كيف أرتب عفشي لأني أبنتقل لبيت ثاني بعد شهرين\قديم

والله يا اختي حالتك زي حالتي بس الفرق انا طالعة بعد اسبوع ان شاء الله والمشكلة لحد الان مافكرت اشيل الاغراض والله شايله هم بالمرة واللي متعبني اكثر اني حامل يعني ما اقدر اشيل وارتب على راحتي تعرفين ..

انتظر ردود الاخوات

وانا مثلك ولكن مصيبتي اعظم لاني ما ادري متى اطلع الشهر هذا او اللي بعده
عشان كذا اللي ما استخدمه احطه بغرفة فاضية عندي....يعني كل كم يوم اقعد
اشوف اللي ما احتجه بالوقت الحالي واحطه بكراتين وارتبها جنب بعض.....
يعني اخلي الشي المهم مثل الملابس والاواني لاخر لحظة....
اختي ام عبد الرحمن بالنسبة للزجاج لفي كل قطعة بقماش او فوطة واربطيها بكيس
ربط محكم ورتبيها بكراتين ....اما بالنسبة للملابس اللي معلق تشلينه على طول للبيت الثاني
معلق بعليقاته اما الملابس اللي مطبقة قومي ورتبيها بشنطة من شناط السفر .....
اما اللحف اربطيها بكيس كبير ...والكتب صفيها بكراتين ..اما التحف فاعملي نفس طريقة الاواني الزجاج
واتمنى اني ساعدك بشي بسيط.....
وياليت اللي عندها خبرة تساعدنا.........

في محلات خاصة لتغليف ونقل الأثاث
يفكون الأثاث ويغلفونة وكل قطعة يغلفونها ويحطونها في كراتين وفي البيت الجديد يفكونها ويركبون الأثاث ويوصل نظيف ومرتب وبدون تعب وهم مسؤولين عن كل قطعة حتى الماترس مرتبة السرير بعد تتغلف وقطع الأثاث المفكوكة
ويخلون كراتين وبأحجام كبيرة إذا بتحطين فيه ملابسك بنفسك
لا تنسين تكتبين على كل كرتون محتواه علشان ما تتعبين بعدين ، هذا كل اللي عندي
تحياتي للجميع
ام محمد

أختي جنان الفردوس الله يعينك أنا مره نقلت عفشي وأنا حامل بأول الشهور ومرة ثانية وأنا نفاس كلها مشاكل

الله يسر لنا جميعا


أختي حبوبة الدلوعة الله يعين توي أدري ان فيه أحد مثل حالتي الله يعينا كلنا
بس أفدتيني بالملابس اللي معلقه كنت ناوية أخبصها بالشنطة بس والله نفعتيني جزاك الله خير

أختي أم محمد واحة الخير هذولا حقين الأثاث يصلحون للي بيوتهم فلل أوقصور لكن اللي شقق وش وراهم عفشهم مايسوى لهذولا لأن أسعارهم غاليه
عموما جزاك الله خير

وياك اختي ام عبدالرحمن....
بالنسبة للملابس عشان تفتكين من كويها مرة ثانية...
وبعدين لازم كل يوم تنقلين جزء من الاغراض بسيارة زوجك
للبيت الثاني وتجلسين باقي الوقت ترتبينها وكل يوم كذا
عشان اذا جاء اليوم الاخير وانتقلت ما تكونين مرتبكة
ماتدرين ايش ترتبين.....
وبالتوفيق