الله يعينك اختي بس انتقديها بطباعها واخلاقها بعدين هيا ياتبعد عنك ياتتغير للافضل

انصحك تخاوين غيرها تقويك وتستندين عليها وتكون فاهمة موقفك...وتبدأين تتخلين عن الاولى واذا سالتك قولي انتي اضطريتيني

باقيلك سنه او سنتين وتتركينها وتتركين ايام الثانوي وتروحين للجامعه

احرصي قسمك لا يكون نفس قسمها :D

بس ترا مرات نحس إننا مانتفق مع أشخاص وإن ودنا بالتغيير

وتمر سنين وتجي سنين ونتحسف على ذيك الأيام

ممكن كنا صغار ومراهقين وكنا نرتكب امور غبيه جداً

لكن صدقيني الصداقه من وقت الطفوله حلوه صحيح إنك تلاحظين اختلاف بالآراء بس تظل

بينكم عشره وصدقيني ممكن انتي تتخلين عنها الحين وتروحين الجامعه

وتدخلين تخصص وهي تخصص وتلاقين صديقات كلمة صديقات كبيره عليهم وتشوفين العجب منهم

وتتحسفين على ايامك معها انا مااقولك خلك معها غصب .. بس إذا البنت يجي منها خير

وما منها مضره حاولي تنصحينها حاولي ارسلي مسج اكتبي كلمتين بدفترها

حسسيها إنك مهتمه لها ... والله يكتبلك الي فيه الخير :)

مدام انها صديقتك ومن الطفولة حاولي انك تأثرين عليها


اذا بدا منها تجاوب كان بها اما اذا ما كان عندها تقبل للتغيير

تجاهليها و اهمليها

نصيحة احلى صداقة لما تكون من الطفولة الى الشباب الى الزواج والاولاد

والله مادري شقول يا بنات ، صراحة انتي كفيتو ووفيتو ، لكن قبل كم يوم فاتحت امي بالموضوع وقتلها عن تصرفات البنت اللي امي مو عارفتها ، وصراحة امي وبختني وامرتني اني اقطع صلتي فيها ، طبعا مو قطع بمعنى القطع اهيه اول وتالي علاقتي فيها ، فيها صلة رحم ، يعني نتكلم مع بعض في التجمعات العائلية لكن طلعات وروحات و جيات وتلفونات لأ ، لكن ايضا ودي اسمع منكم اكثر ، لان كلامكم يخليني افكر في احتمالات متعددة، والمشاركة في الراي له فوائده..
وشكرا للجميع..