عندي اخت زوج لما تتكلم ، كانك تشوفي فلم قدامك ،، يعني توصف بشكل رهيب ، و تحسي نفسك دخلتي الجو هههه ، دايما اقول لزوجي مرة يعجبني سيناريو اختك ،،، و كلامها ما تملي منه ،،و لو تجلسي سنة معاها ما تملي ،، و عند اخت برضه توصف بس تملي من كلامها و تقولي متى تسكت ههه ، احس على حسب الشخصية ، صعبة تتصنعي ،،، و تخلي الناس تحبك ، احسه شي رباني ،،

ياناس أنا مابي أتصنع وبنفس الوقت ترى مافيها شي لو حاولت اكون خفيفة ع اللي قعد معاي مو بس اطالع فيه و بالعكس انا اشوف هالشي نقدر نكتسبه و مابي امثل او انافق اللي قدامي لا ابي اسولف مع اللي قدامي مو مثل طبعي ساكتة او مثل طبع بعض الناس اذا جيتي عندهم يكررون سوالف من خمس ست سنين او يناظرونك وساكتين تحسين انك مسوية جريمة و بعض الاشيا في شخصية الانسان بس انا مابي اتقمص شخصية احد ابي اللي معاي يستانس انا ابي اكون انا انا ولكن ودي ماااحرج اللي يقعدون معاي لاني دايم ساكتة واذا الكلام مع الناس والسوالف عليهم بسوالف تفتح النفس تحببهم فيني اكثر من السكوت ليش ماحاول اطور نفسي واسولف ؟؟؟؟؟؟؟؟؟؟؟؟ مابي اصير مهرجة و بنفس الوقت مابي اصير صنم صح مايهمني رضى الناس اللي رضى يرضى والا مارضى مايرضى بس مابي اكون ثقيلة دم وعلة على قلب اللي اقابلهم ومابي كل الناس تحبني بس اي اصير فرفوشة لنفسي قبل الناس لان الفرح و التفاؤل والسوالف الي تفتح النفس بتنعكس على نفسيتي وعلى نفسية اللي حولي اللي هم بالاساس اهلي وصديقاتي يعني انا احبهم بالاساس وابي اسعدهم اتمنى انكم فهموتوا كلامي

جميل طرحك اختي , وانا مع صاحبة الموضوع ياليت نشوف مداخلات اكثر .. علشان نستفيد







ربنا آتنا في الدنيا حسنة وفي الآخرة حسنه وقنا عذاب النار

على وصف اللي يعرفني اني جليس لايمل والحمدلله على نعمته
اولا لازم تكونين اجتماعيه اهم شي ابتسامتك مو عاد اي ابتسامه لا الابتسامه اللي تشف عن داخل مرحب ونظيف وعن سلامة نيه
ترى هذي اهم شي
ثانيا حسسي اللي قدامك بااهتمامك عطيه حقه من الانصات والرد عليه واهم شي ياصبايا الحكي اللي يقوطر عسل
انا كذا مره اسمع تعليقات على طريقة كلامي
نجي للسوالف الحين كبيرة العمر تفرق سوالفك معها عن صديقاتك
اختاري لكل مجلس اللي يناسبه لآن لكل مجلس مايهمه

عشان تكونين شخصية محبوبه لازم تكونين واثقه من نفسك ومن طريقة كلامك ومن جدوى مواضيع اللي تطرحينها
قالت وحدة من الاخوات انها تستمتع باسلوب اخت زوجها وكيف تطرح الموضوع بسيناريو مشوق
هذي من اهم الآدوات الليي لازم تمتلكينها عشان تكونين ذات اسلوب جاذب
انا عني مااحب اللي تجي تقلب عيونها بالمجلس وساكته يااختي غيري اسلوبك ترى الرزانه شي وجو الكآبه شي ثاني

اهم شي ابتعدي عن التلف والتصنع والمجاملات المصطنعه عشان تحسسين اللي قبالك بالارتياح