كيف اتعالج عن الشراء والسوق البيت عندي صار مول من الاغراض

احصري احتياجاتك
اكتبي اللي تحتاجينه بورقة
شني حملة تنظيف شامل لدواليبك وتسريحتك شوفي اللي مالبستيه من سنة طلعيه لانك ماراح تلبسيه خلاص
شوفي كريماتك وتخلصي من القديم والمفتوح من فترة واللي ماتستعمليه
عطورك اللي ما تستخدميها سويها مرشات للاثاث او عطري فيها كيس المكنسة بعد ماتنظفيها
سوي نفس الشي بالمطبخ ورتبي طبخاتك على اللي موجود عندك لين ما تخلصيه
لاتشتري الا اللي تحتاجيه ولا تتسوقي وانتي طفشانة او متضايقة او حزينة
خلي هالقاعدتين قدامك
لو كنتي موظفة وهالفلوس من تعبك كان فكرتي مليون مرة قبل تبذيرها بس سبحان الله الشي اللي يجي بالساهل ماله طعم

حاولي تقللين من روحات السوق حتى لاتصرفين الفلوس ,أغلب المبذرات عندها فراغ عاطفي والتسوق يحقق لهم متعه .

تصدقي بهالفلوس

قبل كم يوم رحت وديت عيالي الحديقه و شفت إفريقيات عايشات بالشارع بين الزبايل و المخلفات
أحزنني منظرهن و حنا في بلاد الحرمين

لا تشيلي معاك فلوس ،، و الضروريات اكتبيهم على ورقهم و شيلي فلوس على قدهم و اشتري اغراضك و ارجعي طوالي ،، لا تلفلي في السوق ،،، ترى انتي مو بطرانة او مبذرة ، لا هذا مرض ، اقراأي عنه في جوجل و شوفي الحلول ،،، و لازم تشوفي حل لانه مع الاسام راح تزيد و اذا ما حصلتي فلوس راح تبدأي تسرقي ،، مرة جابو عنه برنامج في التلفزيون

عندك فلوس ماتدرين وين تودينها؟؟ تصدقي !!
فإن النبي صلى الله عليه وسلم قال : "يا معشر النساء تصدقن فإني رأيتكن أكثر أهل النار"