انا كنت نفس حركات بنتك ، كنت مطفشة امي ،، و احسها ما تحبني و نفس حركاتها بالضبط ، بس كنت شاطرة رغم اني ما كنت احب الدراسة بس دائما تقديري ممتاز ،، بس شوفي انا اللي كنت فاقدته حنان امي ،، هي يمكن تحس انها تحن علي بس جوتي انا ما كنت احس فيه ابدا ، و كبرت و اتخرجت و الى الان ما احس بحنانها و انحرفت شوية في حياتي يعني لا يروح تفكيرك بعيد ،، بس مكالمات و كده و لما عرفو اهلي كفخوني بس كله كان مجرد انو امي ما كانت تعرف تحتويني ، انا راح اقولك شي واحد حاولي تحتوي بنتك بحنانك ، غيري اسلوبك ، اجلسي معاها خليها تفضفض لك بس مو بأوامر او شوفي الطريقة اللي تلاقيها مناسبة عشان تدخلي لها و تعبري لها عن حنانك ، انا الى الان ما احس بحنان امي بس دحين كبرت واتزوجت ، اوهم نفسي انها تحبني ، بس يمكن هي تحبني بس انا مو قادرة احس بذا الشي و الحمدلله اتزوجت و احد احتواني و حبني و لا كنت من زمان ضعت ،، صدقيني حركات بنتك يمكن حتى تكون زي ما هي بعد سن المراهقة ، حاولي يا قلبي تدخلي في حياتها بس بطرق ثانية ، معليش يمكن ما قدرت اوصل لك الفكرة بس اتمنى تكون فهمتي علي ،، و الله يخليها لك ، امي تحبني لانه لما امرض او اغيب كم يوم تسال عني و تخاف علي بس انا مو قادرة احس فيها فهمتي علي ،، يعني اسلوبها جاف مع خوف ،،
انا كنت نفس حركات بنتك ، كنت مطفشة امي ،، و احسها ما تحبني و نفس حركاتها بالضبط ، بس كنت شاطرة...
يبون يقولو لنااا احنا كبرنااا
اهتمو فيناااخذو راينااااا الله يصلح الحااال