كيد النسا......خوش قصه

يسعدلي مساكم....اليوم انا عندى خوش قصه عن كيد النسا.....
بســـــــــــــرعه...تبطحن وأسمعن: ..........


لا جانا وجاكم ..... خيرا لفانا ولفاكم....... وشرا تعدانا وتعداكم......زور ابن الزرزور....
اللى عمرة ماحلف ولا جذب زور....ذبح بقه وترس 7 اقدور....وخلا الشحوم واللحوم....
على الصوانى تدور.....صلو على النبي سيد الاخيار..علية الصلاة والسلام.....
يقولون: ......


في هذاك الزمان كان فية وحده وخل نرمز لها بأسم فلانه......فلانة هذي متزوجه بس لها عشيق..ومحد يدرى عنه الا ربايعها<<<...يعنى صديقاتها
في يوم جنها ربايعها وقالن لها: فلانه هذي أقلاده اذا خليتى رجلج يشوفج شوف العين والشمس بجبد السما.... ومعاج فلان عطيناج القلاده !!!!!
قامت أفلانة وتفحصت القلاده لقتها تسوى انها اتغامر على شانها....
قالت لهن : ابشرا...والله ليجينى ورجلى يضحك....
قالن لها: بس تراني اشهود ونبي ان حضر....
قالت: تعالن......
قعدت أفلانة أتفكر ودبر وشغلت كيدها في مخها شوي....ودبرت هاك الخطه الجهنميه...وجت لرجلها وقالت: أبو فلان...
رد المسكين: يالبيه...
قالت وكلها دلع : يقولون يابعد اهلى انة في جبل سحري الى يطلع في قمته ويناظر تحت يشوف شئ ماصار تكفا يابو افلان ودنيله....
قال: تـــــــــــــــم...بكره العصر اوديج يمه...
طبعا....فلانه علمت ربايعها بالموعد وقالت لهن ينخشن لا يشوفهن رجلها....
ونفس الكلام قالته لرفيجها<<<.....يامال الضعفه
المهم وصلو كلهم المكان فلانة وزوجها والعشيق والربايع...وكلمن اخذ موقعة وعارف وش يبي اسوى الا المسكين اوفلان....
قالت افلانه: انا ابي اطلع اول شي واشوف الكلام اللى يقولونه صج ولا جذب...
واطلعت يوم اوصلت لقمته قامت تصيح واتحذف رجلها بالصخر وتسب وزوجها مذهول مومصدق ويقول لنفسه: للخلا هذي وش فيها؟؟؟؟؟
واشوى وانزلت فلانه يوم وصلت له سوت نفسها متهوله وقالت: اتصدق يابو افلان شفتك جاي فلانه<<...وفلانة هذي عجوز ميته من سنة جدى!!!!!
طبعا هو ماصدقها قالت له: اطلع وشوف...
الاخ ابوفلان طلع الجبل يوم وصل لقمته نادت عشيقها وجاها جدام ربايعها وجدام الاخ اللى فوق...اللى كان يطلع وهو ميت من الضحك.....لما نزل قالت له: ليش ضاحكن سنك ياسن ابوي؟؟؟؟؟
قال : ما راح اتصدقين وش شفت فوق؟؟؟؟
قالت: انشاءلله خير؟؟
قل: شفتج مع فلان...وصاحت: بسم الله على لن شاءلله....
قال: والله انه جبل سحري<<<....الله يخلف على العجوز اللى جابتك:06::06::06:
وأكسبت فلانه القلاده بسبب كيدها وذكاء رجلها الخارق....
ها ياحلوات شرايكم في الحزايه<<<...يعنى القصه؟؟؟؟؟؟