ونسيت اذكر اني احيان كثيرة لما انصحها تحس اني اقول كلام فاضي واني معقدة ، وماتحب تسمع نصح مني ابدا ولا من احد حتى امها ، تحب تسوي اللي براسها وخلاص ، والاخوات اللي اشاروا اني اتخلى عنها والله ودي لكن ماعندي الطريقة اللي تعينني

شوفي حبيببتي .. اذا فتحت موضوع ما تحبينه قولي رايك بصراحة بهالشي و انه غلط و حرام و مايصير ,, يمكن وقتها اهي بنفسها تستثقل دمك و ما تبر ترافقك بس كوني حازمة و صريحة بارائك

اهلين حبوبه :)
وليش ما تستغلين حبها الكبير لج بأنج تحاولين تصلحينها وترجعينها لطريق الصواب وتعلمينها الغلط من الصح وان هالشيئ غلط وهالشيئ صح انتي حاولي لانك بمجرد انك حاولتي ما تحسين بتأنيب الضمير واذا نجحتي بهالشيئ بتكسبين شيين صديقة جديدة بروح جديدة واجر انك ارشدتيها لطريق الحق ووفرت عليها الاشياء الي كانت بتواجها لو ظلت على طريقها اما اذا مانعت وما عجبها هالشيئ من حقك تبتعدين عنها لكن باسلوب يعني لو تدق عليك دائما خليهم يقولون لها مشغوله او طالعه او انك تسوين اي شيئ وتكلمينها اذا صادفتك بشكل رسمي واهي ساعتها بتدري شقصدك وراح تبتعد عن حياتك تدريجيا

كلام اخواتي جدا جميل

انت صرفيها كل مره ويمكن مع الوقت تطفش واعرضي عليها اشياء تحبينها وخليها تسوي مثلك يمكن مع الوقت ماتعجب بطريقة تفكيرك وتتركك او ربي يهديها وتصير احسن صديقه عندك



الله يوفقك يالغاليه

اختي العزيزة من رأي ان المفروض انك تحاولي تكوني قريبو من صديقتك وتنصحيها
وتوجهيها للطريق الصحيح وانتقاذ سلوكياتها من الممكن ان تكون غير واعية بتصرفاتها ولا تجد من يوجهها وانتي اقرب الناس اليها كما قلتي هي تعتز بك وتعتبرك صديقتها الحميمة فالواجب الوقوفالى جانبها وعدم تركها تغرق اكثر فيما هي عليه، حتى لو رفضت في الاول فمكانتك بقلبها ستجعلها تفكر في الموضوع وساعتها هي ادرى بمصلحتها وانتي عملتي الي عليك كواجب الصداقة والاخوة ولو هي ارادت ان تبقى على طريقها فكوني متاكدة انها ستبتعد عنك هي ولن تضطري للتهرب منها.
وفقك الله اختي واتمنى ان ترجع صديقتك الى الطريق المستقيم ويكون الفضل لك واجر كبير