السلام عليكم ورحمة الله وبركاته

بصراحه انا ودي افيدكم بالي عندي لاني لي يمكن 7 تنقلات مابين اليوت وحتى تختلف من مدينه لمدينه اعوذ بالله انكسر ظهري وتعبت ويوم تبين تجين تنقلين تجيك امراض ومصايب الدنيا كلها .......

1_ اولا توكلي على الله وسبحي قبل النوم 33 واحمديه 33 والله اكبر 33 ولا اله الا الله 34 انتي وزوجك انشاء الله بتحسون كل شيئ سهل وهين باذن الله ...

اذا كانت تنقلاتك في نفس المدينه وبعد نفس الحي فهي اسهل مما تتصورين جهزو بيتكم الجديد ونظفوه وابدئوا بالنقل حبه حبه مثل ما قالت لك الاخت(حبوبة الدلوعة) جزاها الله خير


وهذي انا اسويها كل ما بغيت انقل بس انا احيانا يكون النقل لمدينه ثانيه....
1_اول شيئ اوصي زوجي يروح محلات لبيع الكراتين بالاحجام واوصيه يجيب لي كراتين كثير كبيره ووسط وصغيره على حسب تقديراتك واحتياجاتك انتي فكري وشوفي مثلا الكتب تحتاج كرتون واحد وسط ولا كبير ولا كرتونين وكذا يعني لبقية الاغراض هذي اول خطوه.


2_وصيه بعد يجيب لك البلاستيك الي مليان حبيبات فيها هواء الي كنا نفقعها لما نلاقيها باي كرتون او العب يوم حنا صغار قولي له يجيب لك لفه كامله منه للمواعين القزاز والكريستال و التحف وبعض القدور مثل التيفال والي يحتاج عندك (غلفيها ثم لصقي عليها بلصق محكم ) وهذي لحالها يبيلها وانتي جالسه جمعي مواعينك بغرفه وابدئي غلفيها ورصيها بالكراتين ..

3_الملابس خلي لك برى كم من غيار يعني المهمه والباقي جيب لك شنط وحطيها فيها بكل ترتيب بعد كيها ماعدا الثياب عشان على طول على الدولاب والثياب عاد الله يعينك تكوينها لازم بعدين وانتي عارفه وقسمي الشنط شنطه لملابسك وشنطه صغيره لمكياجك وشنطه لاغراض شعرك وشنطه لعيالك اذا كان عندك وشنطه لزوجك واغراض العمله الي مابيستعملها هالحين ورتبيها وانتي رايقه والله ماراح تاخذ منك يوم اقل بكثير .

4_ اذا عندك مكتب جيبي كراتين للكمبيوتر وغلفيه من البلاستيك الي قلتلك عليه والله ماني عارفه اسمه بالظبط بس اتمنى انك فهمتي قصدي واذا عندك شراشف صغيره خليها تشارك بالتغليف
وجمعي الاشياء الصغيره في علب


صدقيني انا والله اغراضي كثيره مره ماتتصورينه واغراض زوجي بعد وولدي والمطبخ والمكتب والمكتبه وغرفة النوم والمحزن و و و و
وانتي عارفه والله اجتهدت لحاااااااااااااااااااااالي قولوا ماشاء الله تبارك الله عليه:17: خلصتها في اقل والله من اسبوع وارتحت بس بتتعبين والله الله يعينك بس بعدين بترتاحين



ملاحظه( بعد هالتعب والربشه هذي كلها خذي لك عند اهلك اجازه عشان ترتاحين شويه




:24: :24: :24:



اتمنى اني افدتكم بشيئ واذا فيه اي استفسار انا حاظره


...........................وشكرا...........................

.جزاك الله خير اختي الدلوعه

اختي حفيدة عائشه شكرا لك وفهمت قصدك مظبوط

وانا مثلك تنقلت من مدينة لثانيه وشفت الحوووووووووووسه والغربله

الله يعين والله شايلة هم بس زوجي أنواع التطنيش الله يهديه

مرحبا

شوفي عيوني زي ماقالت حفيدة عائشه

ابدائي بالاشياء اللي مارح تستخدمينها يعني لمي مواعين الاستقبال وخلي بس اغراض طبخكم انتم ولفيها انا عن نفسي الفها بالمناشف وشراشف الصلاة وحطيها بكراتين واهم شي كل كرتون اكتبي عليه مثلا المطبخ غرفة النوم

بعدين اول ماتروحون البيت الجديد ان شاء الله كل كرتون حطيه في مكانه اريح للترتيب يعني اللي للمطبخ في المطبخ

المفارش والشراشف حطيها في اكياسها او اكياس المغاسل اللي عندك

ان شاء الله افيدك ومنزل مبارك مقدما واطعمك الله من خيره ويكفيك شره

الله يجزيك خير يا أختي راجية عفو ربي
والله معلومه مفيده بعد اني اكتب بكل كرتون الشي اللي يخصه
صحيح كيف غاب عن بالي ؟؟
لأنها توفر علي التدوير وحوسة الكراتين اللي تكون مجموعه ومحيوسه
جزاك الله كل خير

ياعمري أنتِ

الله يكون بعونك ، والله حاااااااااسه فيك جربت قبل 10 شهور

تصدقين تعبت من جد خصوصاَ أن ماعندي خادمة ، وعقب دريت من سلفتني عن إلي ينقلون كل شيء لك

ويرجعونه بمكانه ، إلا اللوح يعلقونها

والسعر المشكله مايفرق كثير عن نقلتهم للكراتين بسسسسسسسسسسس


المهم

مثل ماقالو لك الكراتين أكتبي عليها ، هذا ( المطبخ ، المكتب ، غرفة النوم ، المخزن .......)

حتى يحطون لك الكراتين في محلها ، ولا تنسين إلي قابل للكسر تعلمين عليه

والله يقويك

:)