عصفورة نجد :

أولا : ليش تشيلين فكرة الزواج نهائي ؟ طبيعي الوحدة في عمرك تفكر فالزواج بس اللي مو طبيعي أنها تحطه همها الوحيد ثانيا: مو كل المتزوجات مبسوطات في حياتهم (بعضهم يبينون للناس انهم مبسوطات وهم مو كذا , عشان ما أحد يتشمت فيها أو عشان ما تجحد العشرة ) والبنت في بيت أهلها أفضل مما لو كانت مع زوج ما يستحقها , وبالنسبة لي كنت قبل أتزوج مبسوطة على الأخير , ومن تزوجت بدا التعب (ما أقول حياتي كلها سيئة عشان ماأصير جاحدة ,بس الوحدة فبيت أهلها شيخة نفسها وبعد الزواج تفقد كل الحرية) ثالثا: أنتي لسه صغيرة على أنك تفقدين الأمل , بالعكس هذا أفضل لأن الشاب اللي يبي بنت صغيرة مو فاهم الحياة ولا يدري المشاكل اللي بتواجهه معها . والعاقل أكيد يبي وحدة تفهمه ويفهمها مو يربيها. رابعا: الجمال مو دائما نعمة بالعكس أحيانا يكون نقمة , أنا يعتبروني الناس جميلة وكنت أخاف أتزوج واحد يدور عن وحدة جميلة و بالفعل طحت في واحد ما يهمه غير الجمال واللي مثل كذا ماترضيهم ولا تملا عينهم أي وحدة ,حتى ملكات الجمال.ومن ملاحظتي أن البنات العاديات حظهم أكبر من الجميلات (يكفي انها تاخذ واحد قنوع) خامسا: انك تقعدين تبكين وتحطين خدك على كفك هذا أسوأ شئ تسوينه . المفروض أنك تسوي شي , ماأقول روحي اخطبي لنفسك , لكن خلي الناس ينتبهولك , اهتمي بشكلك و أسلوبك . كوني اجتماعية ومبتسمة دائما (خصوصا للحريم الكبار) روحي المناسبات والزواجات والعزايم. كوني صداقات . خذي دورات تشغلين نفسك فيها وتتعرفين على ناس أكثر وتطورين من نفسك . سادسا: أدعي لنفسك بالخير دائما ولا تيأسي فما خاب من وكل الله في أمره . وفيه دعاء حلو مرة كاتبته وحدة في اامنتدى بس ما حفظته قوليه دائما . وقولي للي تحبين يدعيلك بالزوج الصالح ولا تخجلين من ذلك فربما تحركت احداهن وذكرتك عند من يستحقك أخيرا : أدعو الله لك ولفتيات المسلمين بالزوج الصالح الذي يسعدك وتسعدينه

أولا : ليش تشيلين فكرة الزواج نهائي ؟ طبيعي الوحدة في عمرك تفكر فالزواج بس اللي مو طبيعي أنها...