انا واخو زوجي بنفس العماره واذا اهل زوجي عند ولدهم الثاني اللي معنا بنفس العماره طبعا ما يكون عندي خبر انهم موجودين عنده وا احس الا والباب ينفتحيعني لو ما اكون مقفله بالمفتاح!!!!
وبعد اذا احد جا عندي زياره لازم اكلم ام زوجي واعزمها ولا راح تزعل واذا عزمتها هيه من نفسها من غير ما اقول لها تروح تدعي بناتها واولادها وزوجاتهم عندي في بيتي لا وتقول لزوجي اعزم ازواج اخواتك وطبعا انا بشقه يعني لازم اعمل حسابهم لانهم اكثر من الضيوف واطفالهم الله يصلحهم واللي يموت قهر ان الام ما تحرك ساكن ولدها يخرب وعااااادي
ومره جاتني ام زوجي وزوجي مناوب بالدوام طبعا مفاجأه ودخلت الحمام وكان وصخ والله ما انساها بغيت اموت قهر
وبعد مره زوجي مناوب البدوام الا واحس احد يفتح الباب اروح اشوف الا واهل زوجي كلهم طبعا رحت البس جلال صلاه وفتحتلهم الباب
ومره وحده من اقارب زوجي دقت علي تبي تجي تزورني هيه وكم حرمه وطبعا اهل زوجي لما اعتذرت منها صارت سالفه وليهما تستقبلينهم
ومواقف كثييييير بس الله يازين نعمة النسيان