كوني سمينه و لاتكوني مريضه

السلام عليكم ورحمةالله وبركاته
اخواتي بنات حواء من زمان وانا بكتب لكم قصتي بس لهيت بمرضي الله يشفيني بقدرته وعزته
رحت للدكتوره عزه بمركزالهجن الله لايوفقها كانهاالسبب بمرضي عطتني الرجيم طبعامعاه حبوب تنحيف اول مره اشوفها(بنهاية الموضوع بحطلكم صورها ان شاءالله) بحياتي رجعت بعداسبوع زايده كيلواستغربت وضاق صدري:06: لاني ماسكه ريجيمها صح غيرت الريجيم وعطتني حبوب ثانيه اكلها مع الاولى اتعبتني الحبوب مره جابت لي دوخه وغثيان وصداع ومن غبائي الزايد ومن كثر اناابغى انحف طنشت الاعراض:35: واصريت اكل الحبوب رجعت بعداسبوع طلعت ناحفه كيلوين انبسطت :27:وقلتلها على التعب اللي جاني من الحبوب تخيلو في احد يلعب بمرضاه كذا قامت وعطتني حبوب ثالثه اكلها مع النوع الاول واوقف الثانيه خفت الاعراض بس لما رجعت بعداسبوع كمان طلعت ناحفه كيلو ونص زعلت الدكتوره وقالت المفروض تنزلين اكثرمن كذا انا ماكان عندي مشكله بس هي تقول بتملين من الريجيم وبتتركينه اذا مانحفتي اسرع من كذا المعروف ان النزول البطيء للوزن افضل لانه هواللي يثبت ولا يرجع ثانيه ولاحظت ان الدكتوره عجوله ولاتسال اساله عن صحتي يمكن ماتناسبني الحبوب تبي الربح باي طريقه والله يابنات لعبت فيني بالحبوب تعطينيها كنها حلاو
المهم نكمل رجعت بعداسبوع لقت الوزن ثابت تخيلو قالت لي وقفي الحبوب وارجعي للحبوب الثانيه اللي كانت بدايةتعبي وغيرت الرجيم ومن غبائي طبقت كلامها:mad:ورجع لي التعب مره ثانيه ورجعت لها وقلت لهاالحبوب شكلها ماتناسني قالت غريه مع انها كلها اعشاب طبيعيه سبحان الله يعني عشانها اعشاب طبيعيه ماتضر مو كل الادويه مستخرجه من النباتات والاعشاب لكن هوسي بالنحافه اعمى عيوني عن كل شي :35:
وبعد كم يوم الله لايعيدالشر صحيت الصبح وانا بموت من بطني الم وغثيان وحرقان شديد لدرجة الله يعزكم احاول استفرغ قلت يمكن يخف الحرقان مافي فايده رحت على طول اسعاف دله حطوني عالمغذي ساعه وعطوني ابر ثانيه رجعت للبيت خف شوي لكن مازال الحرقان موجود ثاني يوم رجع لي كل شي حاولت اكل علاجات من عندي مثل شراب للحرقان لكن مافيه فايده والله يابنات ماانوم اصيح طول الليل واصلي وادعي ربي انه يشفيني حجزت عند الدكتورجاسرالحربش المعروف ورحت وسوى لي اشعه وقال لي فيك طفيليات (يعني دود صغار)عرفت على طول انها من حبوب الريجيم ووريتهاالدكتور وهاوشني وقال المفروض ماتصدقون هالاشياءكلها تجاريه الغرض منها الربح فقط
استمريت عالعلاج وتحسنت شوي بعدين رجع كل شي رحت للحربش لقيته باجازه(بكمل لكم بعدين مشغوله لحين)