كيف أتخلص من حبي من طرف واحد؟

السلام عليكم ورحمه الله وبركاته>> فيه اجمل من ذا التحيه :) 
بصراحه ما دري كيف أبدا ضاااقت علي الدنيا وتزاحمت أفكاري قلت اسولف لكم شوي واطلع اللي جواتي...
انا عمري 20 سنه بنت بحالي وطيبه وجميله بشهاده الكل الحمد لله ..ولا أفكر بالزواج ولا الحب ولاشي كل همي ادرس وانجح وارفع راس أهلي ،، حتى كنت احب ولد خالتي بفتره الطفولة لكن شوي شوي بديت أنسى ،،
المهم انا من فتره صايره اسمع عن واحد من العائلة من أقارب ابوي .. ماشاء الله عليه يدرس برى في استراليا ونفس قسمي وذكي وكل من اعرف يمدحه ،، من سنتين قد تواصلت مع خواته بالجوال لكن غيرت رقمي ورااحو ،، 
بالبداية ما هتميت عنه ولا اعرف اصلا عنه الا اسمه فقطط،، من شهر نشرو بموقع العائلة صور للحضور بالعيد ومن ظمنهم شفت صور له ،، تحمست اعرف عنه اكثر وبحثت عنه بتويتر و لدرجه يابنات ليل ونهار بس أفكر فيه !!احس انا مو انا !! مدري هو حب او لا 
وللعلم هو عمره 26 من ثلاث سنين أخذ وحده فتره بسيطه وطلقها وما ندري وش السبب 
ابي حل تكفووون؛( يووومي كله يروح وأفكر فيه وهو ولا حتى درى عني:( مين مرت مثل حالتي ؟! 




لأحد يقول لهي نفسك انا اصلا لاهييه ومافي وقت فراغ تخيلو وانا اشتغل بس أفكر فيه وقبل أنام حتى اليوم جونا حريم بس سااااكته وسرحانه في ايش؟ فيه طبعاً ،، مليت مره الا متى كذا ؟ و حتى احتمال زواجي فيه7٪ لان ما بي أتزوج وحالتنا كيذا  نفسي يتعدل وضعي وظروفنا تتحسن شوي😔 استغفر الله مدري وش اخربط المهم ادعووووولي انساه😢!!وقولو لي نصائح وبس تراني احبكككم وانتو اقرب  لي من خواتي حتى❤️ الله يوفق ويسعد ويرزق كل اللي ترد علي وبدعيلهاااا بوتري وقبل أفطر؛(
اناااااا كل خوفي تبدأ الدراسه والهى فيه اكثر؛( تكفووووون ساعدوني انا متضاااايقه كثيييرً مدري وش غيرني