كيفية التعامل مع الزوج بعد الخيانة..!!

حبيباتي عندي صديقة عزيزة علي حيل مشكلتها انها متزوجة بعد قصة حب من وهم صغار يعني محد دخل قلبها غيرة وهو بعد يحبها كبروا وتزوجوا والكل يدري بقصة حبهم والتفاهم بينهم وايد حلو ومرتاحين اخر راحة ومع الاولاد والمشاغل والدنيا وبعد 22 سنة زواج

اكتشفت وبالصدفة وهي بالنفاس بولدها السادس بوحدة ترسل له مسج على تلفونه الخاص ومن يومها وهي منجنه من هالسالفة اللي اشوفه عليها وعلى زوجها ماشاء الله حب من الدرجة الاولي اللي لايمكن اي وحدة تدخل بينهم لو شنو ما صار ودايما الايد بالايد والضحك والطلعات بروحهم والطلعات مع عيالهم يعني لايمكن تتخيلين زوجها يخونها لو شنو يصير ...

البنت اللي يعرفها زوجها صار له يعرفها من عشر سنين معاها وهم يحبها واقف معاها حسب كلامها لان صديقتي واجهتها والمشكلة ان البنت تقول لها زوجك تم اسنين يحاول انه يتعرف علي وهو اللي حبني وحببني فيه .... زوجها يقول اهي تلاحقني وين ما اروح لما كلمتها وهي بالنسبة لي نزوة وتسلية فقط لا غير وفعلا تركها بنفس اليوم اللي صديقتي درت فيه بس بعد اسبوعين رجع للبنت مرة ثانية وهم صديقتي درت عنهم ومن بعدها تفارقوا وحلف زوجها انه ماراح يتصل عليها بعد وانه ما يبي يتزوجها لان اللي بينه وبينها تسلية ... زوج صديقتي عمره 44 سنة وصديقتي 43 سنة والبنت يمكن بآخر العشرينات وبداية الثلاثينات (مطلقة)

المشكلة الحين ان صديقتي مو قادرة تنسي اللي صار مع ان المشكلة هذي لها تقريبا سنة بس صديقتي كل يوم ولا يومين تروح جنب بيت البنية هذي وتصرخ عليها دمرتي حياتي يا... ويا... تدرون بعد ما يحتاج اقول .... هذا غير انها تتصل عليها وترسل لها مسجات بانها دمرت حياتها وان زوجها يحبها ولا راح يفكر يتزوج احد لانهم تزوجوا عن قصة حب الكل يعرفها

البنت ساكته واذا ردت تقول لها الله يسامحك وتسكت ... ساعات صديقتي تتحسف انها كلمتها لما تشوفها تسكت وخصوصا وانها مع الايام اكتشفت ان كلام البنت صحيح وان الزوج هو اللي بدي بالعلاقة بس ترجع وتقول زوجي ريال والبنت اهي الغلطانه مع انها اكتشفت كذبه عليها بس هم بعد كم يوم ترجع وتروح جنب بيت البنية وتوقف وتراقبها وين تروح واذا شكت باي شيء اتصلت عليها وسمعتها كم كلمة

انا كتبت مشكلة صديقتي لان الوضع صار حيل بايخ والبنت راحت بطريقها والمشكلة خلاص انتهت بس بالنسبة حق صديقتي لأ المشكلة مازالت عايشة فيها بالرغم من مرور سنة تقريبا

هذا غير انها كل اسبوع ولا اسبوعين تتصل على اهل البنت وتسوي روحها تبي تخطبها بس علشان تعرف اهي تزوجت ولا لأ (تسوي روحها خطابة)

صديقتي توها راجعه من سفرتين سافت بروحها مع زوجها برحلة شهر عسل جديد وهم لما رجعت سافرت مع زوجها وعيالها ومع هذا تقول احس انه تغير صج رجع لي بس روحها احس انها معاها احس ان كلامه تغير واسلوبة تغير الضحكة راحت وماعاد هذا زوجي اللي اعرفه من كنت ياهل .... حتي بالفراش ماعاد يحس فيها مثل اول قبل على طول واحيانا مرتين باليوم يعني مو معطيها فرصة بالمرة وكانت دايما تتضايق الحين يتم 3 اسابيع او شهر وبالغصب بعد ما تتلزق فيه وتسوي المستحيل يالله مرة وبسرعه ومن غير نفس

صديقتي حاسة انه يحب البنت هذي وانه يبي يرجع لها بس خايف منها ومن اللي ممكن تسويه فيها وخصوصا وانها ماقصرت بالبنية بصراحة بهدلتها خلتها فرجه للناس بالشارع جدام الجيران بشغلها .... يعني بكل مكان هدمت حياتها وانا ياما نصحتها مو للدرجة هذي بس ماكو فايدة

والحين بعد هالمدة لما تأكدت ان زوجها هو اللي بدي بالعلاقة احس انها انكسرت مرة وحدة واحس انها ندمانه ومو ندمانه ما ادري اشلون بس ساعات تقول احتريت وهذا اللي خلاني اسوي بالبنية جذي واحيانا تقول ان شاء الله مع الوقت تسامحني البنت وتنسي اللي سويته فيها ....

وبالرغم من كل هذا مازالت تروح عند بيت البنت وتنطرها لين تشوفها وتخلي البنت بعد تشوفها وبعدين تروح (ليش تسوي جذي.... ما ادري)

هذي المشكلة حاولت اكتبها بكل اختصار بس علشان صديقتي ابيها تسمع حلول من عندكم لانها مو راضية تسمع لاحد وهم بعد نبي حل اشلون نخلي زوجها ما يفكر بالبنت هذيك واشلون توخرها من باله لانه دايما سرحان ويفكر واحيانا بروحه يتبسم ولما تسأله يقول لها اي شيء بس علشان تسكت

وبالنسبة لتلفونه دايما تراقب كل اللي يتصل عليهم ويتصلون عليه ومع هذا يطالعها ويسكت بس عيونه حزينة وتحس فيه ما يرد عليها بس بعيونه كلام وعتب

صديقتي لي الحين تراقب زوجها وبكل دقيقة تتصل علية ودايما تروح معاه اذا طلع لدجة انه ماصار يطلع من البيت كله معاها او مع عياله يعني مو معطيته فرصة يكون بروحة علشان ما يفكر باحد غيرها بس اهي تقول انه معاها بس مو معاها وتبي منكم حل لمشكلتها