كيف انظم ووقتي وارتب بيتي

السلام عليكم ورحمة الله وبركاته
ياطويلات العمر انا صار لي قريب السنة متزوجه
وبصراحة مثلي مثل اغلب البنات اللي متعوده على الدلع ببيت اهلها تزوجت وانا بكامل حماسي بصير مسؤولة عن بيت ويصير لي بيت خاص فيني مملكتي ..
واللي حصل اني تورطت احس ماعاد عرفت لا انظم وقتي ولا بيتي اغلب الوقت مو مرتب
ماعرف كيف اخلي السراميك يلمع زي المرايا رغم عندي المساحه اللي معها بخاخ والثانيه ام فتيل معها سطل بس يخلوا الارضية مدبقه
وللامانه 😩💔💔
حصلت مشكلة بيني وبين زوجي قبل يومين وقال لي انا صابر على دلعك متى تصيري سنعه زي باقي الحريم مليت وانا اشتري اكل جاهز وحلا وكذا ليش ماتسوين زي اخواتي كل اكلهم كانه جاهز من لذاذته وطعامته ..
تعلمي كيف تنظمي بيتك وتطبخي وضع الشقلبه والبيت اللي مو جاهز هذا مابيه 😭💔
تهزئت والله تهزيئه محترمه ..
بصراحه انا اطبخ بس مو كثير حدي كبسه وايدام بس وحلا فاشله فيههه خصوصا اللي بالفرن كيك بسبوسه دايم يطلع معجن ..
الشي الوحيد اللي يمدحه ويحبه للامانه غسيلي ابيض ناصع وريحته حلوه
بنات امانه انا ماكتبت اقولكم اني كسوله ولا شي لا والله ان ودي اتعلم واصير سنعه ومرتبه وكل شي
بس استحي اكلم احد اخاف احد يشمت ويقولون هذي تزوجت وماتعرف شي وامي نظامها تعلمي لحالك وخوات كلهم صغار وبرضوا صديقات ماحب منية احد علي..
علموني الله يسعدكم كيف انظم وقتي بحيث يكون عندي وقت اهتم بنفسي وفيه وببيتي
وبتعلم الحلا والطبخ عشان ابهر اهل زوجي صراحة قاموا ينقدون ويمدحون المتزوجات معي بنفس السنة من عيلتهم انها تفتح سفر وحلاهاواكلها 💔
وانا كله اطلبه جاهز والله ماودي اطلب بس دايم مايضبط الاكل معي ..
وبس والله 😭💔