السلام عليكم ابشركم انا في بيت اهلي الحين وطالبة الطلاق ولالي اية نية رجوع ولابنسبة1% اقسم بالله اهم ما على الوحدة وقت تتزوج خوف زوجها من الله فسيخاف الله فيها هذا الانسان كل عيوبه ذكرتها لكم
وقلت مادامك مصر ماتصلي ماتقربني رح تزوج واقشع غرفتك باللي فيها مابيها
وصار جماع اكثر من مرة رغما عني يعني لالبس ولامكياج ولا اي اغراءات واشتم وادعي وامد يدي دفاع يعني اللي تقول فاتحه رجولها عيب لاترمين تهم
وصار مستجدات بخصوص الحشيش الله يعافيه ولايبتلي احبابي وكل مسلم ونقاش عن الصلاة ولعن اهلي مرة اخرى ويابنت الكلب

ففاض فيني الكيل

وشطبت بيتي وخذيت الاغراض الضرورية
وطلبت منه اروح بيت اهله
رحت في يوم غير دورهم يالله حسيت اني جيتهم بوقت غير مناسب لاترحيب ولاتهليل بس انا ماجيت اتكي عندهم وازعجهم بقول اللي عندي وبنحاش
وقالي يلا تعالي قولي لخواتي ترا حتى اهلي اط.... ماعندي
قلت لاناد اخووانك معهم
وكلم اخوه الكبير
قال تعال وطلع عند باب الشارع واطلع قريب من حوشهم اراقب احسبه بينحاش ابيه يكون حاضر عشان مايحسبوني اتبلى عليه ويجي اخوه الكبير وشفيكم قاله ذا الحيوانه جايه تتشكى يحسبني ماسمع
قال اخوه وش عندها قال نفس سوالفها الاوليه
وهنا انا دمي فااااااار حسبي الله عليه ونعم الوكيل
والله خمس سنين ادعس على اعصابي ونفسيتي و اتجمل واجامل واسولف واسوي اجواء وشاهي ومكسرات مابقى كبسه ولانوع سلطة ولامعجنات ماسويت مافاد فيه لاطبخ ولانفخ ومصالى عياله وصبري على
كل بلاويه الله ينتقم منه دنيا وآخرة

دخل اخوه وخواته وكلمتهم الصلاة خواته يقولون عادي هذي هدايتها من الله تبينه يمثل ادعيله بالهداية فلان من اقاربهم كان مايصلي سنين وبنين وعقب ربي هداه
وفلان وفلان وكلهن رجالهم يصلون مايحس بالنار الا رجل واطيها

واللعن مايضر اهلك ويصير في اغلب البيوت ولو جربتي اول مرة ومرتين تقولين جزاك الله خير بيستحي ولاعاد هو بقايل
ياسلام
وضربت مثل لها هي مرة تكلمت عن واحد قدام الناس فمهرجان يلزم على ضيوف بحضور زوجته علي بالطلاق ونرفزها الموقف وانها لو محل المرة لتزعل وتقلب عليه الدنيا

والسفر قبل الزواج مالك حق تحاسبينه
بس الحشيش والعطر والبلوزة تفاجئوا وقالوا مانلومك
ورده كان مادخنته عندك في في مقلط الرجال او الحمام
طبعا الظالم قدامهم يهدد يقول لو تجيبين بنت مهوب ولد يمين بالله اعرس عليك
ويقول انها تقولي ماتربيت وهذا رد عليه لما قال يلعن الام اللي ماعرفت تربيك رديت قلت انت اللي ماتربيت
المشكلة هواشنا دايم ليته على فقره ولا على اني ماطبخت ولا على اني مقصره ببيت وعيال كله على صلاته ووساخته وتصرفاته وكلامه البذيء حتى في ناس كثير
وانها ماده يدها علي وانافعلا مرة لعن امي وابوي وعطيته كف لاشعوريا بس ضربني ضرب في كل مكان في جسمي واحمد الله الحين اني قد عطيت هالمتجبر المتغطرس كف ماينساه
وقال 25الف اللي سحبها من حسابي مافيه الابعد مااعطيه ذهبه لانه مو مسجل مع المهر ولا عطوني اياه وقت الملكة هذا اعتقاده

المهم الحمدلله طلعت وانا قلت تقريبا اللي ف بالي واخوه يقول روحي ريحي عند اهلك كم يوم وهو كم يوم راجعوا حساباتكم يبوني ارجعله ويحسبوني طيبة حبيية وماخذيني من حوش ولابراحة وبسكت له عقب كل اللي سواه وقاله
طبعا ماضمن لو احد سالهم وش سبب الطلاق بيقولون عيوب ولدهم ويفضحونه
ويمكن يقولون فيني كسواليف مع خلق الله العيوب التافهه ماتلبس مارتاح لها بيتها وسخ
فيتوقعون العالم هذا سبب الطلاق

طبعا لااخفيكم مافي مثل استقلالية الوحدة في بيتها ماخذه راحتها وعيالها ياخذون راحتهم فرق 180%
غير عن نظرة مجموعة من اقرابنا ونفسياتهم للمطلقه مسكينة وناقصة وبحسد المتزوجات او بخببهم
ولكن كل هذا ولا غضب الله او اهين كرامتي واهلي اكثر من كذا
والوالدة لسا ماتدري ومتخوفه منها


المهم انا دخله اسال انا مستحيل اهلي بيودوني اخلعه لانهم ضد الطلاق وخراب البيوت وحرمان عيالي من ابوهم اصلا مو فاضين يودوني ارفع قضايا



فسؤالي اهو لو طلقني او بيطلقني هل يلزم حضوري قبل ماتوصلني ورقة الطلاق عشان اوريهم العدة اللي معي واشهد عليه انه مايصلي

هل بعد سنين ممكن ياخذ عيالي وتصير الحضانه له حتى لو ماتزوجت

اللي اعرفه انه يقدر الزوج يطلق زوجته بدون ماتحضر


والاطفال الان في قرار جديد
ان الام لها الحضانه والزوج مايقدر ياخذ عياله من امهم

رفع

أسأل الله العلي العظيم القريب المجيب انه بزيل همك ويفرج كربتك، وبأنه لو في علم جلالته وعزته عدم صلاح زوجك واستمراره على غيه يعجل بأجله ....كنت اريد انصحك بالفراق لكن بسبب ماحكيتيه عن موقف الوالدة؛ دعيت لك بهالدعاء.

لا ما يقدر ياخذهم لانه مدمن