كيف اهوى الطبخ ؟!!!

خذي وصفات بسيطه

انا مثلك ما احب الخطوات الكثير والشي اللي فيه لف وحشو قطع كثير

مثل ورق العنب صرت اكتفي بفرم ورق العنب صغير واطبخه مع كشنة بصل وطماطم ومعجون طماطم وبهارات مشكله وملح وكزبره وبقدونس وليمون ورز مصري ومويه يعني اطبخه مثل الروزيتو .

كذلك الكفته افضل اني افردها في صينية واسعه واطبخها بالفرن واذا نضجت اقطعها .

وبرضو اللحم بالعجين افرد العجينه بصينيه واسعه وفوقها خلطة اللحم المتبل واطبخها بالفرن ثم اقطعها .
حتى باقي المعجنات لبنه بالزيتون ، او الزعتر ، او لبنه بالزعتر افرد العجينه بصينيه واسعه واحط فوقه اللبنه واطبخه ثم اقطعه مربعات

حتى الفلافل صارو يسوونه بصينيه واسعه او بصينية التارت ثم يزينونه من فوق بالطحينه والزبادي والبطاطس والباذنجان المقلي ويقطعونه ويتقدم

او تقدرين تستعينين بصينية قوالب الكب كيك تعملين فيها البطاطس المهروس او الكفته توفر عليك جهد

واذا انتي من النوع اللي فعلاً ماتحبين الزحمه اعتمدي على التحضير المسبق لبعض الطبخات واحفظيها بالفريزر

مثل كرات البطاطس المهروس تصير جاهزه عندك بالفريزر وبس تعملين لها الدجاج وخلطة القشطه والكريمه

والكفته والكبه وحشوات اللحم المفروم والبطاطس والكوسا المحشي كلها تقدرين تحضرينها مسبقاً كميه تكفي اسبوع وتحفظينها بالفريزر وتستخدمينها وقت الحاجه او تحضرينها على مراحل بالليل على رواقه تجهزين وتحشين واليوم اللي بعده بس تطبخينه .