مشكووووووووورين ع الرد من جد ماقصرتم

طريقتي كوب رز سنوايت + ٢ كرب جريش
اغلي موية بالقدر وابشر عليها ثوم وبصل وسمن واغسل الجريش مع الرز واسكبهم على الماء بحيث كمية الماء قد كمية الجريش ٤ مرات واخذ عليها الملح والبهار على نار هادية جدا تقريبا ساعة ونصف بعدها أجيب كوب لبن او خليب واصبها عليها واحركها فترة واطفي النار وصحتين
بعضهم يستبدل السمن بالزبدة او الشحم سواء شحم خروف او دجاج حسب المتوفر

طريقتنا:
بقدر اكشن بصل وثم طماط وبهارات ثم احط مويا واحط الجريش بس انقعه ساعتين او اكثر وعادي نقعيه لو من الليل وسويه بالنهار
المهم ولغلي اخليه النار متوسطه وكل شوي احركه
وبالخلاط احط بندوره حب وربع فلفل اخضر ومويا واخلطه واصبه عالجريش وهو يطبخ
ونحط ملح وفلفل قرون حبه..
ولقرب يستوي اصب عليه حليب المراعي وشويه زبده او سمنه .......
وبس

الله يسعدكم ع الردود الحلوه

الجريش الجريش
بدون اضافات جديده ولا دخلاء عليه
مد جريش اغسليه وحطي عليه لتر لبن و٣لتر مويه
وملح وملعقتين دهنه او زيت وفلفل احمر وشويه كمون
وخليه على النار وحركيه واول مايغلي قصري النار فوق خفيف مره
وخليه ٣ساعات
وعليك بالعافيه