كيف اتصرف في المواقف السلبيه

السلام عليكم 🙋
كيفكم يابنات
انا جديده ف المنتدى قريت كثير مواضيع فيه و شفت كيف ردودكم و كلامكم و نصايحكم ف قلت بنزل مشكلتي و ابغاكم تتفاعلون معي و تساعدوني و نتناقش 🙂
انا يابنات تعبانه و محبطه من نفسي 😔 مدري وش اسوي لها علاقاتي مع الناس اغلبها علاقات سطحيه ماعندي الا صديقات 3 مقربات ماني جريئه و دايما حاقره نفسي مع ان والله مو ناقصني شي
ابغ اتكلم معاكم عن العلاقات مع الناس احس اني اتوهق فيها 😭 مثلا انتم كيف تتعرفون على ناس جديده طيب افرضو الشخص الجديد هذا ماتقبلكم و لا يبغى يتعرف و تعامل معكم بطريقه سيئه كيف تتصرفون و كيف تحسون ؛ طيب مثلا وحده تكرهك اجت سلمت على الكل الا انتي حقرتك كيف تحسين و كيف تتصرفين ؛ من جهه في بنات يناظروني نظرات استحقار و كره مع اني ماعرفهم ابدا بس يمكن يكونون سامعين عني كلام بس ليش الكره و انا ماعرفهم و لا يعرفوني بس سمعو كلام و شافوني من بعيد انا انجرح يعني ليش 😑
افرضي مثلا وحده تعرفينها و شفتيها ماره و ابتسمتي ف وجها و ما بتسمت لك مع انها شافتك لا و بعد ناظرتك نظرات استحقار كيف تحسين و كيف تتصرفين معها بعدين 😐 طيب وحده تبغين تسلمين عليها و طنشتك كيف تتصرفين
وحده تحش فيك عيني عينك او تعلق عليك قدام وجهك 😡 او تحش فيك من وراك و تشوه صورتك كيف تتصرفين انا ماارد بس احسهم يتمادون
طيب مثلا انتي تبغين تتغيرين و تطورين من نفسك بس في ناس اذا شافو تغيير فيك يضحكون عليك و يحطمونك و يوقفون ف وجهك و يحسسونك ان اللي سويتيه غلط كيف تتصرفون😟
طيب وحده مثلا ماتحبك تجي تسولف مع البنات و تطنشك او حتى تعطيك ظهرها
ادري اني طولت و ممكن تستغربون من اسئلتي بس انا احس اني طيبه كثير و على نياتي و ماعرف اتعامل مع الناس و احيانا معرف اتصرف صح😑 مع ان ماني صغيره ابغ تقولون لي وش التصرف الصحيح اللي يحفظ لي كرامتي و هل انتم تصير معكم ذي المواقف و لا بس انا ؟؟
مع ان في ناس كثير كويسه معي بس انا ركزت على المواقف السيئه لاني ماعرف اتصرف فيها و انقهر و احزن يعني ليش!