كيف اخلي زوجي يبطل سهر خارج البيت..؟؟؟!!!

حبيبتي كل الحنان
اليك الوصفة العجيبة التي اتبعتها مع زوجي حتى يبطل سهر برا البيت......
انا صار لي سنتين متزوجة وبعد اتباع كافة الاساليب لارجاعه باكرا للبيت وتقليل تعلقه الزائد باصحابه وخروجه بنزهات وولائم وتركي بالبيت وحيده...وكنت يومها عروس جديدة.... فمره اتصل به واقول له انني مشاقه له..ومره اتناقش معه حول انه اصبح رب بيت مسؤول عنه...ومرة بالخناق ومرة بالدلع...وما في شي جاب نتيجة........لم يتبقى الا الطريقة العجيبة.
وهذه الطريقة العجيبة التي احمد الله على انني اكتشفتها وخلصتني من هذا الهم اللي اسمه التعلق الزائد بالاصدقاء.....
هذه الطريقة هي """""" الدعاء الى الله"""""
نعم كنت ادعو الله يوميا وبعد الصلاة بان يبعد عنه هذه الشلة من الاصدقاء.
وفعلا وبدون تخطيط مني بعد ان قررت ان اطنش الموضوع لفترة....انتقل مكان عمله من المكان القريب الذي كان يقابلهم فيه...وبعد فترة حصل سوء تفاهم بينهم ادى به لاتخاذ قرار ان يجعل علاقته بهم عادية او اقل من عادية...وبعد فترة تعرف على اصدقاء جدد..وهؤلاء الاصدقاء طيبون وهو غير متعلق بهم.
المهم اننا الآن وبعد حوالي 7 شهور من هذا الامر....وانا سعيده جدا بهذا واشكر الله واحمد فضله.

اعتقد طلعت ابو الشباب مع اصدقائه وسهره معاهم ظاهره صحيه طبعا اذا بصوره مو مبالغ فيها

جلسته بالبيت كل يوم بعد مو حلوه .. هو بيزهق منك وانتي بتزهقين من مقابلته طول الوقت ..

يعني كل شيء ان زاد عن حده انقلب ضده .. واعرف بنات كثير متضايقين من لزقت ازواجهم يقولون ماني قادره اسوي شيء لازم طول ماهو جالس اكون معاه واذا صديت شوي وش جالسه تسوين ووين رايحه

ماعندي خبره بالموضوع بس عندي اقتراح

الوقت الي هو يروح يسهر مع اصحابه انتي اسهري عند اهلك ولا وحده من اخواتك ولا صاحباتك وهو راجع للبيت يمر ياخذك ..

كذا انتي تجديد بيومك وهو نفس الشيء .. علشان يصير فيه اشياء تتكلمون عنها وتفتح لكم ابواب الحوار

طبعا كلامي اذا سهراته بالحد المعقول الي مايتنافى مع مسؤلياته كرب اسره وسهر ايام الغزوبيه غير سهر المتزوجين وهذا شيء لازم هو يعرفه
ويعرف ان بيته له عليه حقوق وزوجته لها حق انها تسهر مع زوجها

ربي يوفقك انشالله ويكتبلك الخير والسعاده ويسخرك لزوجك ويسخره لك

والله أستغرب ليّة تبونهم لاصقيّن؟؟؟

يا أختي حلو يطلع وتأخذي راحتك وتخلصي شغلك

وتشتاقيّن لة ويشتاق لك..

لية تحطين من الحبة قبة؟؟

حاولتي مافاد تقبلي الأمر وخذي الميّزة من غيابة حتى ترتاحين

عموماً مو اللبس كل شي..

بس لما تستقبلينة بلا عتب ولا تقوليّن لة شي..

وتبينين فرحتك بوجودة بلا تلميح لأنهم مايحبون أحد يفرض عليهم شي..

وتخلين الجو حلو وهادي يروق معك

إن هداه الله زين...ولو مانفع هونيها وتهون .

اختي مس دندن ::26:

الله يديم عليكم النعمة ولا يغير عليكم الا بأحسن يارب

وبالفعل انا جربت كل شئ وراح عن بالي الدعاء مع اني ادعي بس مو بإلحاح

والله يجزاك كل خير يارب

**********************************


اختي ساندوش تونه:24:

ياريت اقدر اروح لاهلي :( لان اهلي بديره وانا بديره
بعدين هو مايسهر الحد المعقول يعني 2 بالفجر اقل شئ كانت اول تاصل لـ 4 و6 الفجر بس تحسن شوي مو حبا في بيته لكن عشان ربطه العمل والقومه بدري

ومو معقول اروح اسهر في بيوت الناس لحد 2 الفجر وانا ما ادري عن ظروفهم ووراهم مدارس وعيالهم بصراحة احرااااااج لي

وكم من مره حاولت افهمه اني احتاج له خاصة اني من النوع الخواااااف اللي ما احب اقعد لحالي وكم من مره ومرات رجع لقاني ابكي من الخوف ومع هذا ماكو احساس


الاخت الفاضلة :26:

الظاهر انك مو متزوجه عشان كذا تقولين هالكلام

اختي والله ثم والله اني اتضايق من الزوجات اللاتي لا يهمهن سهر ازواجهم خارج المنزل

اولا انتي تقولين ان سهره خارج المنزل من حسناته انه يشتاق لي واشتاق له
وانا ارد عليك واقول ابدا بل العكس يشتاق هو لسهراته مع اصحابه اكثر مع العلم انه لو كان يشتاق لي كان على الاقل سهر معي ليلة
لكن نظام زوجي سهر كل ليله حتى ايام الاسبوع واجازة الاسبوع يحطني عند اهله ويروح يكمل سهر حتى ساعه متأخره من الليل واذا كلمته يقول حطي مخده وارقدي (( هل هذا منطق ))؟؟
وهل لو كان يشتاق لي يتركني الى هذا الوقت .......... طيب خليني امشي بمنطقك نقول اشتاق لي المفروض اذا رجع وش يسوي ؟؟؟؟

خليني اقولك عن زوجي يناظرني بنص عين ( عشان يشوف سلوكي وهل انا معصبه ولا لأ ! ) بعدين ما يبي اي نقاش يتمدد على السرير ويجر اللحاف ويتغطى وينام
هل معنى هذا انه اشتاق لي ........ سبحان الله

بعدين انتي تقولين اقابله يأحسن لبس ووجه بشوش ........ الله يخليك اي نفس او انسانه تعامل من قبل زوجها بالاهمال
والله ما لها نفس حتى تناظر وجهه حتى تقابله بوجه بشوش

والله ما انساها له ولدي عمره ما كمل الشهرين وحرارته عالية وما يقدر يتنفس وحضرته يروح يسهر لي قال ايه اخوه تعبان المشكله انه كل يوم طالع لي بحجه على حسابه اني بزره ما افهم

حبيبتي يشتغل رجلي من الصباح الى خمس العصر يطالع الاخبار ساعه ويتغدى ويشرب الشاي ساعه
ويتمدد عشانه تعبان ساعتين واذا صحى قعد شرب القهوة نص ساعة وخرج وهذا وش الضيف
هذه حياتي
اي اشتياق وخرابيط والله اني مليت العيشه معاه

لا ..أنامتزوجة..

وليّ أكثر من 10 سنوات متزوجة..:23:

يعني كلامي من خبرة وتجربة ياقلبي..

ماكتبت للفلسفة او حتى أزعلك وتحاكيني بالشكل هذا!!!

لكن بعذرك والله يعينك..

أنا زوجي يومياً يطلع للإستراحة..

لما كنت مكبرتها..كنت دايم زعلانة منه..

ودايم كنت أتضايق لطلعتة وأعصب عليّة وأكرة حيّاتيّ..

فلما يرجع أخربها معة ولا أرضى بأي كلمة وفي النهاية ننام زعلانين

والموال نفسة يستمر..يعني لاحصلت زوجي ولا حصلت راحة نفسية..

ولما هونتها وتعوذت من أبليس وصرت أخذ الأمر طبيعي وعادي..

ولما يرجع ما أقول شي وأستقبلة بوجة بشوش وراضية علية..

أرتحت نفسياً اكثر وأنام وأنا هادية ويحاول يرضيني لأني قدرتة ولا عاملتة كطفل

تركت لة الحرية يحاسب نفسة ويعرف حجم غلطتة..

لكن الصبر زين مو في يوم وليلة يقدرك ويتفهم الوضع..

والعذر والسموحة لو ضايقتك في الردين..

تقبلي تحياتي.