كيف اتخلص من هذا الشخص ؟؟؟؟؟

في البداية اعترف اني ندمانه جد على هذا الغلط والوم نفسي كل لحظة... خلوني اقول لكم السالفة
بيداية السالفة لما لاحظت ان زوجي تجيه اتصالات كثيرة على جواله من رقم معين ويرتبك ويتلخبط اذا رد وفي يوم كنت معه في السيارة وسمعت المتحدث وكان الصوت واضح نبرة نسائية واضحة جدا... سألت زوجي واصريت علية بالاسئلة قام قالي هذي صديقتي ....ومارضى يرد على اسلئتي بالعكس صار يضحك ويقول مالك دخل ويستهزئ فيني... وكمتن صار يردد اسمها قدامي واذا دق جواله يروح لمجلس الرجال ويقول لاحد يجي عندي معي مكالمة خاصة جدا ويقفل علية المجلس وانا باموت من القهر لكني اطنش واسوي نفسي مو مهتمة...وصرت مثل المجنونة نفسي اعرف الحقيقة.. وفي هذا الوقت دخل على الخط صديق لزوجي ( عرفت بعدين انه اللي عرفه على ذا البنت) وصار يرسلي على جوالي اخبار عن زوجي والبنت في الاول طنشت وبعدين صرت ارسله اسأله عن حقيقة العلاقة بينهم لاني ابي اعرف وش قصتهم... وتطورت المراسلات بينا لين صار يعطيني تفصيل دقيق عن تحركات زوجي برا البيت( اكتشفت بعدين ان اغلبها كذب)...المهم هدأت مشكلتي مع زوجي واعتلرف لي ان مافيه بينه وبينها غير شغل في البداية لكن هي استمرت في الاتصال به وهو الان مايقدر يقطع معرفته فيها لين يخلص شغله.. وانه اعجبته غيرتي عليه لانه اول مرة يحس فيها والان نادم على جرح شعوري... بتقولون صدقتيه مايهم الان.. صارت مشكلتي مع صديق زوجي شاغلتني... لانه تطور الى كلام حب وعشق وانه معجب فيني من زمان من كلام زوجي وانه معجب بجمالي رغم اني ولله الحمد عمري ما انكشفت على رجل من غير محارمي بس هو يعرف اني جميلة من اولادي لانهم يشبهوني.. وصار يلح علي انه يشوفني ولو لمحة.. لدرجة انه عرض علي فلوس بالمقابل... ويجذبني بالكلام الحلو والرومانسي( وخصوصا ان زوجي من النوع الصامت وعمره ماقالي كلمة حلوة مثل كلام صديقه) رغم اني ما ارد عليه بس اقرأرسايله وهو يطلب اني ارد علي اتصاله واكلمه يس انا مارضيت ..وبعدين لما شفت انه تمادى لدرجة يطلب مني مقابلته ..قطعت كل مراسلاتي معه وغيرت رقم جوالي... لكن هو ماتركني في حالي صار يجي عندنا في البيت ويجلس مع زوجي بالساعات واحيانا يأخذه معه لبيته,,, وكأنه ما يبي زوجي يجلس معي.. وزوجي طاير فية وما يصدق فيه شي..حتى انه يرسلي مع زوجي بعضالاشياء اللي احبها مثل العصير والشكولاته واذا رفضت قالي هذا زي اخوك وهو طيب ومؤدب( المغفل مايدري عن نوايا صديقه).. تصدقون مرة طلب منه زوجي يجيب معه ربطة خبز وهو جاي يتعشى عندنا قام مول البيت بالكامل بأكثر من 500 ريال..حتى البامبرز الله يكرمكم وكراتين شكولاته من اللي احبها.. وزوجي يمدح فيه ويقول هذا اخي اللي ماولدته امي... انا الان خايفة منه ولا اقدر اقول لزوجي ولا لاحد من اهلي لاني انا اللي عطيته الفرصة في البداية .. رغم اني ماسمعته صوتي ولا قلتله كلمة مو محترمه.... ولكن هو قادر على كل شي لدرجة انه دخل شقتي وغرفة نومي لما كنت مسافرة عند اهلي في الاجازة وتفرج فيها وأخذ ايشارب من دولابي محتفظ فيه عنده يقول انه للذكرى.. وأخذ زجاجة عطر... رغم انه حلف انه ماراح يوريها لا حد
بس انا خايفة ان زوجي يلاقيها عنده وتصير مصيبة... الله يخليكم قولولي كيف اتخلص منه من غير مايعرف زوجي انه كان بينا معرفة.... وصدقوني ياخواتي هذي اول مرة في حياتي اراسل فيها رجل لاني ولله الحمد ملتزمة واحكم عقلي في كل شي بس ماادري كيف غلطت هذي الغلطة........
اللي عندها حل تساعدني قبل ما تكبر المشكلة ويتمادى اكثر من كذا..... على فكرة مرة قالي اني اذا ماكلمته راح يعرف زوجي على بنات كثير وحاول يشككني في زوجي