تقدرين تفتحين محفظه نت في الاهلي او الرياض سمعت انهم مايشترطون مبلغ معيننن
وحطيها باسهم وخليها استثمااااار

موصحيح ان اقل حاجه للاستثمار 7500 ريال هذا بس في الامريكي والبريطاني
عندك صندوق الاسهم السعوديه في البنك الاهلي الحد الادنى فيه 5000ريال يعني عالقد تمام فمن رايي تدخلين فيه وان شاء الله ربي يبارك لك فيه

حبيت اسل خواتي اللي لهم خبره في الاسهم هل المحفظه هي صناديق الاستثمار

المحفظه اختي هي انك تحطين فيها فلوسك
وتتداولين بالاسهم بنفسك
اما الصندوق الاستثماري
تحطين فيه فلوسك
والبنك يتداولها بنفسه
وشكرا

حبيبتي الأسهم ذي يبي لها راس صاحي وتفرغ وراس مال على الأقل ما يقل عن ثلاثين الف

واللي ما عنده خبرة مثلنا يطقطق شوي وإذا كسب من هنا مية ولا ميتين
يخسر ألف أو ألفين من جهه ثانية

وعشان تخشين السوق صح يبغى لك تفتحين محفظة في أحد البنوك
وتتداولين الأسهم عن طريق النت بس لازم تكون عندك معلومات كافية عن الأسهم
ومتى تشترين ومتى تبيعين وكيفية المضاربة وتتابعين أخبار الأسهم والتحليلات وغيرها ..
وهذي أشياء يبي لها مدة عشان تتعلمينها

لكن تبين نصيحتي حطي فلوسك في أحد الصناديق الاستثمارية وهم يبيعون ويشترون عنك
وعندهم نخبة من المضاربين الفاهمين والمتفرغين لها الشغلة وريحي بالك انت من البيع والمشترا

طبعا إن شاء الله راس المال ما يتأثر ولا ينقص
ولو صبرت على فلوسك في الصندوق سنة على الأقل تتدبل يعني الربح 100%ويمكن أكثر شوي

ولو حبيتي تاخذي فلوسك في أي وقت تسحبيها مع الأرباح وتقدرين تشيكين على البنك كل أسبوع تعرفين أرباحك..

أنصحك بصندوق الرائد في سامبا والأمانة في البريطاني
هذاولي أرباحهم في السنة 105% ومتوافقين مع الشريعة الإسلامية ..بس زيدي شوي على المبلغ اللي معك لأنهم لا يقبلون أقل من 7500

إذا حبيتي معلومات زيادة تقدرين تدخلين على موقع هذين البنكين وتتعرفين أكثر
أو أدخلي موقع تداول قسم الصناديق الاستثمارية وتقارنين بين أرباح كل صندوق

والله ييسر لك الخير

تحياتي
أم البراء 2006