ممكن تعطين احد من اخوانك الي عنده محفظة يشتري لك فيهم بسهم قوي وتتركينه لحد مايندبل ثم تبيعيه وتشتري غيره وهكذا

عزيزتي ..............................

في امور مثل ذي واذا تبين الله فعلا يكون في عونك لازم تستخيرين اول لان اللي فيه رزق لغيرك يمكن مايكون لك فيه ويمكن تطرقين ابواب ويكون لك فيها خير كثير ومانفتحت لغيرك 0000

بعد كذا اذا تبي تستثمرين في الصناديق افضل شي اللي ذكرو الاخوات الرائد في سامبا لانه مباح من الناحية الشرعية ,,,,,,,,,,,,,بالرغم من اني استثمرت فيه ودخلي مبلغ لايكاد يذكر ومره سمعت في البالتوك ان الصناديق متى كانت عوائدها كبيرة في عام 2003 وعام 2004 ايام ماكان سعر السهم 60 ريال فقط
بس الحين انا ماشوفها فيها مكسب يستاهل ولازم يكون رصيدك على الاقل 7500

والاسهم لازم عشان تمشين فيها اول شي يكون عندك رغبة وحب للعملية ذي عشان تقدرين تتابعين وتنجحين واذا تبيني اشرحلك طريقة البيع والشراء عن طريق النت انا مستعدة بس افتحي محفظة اولاًً 00


واذا انتي انسانة متفرغة وماعندها عمل من الافضل انك تفكرين في مشروع بسيط وتكتسبين منه مع مرور الايام ويكون لك سمعة بالذات اذا كانت فكرتك جيدة

وانا اعطيك مثل فكرة تغليف الهدايا وتنسيق الزهور وتقدرين اول ماتبدأين تشتغلين وانتي في بيتك واتعاملي مع جمعيات ومراكز في البلد اللي انتي فيه

أو اذا انتي تجيدين الخياطة فيه فكرة لعمل اشياء للاطفال اطقم ولحف وحقائب ذي الفكرة حلوة خاصة في المحلات احيانا ماتلقين اطقم كاملة الحقائب بالمفارش بالرضاعات بملابس الطفل اذا مولود بالعاب نفس البريستيج ............


اتمنى اكون افدتك





ولك فائق التحايا ,,,,,,,,,,,,,,,,,,,,,,,,,,,,,,,,

اشكركم كثير اخواتي على الافكار الرائعه
بالنسبه لمحفظة الاسهم انتم عارفين انا مدرسة روضه وما افضى واذا فضيت من الشغل بالي يصير مشغول وش بسوي اعمال وش بغيير اركان والخ والاسهم يبي لها وقت وبال مركز

وبالنسبه للصناديق مررررررررررررره حلوه فكرتها وعجبتني بس كم اترك فلوسي في صندوق الامانه ؟ بما ان حسابي في البريطاني

غير كذا انا عندي موهبه تصميم المجوهرات وعندي قطع كثير رسمتها ونفذتها وانجنوا عليها معظم اللي شافوها من قريباتي او زميلاتي بالعمل
بس للاسف المجوهرات يبي لها راس مال حلوو و5000 يا دوب تعمل لك 3 قطع ولا قطعتين

انا فكرت ان شاء الله لما يكون معي راس مال افضل اعمل مجوهرات وابيعها في البازارات على خير

وعلشان اكون صريحه معكم انا مو شاطره مره بالخياطه يعني فكرة الحجابات اخاف ما اعرف لها والمفارش وتنسيق الحفلات انا شاطره فيهم الى حد ما بس احس يبي لي ادخل مع وحده شراكه ونشتغل سوا
وش رايكم
انا بصراحه فكره المواليد وتجهيز المفارش عجبتني مره خصوصا اني اعرف ناس كثييييييييييييير ياخذون المفارش حقت السرير والطاولات والصواني اطقم بمبالغ مره كبيره
يعني الموضوع فيه مكسب حلووو

هلا حبيبتي ..
انا اعمل في مجال الجلابيات الكويتية وكما تعرفين ان عليها طلب في الأسواق ..
انا ربحت في الشهر الماضي..منها 4000 ريال
اذا حابه تستثمرينها في الجلابيات عطيني خبر..
لأني محتاجه مندوبات ..

بنات مافيه وحده تحكي لي عن المفارش
او لها في تصميم الاكسسوارات و المجوهرات وتتعامل مع محلات او مصانع

انا بعد ابي اسال عن البنات اللي يشتركون في البازارات دايم ياليت لو فيه وحده تحكي لي عن نشاطاتها