ياحليلك انا عمرى 25 وعكسك مافكر بالزواج ابدا واصلا ارفض كل الى يتقدمون لى بدون ماتعب نفسى حتى بالتفكير فيه اذا يستاهل اتزوجه ولا

عارفه ليش؟ لان بحياتى اشياء اهم من الزواج وسخافات الزوج

وانتى من كلامك ماعندك هدف بحياتك والفراغ يقتلك ويخليك تفكرين بشى ماله داعى وخير ياطير لو تزوجتى؟ بتدخلين الجنه يعنى ولا تحسبين الزواج كله وناسه !! ياحبيبتى اذا انتى عازبه وكذا كارهه عمرك اجل لو تزوجتى وزوجك طلع ظالم ولا حقير وقتها وش تسوين تنتحرين لان ربى ابتلاك بزوج مايستاهلك !!!!


ياحبيبتى فكرى بنفسك اشغلى عقلك واستفيدى من شبابك ووقتك لاتضيعين سنين عمرك فى الدموع وانتظار عريس الغفله سويلك برنامج يومى لحياتك

لازم يكون عندك هدف عايشه عشانه الله خلقنا لاشياء واجد مو بس لزواج والزوج مادرى ليه اغلبكم نظرته محصوره بالزوج وبس وكنها بدون زواج نكره بالمجتمع او مالها قيمه او دور ولا اهميه وان صرتى كذا معناتك انتى الى سمحتى لنفسك تكونين ولا حاجه مع احترامى لك

عمرى انتى بيدك تكونين شى مهم فى بيتكم وبين اهلك وانتى بيدك تكونين مجرد كتله مهمله ومرميه بغرفتك انتى صاحبه القرار وش تبين تكونين !! انسانه ناجحه بحياتها وسعيده وراضيه ومقتنعه بنصيبها ولا انسانه تعيسه حزينه يائسه من مصيرها ؟ اسئلى نفسك وجاوبى على نفسك


لو بغيتى تكونين ناجحه مستعده اساعدك واعلمك كيف تبدين خطوات نجاحك واذا تبين تعيشين باقى عمرك فاشله فما اقدر اقول الا الله يعينك على نفسك

واتمنى تفكرين بكلامى وتركزين فيه وتقرينه كذا مره وصدقينى ابيلك الخير والسعاده

الزواج قسمه ونصيب والجمال ماله دخل في الزواج او التوفيق
يعني لو ماتزوج الا الجميلات لما تزوج احد في الدنيا
الله يوفقك حبيبتي ويسعدك ويرزقك
اكثرى من الدعاء و قراءة القران او لسماعه

خرعتيني والله احسبك في ال 40 او 45 تو الناس وش مستعجلة عليه خذي حقك وافي من الفرفشة مع صديقاتك واهلك توك صغيرة الله يمدك بالصحة والعافية والجمال مو كل شئ اهم شئ الاخلاق وحسن المعامله الله يوفقك ويرزقك واخياتي وبنات المسلمين الرجال الصالحين اللي يستاهلونكم قولي امين وفي اقرب فرصة ان شاء الله نسمع عن كل اللي في بالي انهم جاهم النصيب

عاد تصدقين لما كنا بسن المتوسط ..
كنت انا وواحده نتكلم ..
عن بنات اكبر مننا واجمل ..اتوقع هذي بتتزوج اول (كلام اطفال)ونتهاوش
عاد اتقلبن الايه ..
انا ويها تزوجنا واحنا العاديات ..
والجميلات اللي الخطاطيب ما يوقفون عنهم ما تزوجوا !!!
لكن غاليتي ..لا تحطين الموضوع في بالك وتفكرين فيه ..
ادخل لمركز لتحفيظ القرآن ..
ةاحفظي كلامه ..
وادعيه في اخر الليل ان يرزقك ليس بأي زوج..لكن بالزوج الصالح ..
والله يوفقك..

وووووينك؟؟؟