كيف اتجاوز خيانه زوجي ؟!!

الأسرة والمجتمع

السلام عليكم ورحمه الله وبركاته
اخواتي هذي اول مشاركه لي ووالله من هول ماعرفت عن زوجي مالقيت احد أشكي له لان موضوع الخيانه صعب احكيه لاحد من أقاربي او أهله وابي افضفض وأبرد قلبي تعبت مره من الكتمان
انا متزوجه لي ثلاث سنوات تزوجت وانا بالثلاثينات امي وابوي متوفين وموظفه الحمدلله ولكن تعرفون الحاجه لبناء أسره وانجاب ابناء حلم كل بنت لذلك حطيت امل بهالرجال قلت هذا سندي بعد امي وابوي خصوصا لمى مدحوه واثنى عليه الكثير ،، المهم طوال فترة زواجي لاحظت زوجي يحب يسهر ويطلع حتى وانا عروس دايم أصحابه وجمعاتهم اهم من طلعته معي او جلوسه دايم احس ان مشاويري ثقيله عليه وكان بالجماع مقل جدا وتقريبا معه ضعف انتصاب وحاولت اتجاوز هالامر وأقول نصيبي كذا واهم شي رجال وعاقل رغم انه مافيه أي ترفيه حياه روتينية لكنه هادي مو عصبي كريم نوعا ما مو دايم يعني يحيرك زين ومو زين ،، وكان يسافر بين فتره لفتره لدبي يمكن راح لها ٧مرات بالثلاث سنوات وكل مره أقوله خذني يقول شغل ومعي موظفين واجتماعات يجلس من ثلاث أيام لخمسه أيام ودايم الاحظ اهتمامه الزايد بشكله ولبسه مره لقيت جوال بشريحه امارتيه وحبوب منشطه بأحد الشنط وأخذ كم رقم وادق ويردون بنات عرفت من وحده انها توفر بنات للسهرات الخاصة طبعا كلمتها بعد ماسمعت صوتها كأني رجال ابي اتعرف بالواتس اب ويوم قلت لها اسم زوجي عرفته وذكرت اسماء أصحابه واحد واحد يعني تعرفهم مره ولهجتها من بلد معروف بهالشغله اتوقع تعرفون من وين ..
هنا انا دخت والله أني جلست كم يوم اصلي ومدري ساعات القاني أقرى الفاتحة وانا ساجده والتحيات وانا واقفه من الصدمة ماقمت اجمع 😭😭حسبي الله عليه الرجال معه ضعف ومقل بالجماع معي ويروح يدور الحرام !!
المصيبة مو هنا المصيبة أني حامل بالشهر التاسع وتعبانه انا الان مو قادره استوعب اللي صار.
اللي حصل سافر الأخ ورجع وهو مبسوط وكأنه مافيه شي وقلتله عن الرقم قال ماعرفها وانكر وتهاوشت معه وقلت له انا مو عشانك معصبه بالشيطان اذا مو خايف من ربك الذنب ذنبك والزنى من الكبائر ماتغتفر الا بتوبه لا كفاره لها والأهم انا اخاف على نفسي من الأمراض والبلاوي ان كان هذا نظامك طلقني لان وان عشت معك ورضيت بلغي حياتي الزوجيه وهذا ظلم لنفسي ولازم الان نشوف وضع ولدي هذا قبل أولد وقام يحلف ويقسم انه مايعرفها ويحاول يتكلم عن البيبي وأنه مبسوط وان انا و ولده اللي له بالحياه و بس !!حاولت افاتحه مره ثانيه وينكر ويقول انتي تدورين المشاكل هذي وحده تتبلى ومرات يقول اساسا كل زوجه زوجها عنده علاقات تدعي له بالهدايه هذا ابتلاء !كأنه ينكر ثم يؤكد علاقاته المحرمه المبتلي بها على قولته ..
انا هنا تعبانه والله راسي بينفجر الرجال واضح ان هذا نظامه قبل يتزوجني شفت جوازه القديم من قبل يقرون الدخول لدبي بالبطاقة كان جوازه كله مختوم الإمارات
انا مره محتاره ان مررتها له بيرجع وان طلبت الطلاق وش السبب اللي أقوله انا تزوجت كبيره الان عمري ٣٨سنه و لو بتطلق عماني وأهلي اول المعارضين وبيرفضون التعاطف معي ولا اقدر أقولهم السبب خصوصا اني انجبت منه وسمعه ولدي من سمعه ابوه ،،وسبب اخر لان هو اللي يشوفه يقول ماشاء الله رجال وأهلي كلهم طائرين فيه ويقولون الله عوضك بعد هالعمر !! وللامانه عمري ماشكيت فيه لذلك انا مصدومه وعلاقاته طيبه مع الناس وظاهره الصلاح والرجال محترمني قدام اهلي واهله لكن خيانته كسرتني ومتوقعه اتطلق لأني اعرف نفسي ماارضى بالغلط خصوصا اذا ممكن يمس صحتي وينقل لي أمراض والله أني اتعجب من بعض هالرجال لهدرجه بايع نفسه ينام مع وحده من الشارع كل يوم مع واحد ويمكن باليوم كم واحد بعد وينام مرتاح بلا تأنيب ضمير ولا خوف على صحته أولا وصحه بنت الناس اللي تزوجها !!وقبلها مايخاف من الله!
انا الان احس اني ماتحمل اشوفه ولا احمل له اي مشاعر ولا احس بالامان بعلاقتي معه اللي ماخاف الله كيف بيخافه فيني و رغم محاولته التودد لي بعد الولاده الا اني ادعي واتحسب عليه كل يوم اللي حيرني وحطم حلمي بتكوين عائله فيها موده وحب والله وانا نايمه وصاحيه اتحسب حتى عجزت ادعي له بالهدايه !
ساعدوني وش اسوي كيف اتجاوز هالامر مررره تعبت وانهكني التفكير !!
24
5K

يلزم عليك تسجيل الدخول أولًا لكتابة تعليق.

تسجيل دخول

لارا@
لارا@
الله يحفظ لك ابنك ويبارك فيه


للاسف ماعندي نصيحة كيف تتجاوزي خيانته
او كيف تتعاملي معه


لكن ادعي الله كثير يلهمك الصواب
واستخيري
وادعي كثثثثثثثير


وربي يقدر لك الخير.
ام جلوي و نهار
ام جلوي و نهار
الله يهديه و يصبرك موضوعك محير ماتبين الطلاق ولاتبين الصبر هو مافي خيار ثالث وانتي عارفة
لكن لاتدعين عليه وادعيله
ولاتخافي من الامراض هو ماهو غبي بينام مع اي وحدة بدون يأمن نفسة
بينكا
بينكا
لو انتي بمكانه وتسوين اللي يسويه هل راح يسكت ويصبر
انا ما اخببك بس والله انتبهي من الأمراااض نصيحه لايقربك الله يعينك الواحد مايدري وش يقول
املي بعيالي واهلي
الله يعينك صعب وانني عمرك ٣٨ والله رزقك بالحمل اكبر نعمه طبعا قلتي كل شي تمام الا هالمشكله ادعي له وصعب الاطلاق لانك متزوجه متأخر
خيريه بينك وبين سفرات دبي او مايقربك بدون طلاق واتصلي ع الرقم اللي كلمتيه وقوليلها إذا سافرت مره ثانيه تخبرك إذا جاهم وتاخذين تسجيل بصوتها وتحطيه قدام الأمر الواقع يمكن يستحي ع دمه بعد الدليل ويتوب واذا ماتاب وكلي امرك لله
أُمـنيّـات 🦋.
أُمـنيّـات 🦋.
ماعرف وش ارد
بس الله يفرج همك ويهديه ويصلحه ويصرفه عن الحرام