يعطيك العافيه يارب
موضوعك مهم ومشوق للجميع :26: :26:

جمانة رائعة
شكرا جزيلا على توفير المعلومات كاملة وواضحة .:26:

قرأت مرة انه اذا جيتي تقولين لطفل يوقف عن تصرف مو عاجبك , تعطينه فرصة قبل تبدين التدخل و ذلك بالعد من وواحد الى ثلاثة ..... اما يوقف او يتحمل نتيجة اللي بيصير . انا اتبعا مع ولدي اقول :
راح اعد الى الثلاثة اذا ما توقف راح .............. والله تفيد اغلب الاوقات ....... لانه تعطيه انذار و هو عنده الخيار .

الاخت ام حصة بعد التحية ...
اسلوب التهديد اسلوب غير مفيد مع الأطفال انتي صح اعطيتي خيارات لكن من ضمنها تهديد يعني مافيه قدامه الا انه يسوي الشي الي انتي تبينه أو راح يعاقب ومشكلة التهديد انو ماراح يقوم السلوك بالعكس اما ان الولد يخاف وتروح ثقته بنفسه او يحاول الانتقام بعدين منك بضرب اخوانه او تخريب البيت ..
مثال عندك ولد يتنطط على الكنبه وطبعا هذا تصرف خطأ بدل ماتقولين اما انك تجلس أو احرمك من التلفزيون طبعا بيختار الجلوس ..
لكن لو قلتي الكنبات انحطت علشان نجلس عليها مو علشان ننط عليها (اعطاء معلومات ) لو ماوقف اما انك تجلس هادي اوتروح ترسم في غرفتك انت اختار(اعطي خيارات ) ..ولو ما وقف اخذه من يده بكل هدوء وادخله غرفته واقول الظاهر انت اخترت الرسم في الغرفة يله ادخل وارسم (افعل امرا حاسم اما حرك او قيد)..
ولك تحياتي ..

ثالثا/تابع بدائل العقاب

بعد التحية والسلام أشكركم على التفاعل الجميل مع الموضوع واعذروني على التاخير..
لو كان عندك مشكلة تأديبية مستمرة طبعا الطرق السابقة ماراح تفيد لكن فيه طريقة جديده اسمها( حل المشكلة )..وانا راح اعطيكم المثال عن ولد اسمه احمد ويقص القصة بنفسه وانتم احكموا عليه بعد سماع القصة:
قصة احمد :
احب بعد المدرسة العب مع اصدقائي في الساحة عند المدرسة انا عارف اني لازم ارجع الساعة12.30 لكن احيانا انسى امس وقبل امس رجعت البيت متاخر كانت امي زعلانه كثير وقررت اليوم اني اسال صديقي عن الساعه علشان امي ماتصارخ علي مره ثانية .قال لي صديق ان الساعه 12.45 .وقفت عن اللعب ورجعت للبيت اركض وقلت لامي اني تذكرت اليوم اسال عن الساعة بس الوقت فات ورجعت بسرعه هنا .
الجواب الأول للام :
((مليت من الاعذار اشوف ان الواحد ماعاد يثق فيك والاسبوع الجاي بترجع كل يوم في الوقت المحدد وتقعد في البيت ولا تتخيل انك بتلعب او تطالع التلفزيون والحين روح لغرفتك على طول لان اغداء خلص ))
ماذا سيقول احمد في نفسه ؟؟
الجواب الثاني للام :
((يا الله انت حار بالمره من الركض خلني اغسل وجهك واوعدني انك ماتتاخر مره ثانيه ))((انت خليتني افقد اعصابي رح الحين غسل يدينك بسرعه الله يخليك الغداء برد بروح اسخنه لك ))
ماذا سيقول احمد في نفسه ؟؟
الجواب الثالث للام :
((انت تقول انك سويت الي عليك وانا مبسوطة منك .لكن لازلت زعلانه لاني ما بغى اقلق عليك مره ثانيه .اتوقع اذا قلت انك بترجع الساعه 12.30 معناها انك تفي بوعدك وانا راح اعتمد عليك بعدها .الغداء خلص مابقى منه شي لكن لو حبيت سوي لنفسك ساندوش ))
ماذا سيقول احمد في نفسه ؟؟
اكيد صعب تعرفين مشاعر الولد في كل مره ..لكن ايش رايك انتي في ردود الأم وايها الافضل ؟؟
يتبع يا عسولات ....