غفوة حلم! @ghfo_hlm_3

عضوة جديدة

كيف اتصرف مع الانسانه اللي اهانتني ودمرت نفسيتي ..وكرهتني في الطيبه والاحترام!!

انا عضوه جديده انضممت لعالمكم الجميل بعد ما شاهدت مدى الحب والاحترام ومساعدتكم لبعض ...

حبيت أكون بينكم لأني فعلاً احتاج أخوات صادقات ..يرشدوني ويرجعو ثقتي بنفسي... اترددت كثير في طرح

مشكلتي على صفحات النت..لكني أحتاج أن أفكر بصوت عالي ..ربما أتعلم أن أغير من نفسي ومن حياتي..

أتمنى أن يكون موضوعي في القسم الصحيح ..واذا لم يكن فا أنا أعتذر..

بداية انا متزوجه ولدي 3أطفال حياتي الزوجيه مستقره ورائعه ..المشكله في اخت زوجي راح اختصر معاني

معاها ب آخر موقف حصل بيني وبينها واتمنى انكم تساعدوني لأني أحس اني ضايعه !!! ومجروحه ..

ومكسوره .. نفسي أرد اعتباري بطريقه محترمه ..

كانت أخت زوجي جالسه عند أهلها لانها متخاصمه مع زوجها .. انا وزوجي عايشين في منطقه بعيده عنهم

وكل مانجي اجازه ننام عند أهل زوجي و الله يابنات كل تصرفاتها تحاول تستفزني فيها كانت تتركني وتروح

على النت وعلى الشات ب الساعات و لا قهوه ولا شئ طبعاً انا ماني غريبه وانا اسوي فطوري وغداي انا

واولادي وحتى اولادها وام زوجي معنا واسوي حلا ومعجنات عادي بس هي تتعمد تقلل احترام ليه واذا

جات وحده من سلايفي تترك اللي وراها وقدامها وتجي تجلس وتتقهوى وضحك وسوالف .. ثاني يوم من

وصولنا كان ولدي يبغى يلعب بلاي ستيشن ومستني ولدها يخلص لعب من المغرب الين الساعه 10ولدي

طفش وهو مستني قاله ي الله متى تخلص هو قال كذا وعينك ماتشوف الا الضرب والكفوف والشد والتكشيط

ب الاظافر..جات بنتي مره خايفه وتبكي تقولي الحقي امي فلان يضرب اخويه قلت طيب عادي خلاص دحين

يتصالحو قالت امي يضربه ضرب مره قوي شفتها خايفه خفت اناكمان وزوجي كان جالس معانا قلت له روح

شوفهم الله يخليك راح لقى الولد شوي ويموت من الضرب والله ما أنسى شكله كيف جآني يشهق ويادوب

يآخذ النفس والله العظيم يابنات اني حضنته واحاول أهديه ودمعتي شوي تنزل ولا كلمه نطقتها احتراماً

لوجود أبوه لا نه هو أولى انه يكلم ولد أخته ..اللي استفزني انه امه ولا حركت ساكن ولا قامت قالت لي

ولادها عيب هذا ولد خالك وعيب تستقوي عليه لانك أكبر..ولا فكرت تضم ولد أخوها وتطيب خاطره ..أبد

ولا كأنه فيه شئ ب الرغم أولاد غيري والله ياويل اللي يزعلهم ..ليش لأن أمهاتهم يشرشحوها مو مثلي

اخذ الطيب والبطال وأسكت واقول اكون أحسن منها أضحك على نفسي بها الكلام ..وبعد ها الموقف

كانت تحاول تفتح موضيع معاي وترمي كلام تبغاني اتشاكل معها وأنا أعدي ولاكأني سمعت شئ

أقول يابت انتي جآيه أسبوع وجهك في وجهها ما ابغى الناس تقول تجي تسوي مشاكل وتروح علشان

كذا الطنااااااااش صديقي اللي مايخليني..

اليوم اللي بعده كنت ابغى ازور وحده من القرايب وكنت اتجهز وكانت اخت زوجي المره هادي مستلمه بنتي

(عمرها 10سنوات) كانت تكنس الممر اللي قدام الغرفه اللي انا فيها والشنط حقتي كمان مقابل باب الغرفه

المهم قلت لبنتي اعطيني الاكسينول من الشنطه وهي رايحه تجيبه وجايه عليه قالت لها اخت زوجي

جمعي الجزم في السله بنتي أشرت لها بيدها طيب واعطتني الاكسينول وعمتها تقول لها عيب تطنشيني

بنتي طالعت فيه قالت ماما أعتذر منها قلت ليش تعتذر انتي غلطتي قالت لا قلت أجل مافيه داعي للأعتذار

روحي وجمعي الجزم ولا تجادليها..خلصت انا ورحت ازور قريبتي وبعدين جاء زوجي يرجعني للبيت في الطريق

قالي اتهاوشو اختي و بنتك قلت كيف حليت الموضوع قال ايوه قلت تمام.. ودخلت وأول مادخلت لقيت أخوات

زوجي الثنين جالسات يتكلمو واول ما شافوني سكتو ووجههم اتغير وجآت بنتي تكلمني في أذني عن

شغله كانت تبغها من أبوها وراحت وهم شكلهم فهمو انها تتكلم عليهم هذا للي فهمته من كلامهم بعدين...

جلست بعدين جلسو يتكلمو عن الاطفال

وكيف انه ولدها الكبير بس يضرب اخوه الصغير قلت لها من جد الله يعينك والله يافلانه ما شفتي فلان كيف

ضرب فلان والله ضربه من قلب والله اتوقعت قلبه بيوقف من الخوف ردت علي اخت زوجي ام الولد ضرب

ولدي ولا شئ عند ضرب بنتك للي اخوها ابتسمت وقلت الحمدلله انا اولادي عمرهم ماضربو بعض ولاهم

متعودين على الضرب نهائي نصيحه لاتخليه يتعود يضرب اخوانه بعدين ماتقدري تلميه وتسيطري على تصرفاته

وقفلت الموضوع... قامت اخت زوجي تبغى تفتح موضوع مشكلتها مع بنتي واول مابدت تتكلم اختها سحبت

نفسها من الجلسه وراحت المطبخ ..وبدأت اخت زوجي تتكلم وقالت شوفي علشان ماتقولين انتم تتكلمون

على بنتي وتبغى تكمل قلت لها انا لا أقول ولا أعيد ولا ابغى اعرف شئ طالما ابوها حل الموضوع خلاص ما

له داعي كثر الكلام قالت أصلاً الاحترام والتقدير ماهو لك لي أخوي قلت لها بكيفك ماجبرتك تحترميني

انتي تبغى مشاكل انا شايفتك من أقبل ما أروح وانتي تجاكري في البنت لكن ربي يعطي كل شخص على

قد نيته ابغى أقفل الموضوع قالت اني اللي تقوليها تطنشني قلت لها ياشيخه خافي ربك متى سمعتيني

قلتها أنا حتى البنت ماجلست معها .. أنا اللي قالي ابوها وهو جآيبني واذا ما انتي مصدقه اسأليه

وتتكلم وتصارخ طفشت منها قلت لها انتي جدالك ماله آخر وسكت انا قلت كذا والبنت صارت

وحش صارت تسب وتشتم وأصلاً انتي مو متربيه ومن زينك انتي وبنتك وعساكي الوجع اخر شئ قالت الله

يلعنك وقامت راحت الغرفه الثانيه تخيلو يا بنات ... جات اختها من المطبخ ولا كأنه فيه شئ قلت لها يافلانه

اسألك با الله سمعتيني قلت لبنتي طنشي عمتك قالت أنا ما انتبهت قلت لها حرام عليك الكلام قدامك وراح

نوقف امام ربي ويسألك عن هذا اليوم قالت لا ماسمعت قلت يا ليت تقولي لاختك ها الكلام جلست شوي

واخذت بنتها وراحت الغرفه الثانيه ..وجا زوجي وكلم اخواته وعتب عليهم وجاني وقالي معليش ومن هذا

الكلام قلت شوف يابن الناس أن استحملت كثير تجريح واهانات وسرت ملطشه للي رايح واللي جاي والى

هنا وخلاص ماعاد فيه حيل اتحمل أكثر حتى لو توصل للطلاق عمري لا راح اسامح واغفر والبيت هذا عمري

ماراح ادخله الا في الاعياد علشان امك وبس غير كذا لاتطلب مني واذا ماعجبك بيت أهلي موجود

قال ماعاش من يهينك يا ام فلان واللي تبغيه يصير ..وجات عمتي ام زوجي تعتذر مني قلت لها لا تعتذر

مني انتي امي اللي ماولدتيني وانا ما ابغى افرق بين اولادك انتي سمعتي سبها ولعنها فيه كله على

حاجات تافه ليش اسويت لكم والله ماشفتم مني الاكل خير وما اعاملكم الابكل احترام كبيركم وصغيركم ..

تخيلو يابنات هي في الغرفه الثانيه واسمعها تكلم واحد من اخوانها تسب وتشتم حتى اسراري القديمه

طلعتها وتدور اي شئ تديني فيها وماخلت شئ وما قالت وانا اسمعها ومحروقه على نفسي اخوها جا

يقول لزوجي المفروض هي ماتنام بيت امي ليش ماتنام عند اهلها وزعل زوجي مره لانه هو اللي مايبغاني

اروح عند اهلي قاله اسبوع ماتقدرو تتحملو اهلي وعيالي اسبوع تقدير ليه انا مالي خاطر ولابس لما تحتاجو

تعرفوني بعدين سأل اخواته قالهم اشفيهم عيالي قالو له بنتك ماتحترم عمتها ولاتسمع الكلام طبعاً زوجي

اخذ على خاطره من كلامهم ...تتخيلو ايش السبب اللي خلى بنتي وعمتها يتهاوشو بنتي الله يحفظها ليه

غسلت مواعين المطبخ لجدتها بعدين كنست الغرفه بعد ما كنستها جو اولاد عمتها في الغرفه واكلو شبس

واتوسخت الغرفه قامت عمتها قالت لها قومي اكنسي الغرفه قالت لها دحين كنستها خليهم يساعوني هما

اللي وسخوها وبس هذي الكلمه خلوها قليلة أدب وما تحترم وما تستحي على وجهها

اسألكم با هل تصرف بنتي فيه شئ ... يعني حتى لو كانت فيه المفروض تكلمها ب الهداوه واللين وهذي

بنت اخوها حتى لو غلطت توجهها ما هو تسبها بنتي اللى يومك هذا متعقده من الموضوع وتقول ليش

تكرهني انا ما سويت لها لا نه قبل اسبوعين كان عندنا فرح ورحنا وقابلنها وكل ماتجي بنتي تبغى تسلم

عليها تغير طريقها وتمشي وبعدين جتها عند صحبتها وقالت لها ليش ماتسلمي على عمتك يا فلانه..

تقول بنتي انحرجت ما عرفت اش اقول قلت عادي قولي لها الحقيقه قالت اخاف تجلس تصارخ واحنافي فرح

بعدين الناس تقول انا قليلة ادب .اناما ادري ليش تكرهني قلت هي ماتكرهك انتي هي تكرهني انا وعلشان

تقهرني تجي عن طريقك انتي بس طنشي كل ما تحاول تستفزك طنشي لحد ماتمل ...طبعاً انا قابلتها قبل

الفرح كان زوجي مسوي عزيمه بيت امه وصبيت لها القهوه ولا أخذته أخذته اختها من يدي وأعطته لها

ولارضيت تاخذه قمت أنا قلت هاتيه اخذته وحطيته في الصينه ونظرات الحريم عليها وعليه مستنين كيف

أتصرف وطنشتها ولاكنها موجوده وفي الفرح نفس الشئ سلمت على وحده جنبها ولا سلمت عليها زيها

زي الجدار حقيقه انا مقهوره على نفسية بنتي اللي الى الحين تفكر ب الموضوع ..

بنات انا ماني

مقهوره منها لانها هي من يوم ما اتزوجو اخوانها وهي تتعمد تطنشني وتحرجني وتجرحني ب الكلام

وحصلت مشاكل كثير كنت لما ادخل والله العظيم كلهم مايعبروني ويتعمدو يطنشوني اخوات زوجي وسلايفي

كانو مسويين عليه حزب وكنت ما أحب اروح بس علشان خاطر زوجي وام زوجي اروح اخذت فتره كذا شافت

انه انا مطنشتها هي واللي معها رجعت تعاملني عادي والغريب حتى اختها الثانيه وسلايفي رجعو معها..

تصدقو انها كانت اعز صاحبه كنت اعتبرهم اخواتي والله اني افكر في مشاكلهم كأنها مشكلتي ولو احتاجو

سوق اكلم زوجي يوديهم حتى هي المتزوجه لما زوجها مايرضى يوديها ولا اخوانها كنت اترجى زوجي

يوديها ..حتى الفلوس لو مره حسيت انه ناقصهم شئ اقول لزوجي اعطيهم برغم انه حالتنا متوسطه

واخته تلبس افخم وأغلى مني بكثير بس انا أصدق وأقول يمكن تكون فعلاً محتاجه لدرجة يابنات حتى ارواب

النوم كانت تتسلفهم مني وانا عروس وانا استحي ارد أحد طلبني واقولها خذيها ولا ترجعيها انا ما أحتاجها

لأني طبعاً مستحيل ألبس لبس غيري استخدمه..حتى زوجي عصب وقالي كيف تعطيها والله تستغلك

قلت له حرام هي نفسها تلبس لزوجها وما عندها خليها تدلعه شوي..انا كنت متعاطفه معاها لانها من يوم

ما دخلت حياتهم وهي مشاكل مع زوجها قلت يمكن شوية اهتمام يحل الموضوع طبعاً هذا الكلام بداية

زواجي وقبل ما يتزوجو اخوانها الثانيين ..بعد ما جو سلايفي انتهت حاجتها هي واختها من عندي وطلع

كل شخص على حقيقته

اللي ابغى اقوله اني انا متعوده على اسلوبها صح يستفزني بس انا مقهوره من نفسي أكثر ليش ما أخذ

موقف صارم منها ومن غيرها انا مقهوره من طيبتي الزايده او ب الأصح سذاجتي هذي مو اول مره تسب

وتشتم قبل كذا سوتها وجات واعتذرت..حتى زوجي يقولي هي تغار منك تغار حتى من تربيتك لي أولادك

قلت له انا عمري ما شفت نفسي عليها علشان تغار قالي انتي ماتعرفي مكانة نفسك وانا ياما حذرتك

منها لكن انتي ماتسمعي..قالي انتي لاتفكري في الموضوع وانسي وانا والله ماني قادره انسي كل ما

اتذكر السب والشتم واللعن اكرهها اكثر اكره ضعفي أكره طيبتي..

بنات ابغى أرد إعتبار ي أبغى أقوي نفسي المكسوره كيف استعيد ثقتي اللي انتهت كيف ارجع احترامي

اللي انداس.. ساعدوني قولولي كيف ابداء

كيف اتعامل مع ها الانسانه لا نه بحكم القرابه اكيد راح اصادفها كثير..لو صادفتها مع سلايفي وهما

مسوين عليه حزب كيف اتصرف..

كيف اخلي بنتي تنسى الموضوع ولايأثر على نفسيتها وثقتها بنفسها..

سامحوني قصتي طويله ماعرفت اختصر ..اتمنى منكم المساعده والتوجيه..

21K

يلزم عليك تسجيل الدخول أولًا لكتابة تعليق.

تسجيل دخول

ღˆ¨°ღ♥الهنوفღˆ¨°ღ♥ • 10 سنوات

واضح مثل ماقال زوجك تغار منك غيرة وبالقوة وتحاول تمسك عليك شئ من الزلة قدام زوجك وعمتك واهلهم عشان يقولون هى المسكينة وانتى اللى تتدورين المشاكل الاشكال هاذي كثيرررر وماينفع معها غير الحقران لانه ضدها وراح تحاول تزيد في المشاكل لين ان شاء الله تتطيح فيها لايهمك ولايشغل بالك شئ واذا تبين رد الاعتبار هو جاك اصلن لان كل ماطنشتيها وحطيتى عليها اكس بتموت في بطنها وراح تتدور مشاكل اكثر بس انتبهي منها انتبهي تحرض زوجك بطريقة غير مباشرة او انها تسوى مشكلة وتحطها في راسك خليك اذكي منها ونبهى زوجك بطريقة غير مباشرة من اللى يدور المشاكل واذا احد نشدك عنها لاتتكلمين فيها ابدن لانها هى تبى هالشئ ..طبعن هذا الكلام كتبتة اذا انتى ماقد استفزيتها بشئ او عمليتى مشكلة معها لا سمح الله واذا كان كذا حاولى تصفين الجو معها ولو هذى بعيدة عن زوجها ومشاكلها معه مكفيتها والله يهدي الجميع

#*فواكه مشكله*# • 10 سنوات

الله يعينك
حسبي الله على هالاشكال

ياريحة الجنة • 10 سنوات

رددي حسبي الله ونعم الوكيل بفﻻنه

صدقيني هالكلمة عجيييييبة في كسر ظهر الظالم وتدمير حياته
وراح تشوفين نصر ربك قريب بإذن الله

شعاع المجمعه • 10 سنوات

هذولاء هم المريضين الي دائم في وقت حاجتهم يستغلونك ومتى ماا استغنوا عنك كرهوك لانك تذكريهم
بماضيهم السئ الي كانوا بحاجه للناس واكتشفت ان الانسان الطيب يكرهونه الناس بعد المحبه ههههههههه من الغيره طبعا
انا لو مكانك بطبق شرع ربي واذا دخلت عليهم بسلم على الاكل ان سلموا علي خيركم من بدء السلام وان ما سلموا
انا اخذت الاجر وطنشيهم ولو منك اذا جت زياره مره ثانيه خذوه شقه مفروشه وانبسطوا ابرك واحسن

fatoomah123 • 10 سنوات

حبيبتي اكيييييييييييد المشاكل بتزيد انا اهل زوجي الحمدلله مابيني وبينهم الا كل خير واذا اقعد عندهم اكثر من 3 ساعات اتضايق وهم يتضايقو يبان علي وجيهنا بعد انتي جالسه عندهم اسبووووع اكيد بتصير مشاكل نصيحتي لك ادي الواجب وامشي يعني بالمناسبات او روحي سلمي واجلسي ساعتين وروحي عند اهلك ومتي مابغاك زوجك جااك عند اهلك علي الاقل اهلك مو غرب وبيتحملون عيالك مالك الا كذا وعشان بعد لا تصير حزازويات ولا تخلين وحده ماتستاهل تتجرا عليك ولا تجلسين معها لحالكم ابد ابد ابد واذا اغلطت عليك بكلمه مااقول قلي ادبك لا بس ناقشيها وكلميها وسكتيها لا تخليها تحس انك ضعيفه والا بتستلمك انتي وعيالك بعد جد الله يعينك