كيف اكتفي بذاتي عن الناس

السلام عليكم
كيفكم جمعيا
يابنات وياحريم انا وحده ساكنه بديره مافيها لي اقارب نهائي ولااهل وبعيده مره تقريبا ٨٠٠كيلو عن اهلي
اكلتني الوحده مع ان عندي ثلاث اطفال بس ابد مايغنون عن الاجتماع مع الناس
انا وحده اجتماعيه واحس اني جالسه اذبل وامَوت ابي ناس ابي احد اسولف معه
عندي طبينتي ساكنه فوق كنت ازورها دايم بحكم بناتها كبار واخواتها عندها دايم ووناسه بس خلاص حسيت الكرامه راحت مم كثر مااروح لهم ابي اكتفي بنفسي عن الناس ابي ارتاح واطمئن ولااجلس اتحرى شوفه احد اسولف معه وربي كني بزر اتشفق لريحه اي حرمه عشان بس تبدد هالوحده والغربه واحرك لساني واسولف واخذ واعطي
ابي اترك هالطبع ولا افكر بااحد
يارب فهمتوني ابي انبسط مع نفسي بدون ماانتظر احد
تخيلو يمر شهر شهرين مااسوي قهوه لي مااقدر اشربها الحالي احس زي الحرقان من البعد والوحده والسجن النفسي
وزوجي نهائيا ماله وجود مجود كيان اخدمه لما يجون اصحابه وافتك منه