كوكتيل بحليب الغنم الطازج ياسلااااااااااااااااام ( قصة حقيقية )

خواتي الحبيبات بنات الترفيهية

أولا : السلام عليكن ّورحمة الله وبركاته

ثانيا : أعتذر جدا أن ردودي تجي متأخرة دائما فالسموحة منكنّ ..

ثالثا : نجي لموضوعنا وهو الأهم ....

*******************************************

كوكتيل بحليب الغنم الطازج

الله يسلمكم ، عندنا جار طيب جدا ، ويعزّ زوجي جدا جدا .... وهذا الجار يربي غنم - الله يبارك له فيهن جدا جدا -

طيب ..

وهذا الجار - الله يجزاه الجنة .. يتنقـّـــص لنا بحليب الغنم الطااااااازج من غنيماته

وطبعا حنا ماتعودنا على حليب الغنم الطازج - الله يخلف -

وفي نفس الوقت زوجي يقول فشيلة وخسارة نردّه ....من يحصل له حليب طازج في هالوقت اللي كرّهونا فيه بكل شيء !!!


المهم ..


صرت إذا جانا الحليب ، أسويه محلبية أو كريم كراميل ، تعرفون بالمزينات والمنكهات ، اللي هي هيل وزعفران وفانيللا .. تروح ريحته ويصير تمام ...


طبعا هذا يكون بعد غليه وتصفيته من الشوائب ..


*******************

من كم يوم ....

جاء على بالي أسوي كوكتيل .. اللي هو بالموز والمانجا والتوت - خبركم ...

وتعرفون أنه لازم نضيف له حليب في المكونات ..



أختكم أم يحيى ..

فتحت الثلاجة عشان تطلع الحليب على العادة

والا ذاك الحليب الطازج اللي توّه جاي من الغنم ...

يالله من فضلك

هذي وين تحصل


كوكتيل بالحليب الطازج .. ياسلااااااااام ..

وعلى طول .. ماكذبت خبر


واغرف لي منه كم غرفة 5 مدري ست

وبالخلاط على طول



ويطلع ذاك الكوكتيل اللي يهبل

واحطه واتفاخر عند أبو العيال والعيال



كوكتيل بحليب الغنم الطازج

العيال أول الوقت ... :29: :11: :o






لكن يوم شموا ريحة الفانيليا والفواكه .. ماقدروا يقاومون ...

المهم ...




لما جيت أنام بالليل ..

واتذكر شيء مهم يابنات ...




أثاريني نسيت ماغليت الحليب هالمرة :08:

ياويلي :08:




شالسواة الحين ؟؟؟



الله يستر بستره


عسى مايصير فيهم تسمم ( لاحظوا أني ماشربت )



بصراحة أنا خفت أكثر شيء على العيال اللي بيروحون المدارس ...

واقعد أدعي

اللهم سلم سلم



ومرت علي ذيك الليلة وانا حالتي حالة



وطول النهار خايفة يجيني اتصال من المدارس


والخوف أكثر من أبو العيال .....


قلت أهم شيء تمر 12 ساعة



والحمد لله مرت 12 ساعة على خير ..



ثم قلت لا لا لازم 24 ساعة




وقعدت انتظر الساعات وأنا في حالة مايعلم فيها الا الله ,,,



واخيرا ..










الحمد لله عدت على خيييييييييييييييييييييييييييييييير ..


-