يا هلا بك يام محمد
بصراحه شي متوقع تصرفه يعني وش كنتي بتظنين انه بيسوي !
عمره 11 صحيح ولكن مازال طفل وهو في مرحله تمرد طبيعه هي مرحله المراهقه اللي يمر فيها اي شخص بعمره .. لا تفكرين ابدا تظربينه او تعنفينه هو مو ولدك بالنهايه -- هذا التصرف يقوم به الاب في وضعك
الطفل يعمل هذي البلبله ليثبت لابوه انه لا بد ان يكون الاهم في حياته حتى لو ينقص من احترامه ..لانه بذالك يتأكد انه مازال مسؤؤل عنه ..
سكوت الاب اتوقع الندم ومعرفته انه بزواجه من امه رقم وجود السلبيات كان غلطه ولا يريد ان يرتكب ظلم في ناحيته لانه اكيد عند شعور بانه ظلمه بمجرد انه امه رحلت من حياتهم الاسريه..
مهما كان مسيحي مسلم بدون دين الطفل افعاله انعكاسات لنفسيته..
مابي اكون ظالمه يام محمد ولكن اصبري وان لزم الامر تحاولين ابوه يحل مسأله حظانته بطريقه لا تظره ...
والله يسعدك في حياتك

والله حبيتي الله يعينج.....لو هذا كان عندي كنت قتلته!

انت الحين حامل و منت بحاجة الى التوتر....حاولي تقربين من الولد....حاولي تخلينه يشترك بفعالياتك انت...يعني اطلعي انت وهو وحدكم...روحي الحديقة او تمشي شوي معاه او روحي السوبر ماركت...اشتريله هدية....هو صغير و حاس بالغيرة ممكن منك و من البايبي اللي جاي بالطريق...حاولي تكونين اهدى من هيك و اشرحي موقفك لزوجك....و ان شاءالله راح توصلون لتفاهم....

دلوعته:27:

شوفى عيونى انا ماراح اقولك مثل بعض البنات تقربي منه وكلميه لا بالعكس احسن وسيلة للتأديب ان علاقتك معه تكون سطحية جدا وممكن انك تهادينه وتقولين كنت بالسوق وشفت هذى الهديه واعجبتنى عشانك وامشي من قدامه ولاتنتظرينه يشكرك وغرفتك لايدخلها ابدن اذا دخلتيها انتى او زوجك عالطول اقفليه حتى اذا طق الباب او نادى لاتفتحين له واذا طلعتى منها كمان قفليه ولاترفعين صوتك عليه لان الولد يمكن حاس بالضياع والتشتت وانك اخذتى ابوه منه لذلك لاتردين عليه ولاتناقشينه عشان مايطول الكلام بينكم وتصير فيه ردود حاده بينكم واذا على التلفزيون خلى زوجك يجيب لك واحد خاص في غرفتك اريح لك عالاقل تجلسي بقميص النوم براحتك عن البزر ذا ولاتكثرين الشكوى لزوجك لانو اكيد كل شئ واضح قدامه بس ماهو عارف يتصرف كيف مع الولد وخصوصا ان الولد قرب للبلوغ عاد اذا حسيتى انو مافيه فايده اعرضوه على دكتور نفسانى لان واضح ان الولد متعقد من شئ وحاس انك انتى السبب او امه مسويتله شئ وقام ينظر للنساء كطلهم نظرة وحده والله ان بنت عمى متزوجة واحد امه متوفيه وربوه حريم ابوه وكان مو كويسات معه ويطقونه ولما خلفت بنت عمى اطفال صار هو وياهم روحين بجسد واذا امهم بس صرخت عليهم قام وطقها واهانها لانو يشوف نفسه باطفاله وان امهم اى زوجته هى حريم ابوه تخيلي والله يسعدك ويوفقك حبيبتى واذكرى الله والحى بالدعاء والاستغفار وان شاء الله الله بيفرج لك يارب

اله يساعدج حببيتي
في شيين تقدرين تسوينهم
رقم واحد
الحقران يقطع المصران
يعني سكتي عنه ولا تكلمينه خير شر يعني احتقار وخصام لااااااااااتكلمينه ابدا واذا كلمك حقريه او ردي عليه على قد السؤال ترا والله مجربه بالاسلوب مع الي في سنه وايد مفيد
رقم اثنين
كلمي ابوه بالموضوع قولي له انا حامل وولدك مسبب لي حاله نفسيه واني ماقدر اتحمله ومن هالكلام وخلي ابوه يتصرف معاه

السلام عليكم،
شوفي انا مثلج وعمره 14 سنة بس يخاف من ابوه وعشان شذي اعتقد انه حاشمني ولا الكل يشتكي منه.
بس الحمدلله انه قاعد عند جدته ويجي عندي بالويك أند
انا نصيحتي لج طنشيه ولا تحتكين فيه وكلمي زوجك بصراحة عن خصوصياتج الي ماترضين احد يتعداها.ريحي قلبج وعن الهواش الي ماله فايدة غير الاعصاب>> انا حيل عصبية
وعندي القولون.
والله يرزقني ويرزقج الذؤية الصالحة