ثانيا /

كيف نشجع الأطفال على التعاون

مرت علي أوقات أحس بناتي يحسون أني عدوه لهم لأني أنا إلي اجبرهم يغسلون أيديهم قبل الأكل وبعده

ويرتبون غرفتهم بعد النوم ويقصرون أصواتهم ويحلون الواجبات والخ؟؟؟؟؟؟؟

وكنت امنعهم من الأشياء الي يحبونها ((لا ترمون الأوساخ في الأرض لا تنطون فوق السرير لا تلعبون بالمويه لا

تطلعون للشارع الخ ؟؟؟؟صاروا يقولون بنسوي الي نبيه وانا اقول بتسون الي ابيه وهكذا حتى صارت المسألة تتكرر

معي في كل مره اطلب منهم شي

الحين فكروا معي ايش الأشياء الي لازم الأولاد يسووها الصبح وبعد الظهر وفي الليل ....

الأشياء الي لازم الأولاد مايسووها الصبح وبعد الظهر وفي الليل .....

الآن لنلقي نظرة على الأساليب الي اكثرنا يستعملها مع الأولاد ونفكر بشعورهم بعد كل تصرف:

اللوم والاتهام :
((كم مرة قلت لك لا تكتب على الجدار ؟ماتسوي شي صح ابد؟انت ماتفهم ؟؟))

لو كنت ولد ايش كان شعورك؟؟؟

الشتائم :
((اليوم الدنيا برد انتي لابسه جكيت خفيف صدق انك غبية .شوفي كيف الغرفة بعدك كأنك حيوان))

لو كنت ولد ايش كان شعورك؟؟؟

التهديدات::
((المس الباب وتشوف ايش بيصير لك .اذا مالبست بعد ثلاث دقايق بروح واخليك ))

لو كنت ولد ايش كان شعورك؟؟؟

الأوامر :
((ابيك ترتبين الغرفة حالا ..ساعديني وشيلي معي الكرتون بسرعه ))

لو كنت ولد ايش كان شعورك؟؟؟

إلقاء المحاضرات ودوس الأخلاق :
((اشوفك ماتقدرين الأدب .تعتقدين ان الي سويتيه شي حلو؟اذا كنت ترغبين ان الناس يتأدبوا معك لازم تتأدبي معهم .انت ما ترضين احد سوي لك كذا ))

لو كنت ولد ايش كان شعورك؟؟؟

التحذيرات :
((انتبه ترى الحين تطيح وتنكسر .طالع كويس لا تصدمك سياره ))

لو كنت ولد ايش كان شعورك؟؟؟

عبارات الضحية:
((ليش ماتسكتون علشان انام انتم بتجننوني ؟؟كم مرة قلت لكم لا تتصارعون انتم تبوني اموت ولا يجيني جلطة))

لو كنت ولد ايش كان شعورك؟؟؟

مقارنات :
((ليش ماتصير مؤدب ومنظم مثل اخوك؟طريقة منى في الأكل مره حلوه ليش ماتقلدينها ؟ليش ماتلبس ملابسك زين مثل احمد؟))

لو كنت ولد ايش كان شعورك؟؟؟

السخرية:
((انتي اصلا لو ماكان راسك متركب في جسمك كان نسيتيه في المدرسة .هذا كل الي انت تبينه ؟قلم رصاص ؟
اكيد فيه احد لا عب عليك ))

لو كنت ولد ايش كان شعورك؟؟؟

التنبؤ :
((انت امس كذبت علي في المستوى صح ؟بكره اذا كبرت ماحد راح يصدقك .خليك كذا دايم اناني ومحد بيلعب معك))

لو كنت ولد ايش كان شعورك؟؟؟

يتبع ياحلوين .............................

ثانيا /

تابع كيف نشجع الأطفال على التعاون

هل ياترى فكرتوا في مشاعر الأطفال وردة فعلهم بعد كل مره نطلب منهم طلب ؟؟؟؟
انا راح اسرد بعضها وأكيد انتم عندكم اكثر :
اللوم والاتهام :
((كم مرة قلت لك لا تكتب على الجدار ؟ماتسوي شي صح ابد؟انت ماتفهم ؟؟))
((الجدار اهم عندها مني )).((تقولين انا ماسوي شي صح طيب ماراح اسوي)) .((انا ماافهم))

الشتائم :
((اليوم الدنيا برد انتي لابسه جكيت خفيف صدق انك غبية .شوفي كيف الغرفة بعدك كأنك حيوان))
ردة الفعل ((اكيد هي صح انا غبيه)) .((انا اكرهها )) ((يوووه كل نفس الكلام )).

التهديدات::
((المس الباب وتشوف ايش بيصير لك .اذا مالبست بعد ثلاث دقايق بروح واخليك ))
ردة الفعل ((بالمس الباب وهي ما تشوفني )) ((انا خائف اتركوني لحالي ))

الأوامر :
((ابيك ترتبين الغرفة حالا ..ساعديني وشيلي معي الكرتون بسرعه ))
ردة الفعل :((جربي تغصبيني )) ((ليش ما تشيلينه انت ؟؟))

إلقاء المحاضرات ودوس الأخلاق :
((اشوفك ماتقدرين الأدب .تعتقدين ان الي سويتيه شي حلو؟اذا كنت ترغبين ان الناس يتأدبوا معك لازم تتأدبي معهم .انت ما ترضين احد سوي لك كذا ))
ردة الفعل ((ملل ملل ملل )) ((يوه كلام سخيف وماله داعي ))

التحذيرات :
((انتبه ترى الحين تطيح وتنكسر .طالع كويس لا تصدمك سياره ))
ردة الفعل ((ايش بسوي كل حاجه اسويها تصير لي مشكله )) ((انا خائف ))

عبارات الضحية:
((ليش ماتسكتون علشان انام انتم بتجننوني ؟؟كم مرة قلت لكم لا تتصارعون انتم تبوني اموت ولا يجيني جلطة))
ردة الفعل ((الشعور بالذنب )) ((هذي غلطتي انا خليتها مريضه ))

مقارنات :
((ليش ماتصير مؤدب ومنظم مثل اخوك؟طريقة منى في الأكل مره حلوه ليش ماتقلدينها ؟ليش ماتلبس ملابسك زين مثل احمد؟))
ردة الفعل ((تحبهم كلهم وانا لا )) ((انا مااحب منى ابد ))((دائما أحس اني فاشل ))


السخرية :
((انتي اصلا لو ماكان راسك متركب في جسمك كان نسيتيه في المدرسة .هذا كل الي انت تبينه ؟قلم رصاص ؟
اكيد فيه احد لا عب عليك ))
ردة الفعل ((ما احب احد يضحك علي انا اكرهها ))((مهما فعلت ماراح اعجب احد ))

التنبؤ :
((انت امس كذبت علي في المستوى صح ؟بكره اذا كبرت ماحد راح يصدقك .خليك كذا دايم اناني ومحد بيلعب معك))
ردة الفعل (( معها حق اذا كبرت مني قادر اسوي شي )) ((لافائدة انا مستسلم ))

ولا تتفاجئون من الكلام الي انا اقوله ويمكن ردة فعل الأطفال تكون أعنف من كذا بس لو كنت فعلا جربت تكونين مكانهم راح تحسين بكذا فعلا ......

الحين ابغى اشاركم في خمس مهارات مفيده جدا لنا احنا الآباء ويمكن ما تصلح لكل الأبناء ويمكن ما تناسب جميع الشخصيات للآباء وليست كلها ناجحه ولكن هي محاولة للوصول إلى جو يتم فيه تبادل الاحترام والتعاون :

1. صفي ماذا ترين أو صفي المشكلة
2. أعطي معلومات
3. أوجزي الكلام
4. أفصحي عن مشاعرك
5. أكتب ملاحظة
وراح نشرحها بالتفصيل ......
يتبع ............

حبيبتي موضوعج وايد حلو ... وفي اعتقادي بعض الاباء اذا مب الكل يسوي كذا وهو موضوع حساس ومفيد ...
ومشكوره على السرد الحلو والله حاسه اني انا مع عيالي اتكلم ....

بس مافهمت شو تبين نكتب ؟؟؟؟؟؟؟؟؟؟؟ :26: :27:

فكرة الموضوع رائعه ومهمه لكل أم ومربيه ...
نحن معك ولكن سأنقل الموضوع في قسم الطفل ليجد تجاوبا اكثر ...

اشكرك اختي فرحات على هذا التشجيع الحلو والمطلوب منك كتابته هو تجربتك مع المهارات السابقه في الجزء الأول وانا ايضا حطيت ورقة عمل للتطبيق من خلالها واتمنى منكم كتابة النتائج والمقترحات

عزيزتي لاوسي انا لي كل الفخر والشرف انك اثنيتي على الموضوع واعتبره وسام اعتز فيه ويدفعني للأمام فلك جزيل الشكر والعرفان