هلا خواتي الغاليات عندي مشكله صغيره قلت مالي الا الله ثم خواتي الغاليات اشاورهم
وشوف رايهم
انا ولدي اراد يتزوج وكان يبي من الاقارب لان يقول مابي خارج العايله ننسب ناس ماندري عنهم
وانا من وجهت نظري افضل الاقارب ولقيت بنت اختي الاقرب وعارفه الحال
وهو وافق والحمد لله
المشكله في والدها متردد له كم سنه مره يقو ل نشوف مره يقول يصير خير جلسنا على هالحال
لحد ماجته سفره برا وكلمه زوجي وقال يصير خير
قالت اختي ام العروس خلاص انا متفقه معاه لما يجي نسوي الملكه ورتبت كل امورها وحجزت مكان الملكه وكل شي بس انا قايله لها ظروفنا صعبه جدا
هاذي السنه ليش ماناجلها قالت خلاص حجزنا كل شي انا وعيالي قلت لها انتي خذتي الموافقه منه قالت لا بس لو مايوفق مااجلس عنده
والمشكله ان ولدي عليه قروض وتوقعت لما ياخذ بنت اختي تكون التكاليف قليله بحكم انها عارفه الحال بس تفاجئت تقول لي ابي بنتي بيت لحالها وابي احلى اصناف الحلى وابي شبكه بنتي بكذا ووووو انصدمت منها وهي اختي الي كنت اشكي لها كل همومي والله تبكي ماتنام تنقل همي وزوجي قايل تر الزواج نبغاه مختصر ياخذها ويطلع وانا صراحه معه
لاني حضرت كم عرس واعجبني لانه محدود ومرتب ويوم قلت لاختي انصدمت من رئيها قالت لا نبي عرس كبير بنعزم كل جماعتنا نبغى عرس كبير ومانخلي احد مانعزمه
وانا بين نارين بين زوجي لو يعرف بيقول هاذي اختك ماقدرت الولد وظروفه
واخاف يفركش الزواج وزوجها الي ماعطانا رد للحين تكفون قولو لي رايكم وش اسوي وكيف اتصرف مع هالجماعه واول مره يتزوج عندي ولد ومااعرف كيف اقنع زوجي واختي
برق الحياة @brk_alhya_1
محررة
يلزم عليك تسجيل الدخول أولًا لكتابة تعليق.
الحين الزواجات كلها مختصرة و زواجي كان مختصر و عزمنا اقرب الاقربين و ربي كان روعة ، انتي المفروض من اول تجلسي مع اختك و تقولي لها عن ظروفك و ايش تقدرو عليه من مهر و ذهب و حفلة زواج ،،، اذا حاسة مو قادرة كلميها قولي ما نقدر على المصاريف اما تأجلوها سنة او نسوي زواج مختصر او زي ما دخلنا بالمعروف نخرج بالمعروف ،،، مع اني ضد فكرة تفركشي الزواجة و خاصة اخوات و بتصير مشاكل و ربي يوفق ولدك و يتمم له على خير ،،
أختك معاها حق وإنتي الله يهديك شكلك فكرتي ببنت أختك عشان المصاريف وبس
يعني فكرتي بنفسك وبولدك وما وضحتي الصوره كامله لاختك
معليش بس لو أنا مكانها ما راح أرضاها على بنتي ولا راح اجامل احد على حسابها
المؤمنين على شروطهم وإنتي ما وضحتي لاختك بالبداية انك ما تقدرين على المصاريف لزواج ولدك ، مجرد تخبرينها عن ظروفك الخاصة انتي.
عارفه انه الزواج تسهيل عشان يجئ التوفيق وانا معاك بهذا الامر ووصية رسولنا عليه السلام ، لكن كان لازم تعطين أختك خبر بكل صروف ولدك بالذات وبالتفصيل عشان تعطينهم الخيار من اول انهم يوافقون وما يصير لهم حق يعترضون بعدين او يرفضون ولكن يغني الله من سعته. ما ادري صراحة كيف ممك أنصحك لان الموضوع بدا يأخذ حساسية بين الأقارب ،لكن كل اللي أقوله الله يسهل لكم ويفتحها عليكم ويرزقكم من حيث لا تحتسبون ويجمع بين ولدك وخطيبته في خير.
يعني فكرتي بنفسك وبولدك وما وضحتي الصوره كامله لاختك
معليش بس لو أنا مكانها ما راح أرضاها على بنتي ولا راح اجامل احد على حسابها
المؤمنين على شروطهم وإنتي ما وضحتي لاختك بالبداية انك ما تقدرين على المصاريف لزواج ولدك ، مجرد تخبرينها عن ظروفك الخاصة انتي.
عارفه انه الزواج تسهيل عشان يجئ التوفيق وانا معاك بهذا الامر ووصية رسولنا عليه السلام ، لكن كان لازم تعطين أختك خبر بكل صروف ولدك بالذات وبالتفصيل عشان تعطينهم الخيار من اول انهم يوافقون وما يصير لهم حق يعترضون بعدين او يرفضون ولكن يغني الله من سعته. ما ادري صراحة كيف ممك أنصحك لان الموضوع بدا يأخذ حساسية بين الأقارب ،لكن كل اللي أقوله الله يسهل لكم ويفتحها عليكم ويرزقكم من حيث لا تحتسبون ويجمع بين ولدك وخطيبته في خير.
قولي لاختك هذا الماجود وانتى عارفه الحال و حنا نبى الستر لعيالنا الستر والفرحه حنا جاهزين ب المعقول لو ماتبون عطونا رايكم بدرى والله يسهلها من عنده صدقينى اختك مالها دخل اعتقد من البنت الله يهديها هم يطلبون كذا ..
um ys :
بالعكس اختك معها حق كلها ليله وحده وبعدين احنا خابرين اهل الولد اهم اللي يبون الحفله الكبيره والهاي هاي ياختي كلها ليله بالعمر ومثل ما قلتي اول ولد تزوجينه سوي شي مميز وغير وبعدين من حقها تسوي عرس كبير لبنتها لو بنتك بتتزوج بتسوين لها عرس كبير وتشترطين لها بيت لحالها ولا لا قولي الصراحه وكل الناس تاخذ قروض قبل الزواج وبعد الزواج الله ييسربالعكس اختك معها حق كلها ليله وحده وبعدين احنا خابرين اهل الولد اهم اللي يبون الحفله الكبيره...
كلنا يا أختي نبغى المميز والحلو خاصة انها ليلة بالعمر وما تنعاد لكن اذا كانت العين بصيرة واليد قصيرة وين الحل؟
القرض للسيارة ، وقرض للبيت، وقرض للمهر، وقرض للزواج ،،،،كم الراتب اللي بيستحمل كل هالقروض؟
القرض للسيارة ، وقرض للبيت، وقرض للمهر، وقرض للزواج ،،،،كم الراتب اللي بيستحمل كل هالقروض؟
الصفحة الأخيرة
والهاي هاي ياختي كلها ليله بالعمر ومثل ما قلتي اول ولد تزوجينه سوي شي مميز وغير
وبعدين من حقها تسوي عرس كبير لبنتها
لو بنتك بتتزوج بتسوين لها عرس كبير وتشترطين لها بيت لحالها ولا لا
قولي الصراحه
وكل الناس تاخذ قروض قبل الزواج
وبعد الزواج الله ييسر