كيف تتسبحون تستحمو تسبحو تاخذون شور......الخ

بنات اريد نستفيد ونفيد كل وحده تخبرنا كيف تسبح بالتفصيل كل شي انا عن نفسي ببدا
من اول مافج الكبت حق اطلع الثياب:7_18_2: الين ما اكون ريحانه يالسه عدال الورد
اول شي اخذ معي ملابسي الداخليه او طبعن باجي الاغراض كلها مصففه في الحمام
و بعد الروب معلق في الحمام المهم املى الجاكوزي بالماي الدافي لاكن مايكون وايد دافي لانه
مضر للبشره مثل ماتعرفون يسبب الجفاف و الترهل والدوالي
خلال هاي الفتره افرش اسناني :42: جيدا بالجهاز ثم غسول الفم

بعد مايمتلي الجاكوزي بالماء انثر في الماي ثلاث ملاعق ملح خشن

او اتم متودنه :time: ربع ساعه مع سلو ميوزك بعدين اطلع من الجاكوزي على الشور او اغسل كل جسمي من الملح واغسل شعري جيدا بالماءوالشامبو :28: ثم اشطف الشعر بالماي

ثم اضع القليل من البلسم المخصوص للصبغه والفه :02: بالمنشفه الصغيره حتى ياخذ مفعوله بعدها ابند عن الماي او ايلس افرك رجلي بالخفاقه او الحجر الى ان احس نعومتها مثل القطن بعدها ابدا بفرك الجسم بملح الحليب اذا تعرفونه هو يوكو سبا على كامل الجسم ماعدا الوجه ويكون الفرك بشكل دائري كل الجسم مدة 10 دقائق بعدها افتح الماء واغسل الجسم كامل بتحسين بالنعومه حلوه واغسل شعري عن البلسم و اضع القليل من الشور جل وافرك جسمي كله ثم افتح الماء واغسل الجسم عن الشور جل ثم اضع في يدي القليل من المسك المطحون وافرك به منطق ماتحت السره جيدا وتحت الابطين لمده 3دقائق بعدها اغتسل جيدا بالماء واطلع من الشور انشف جسمي كله جيدا بالمنشفه وانشف الابط وماتحت السره لانه الرطوبه المكان المناسب حق الفطريات هني عاد يبدا شغل الكريمات والبودي سبري اول شي احط مزيل العرق
انا استعمل( لويس ودمر ) وايد مريح هو طبي مافيه اي ريحه بعدها افرك جسمي بالبودي كريم حتى ريولي افركها بعدها ارش بودي سبريه بعدين احط نقطتين دهن عود مع رشتين عطر وافركها
في ايدي وامسح بها المنطقه مابين الفخدين والخصر والرقبه والصدر على فكره العطر لازم يكون من نفس الكريم والسبريه بعدها البس الملابس الداخليه او لازم البس بعد الفوط الصحيه اليوميه
تدرون عاد مافي حد مايطلع منه افرازات ويقولون لافرازات دليل على انه الجسم ينضف نفسه ابنفسه بعدها انشف شعري بالسشوار يعني اسشوره عدل او ايب شويه دهن عود مع عطر وافرك شعري من الفروه بعدها انثر على كل جسمي بودره اللمعه المعطره هاي تيي مع العطر بعدين البس الروب واطلع من الحمام تدرون بس من افتح الباب الريحه توصل الين الصاله
هنيه عاد ابدا البس الملابس الي اريدها من الكبت سواء ثياب طلعه او ثياب بيت او قميص نوم
المهم بعد ماالبس ازهب المدخن وادخن بعوده مع شويه دخون معمول وارش من العطوره الي تعيبني واحط شويه مخمريه ورا اذني ما بين الشعر وادخن شعري شويه بالنسبه للعطور اخذ من عطور عبد الصمد القرشي واجمل وباريس غلري و الرصاصي لاكن القرشي هو الي مغطي عليهم
والكريمات من مارك سبنسر و دبن هامز و باريس غلري

وهاذا هو حمام الهنى وبالنسبه لي اسميه سبوح العيد هههههههههههه
لانه كل مااطلع من الحمام :arb: ريلي يقولي اشم ريحه العيد :luvkiss:

هذا السبوح يكون في السبوع مرتين يوم الجمعه و يوم الاثنين
لانه الجسم يصيرله جفاف من الماي وحته الشعر علشان جذيه اتسبح بس مرتين في السبوع
لاكن اذا حسيت اني احتاج اكثر من مرتين اتسبح عادي لاكن يكون سبوح سريع

بالنسبه :232: حق شل شعر الجسم يكون مره كل اسبوع بالمكينه

لاكن منطقه ماتحت السره استعمل الحلاوه مره كل اسبوعين لانه الحلاوه اتنعم اكثر
والبودي كير والمنكير اسويه روحي بعد كل اسبوعين مره لاني موفره كل الاجهزه عندي
عشان ماايلس الفلف على الصالونات
والحمام المغربي بعد السويه روحي كل اسبوع
يعني اسير الصالون بس حق صبغ و قص الشعر
ونصيحه لوجه الله لاتتركون المسك تراه وايد وايد زين حق منطقه ماتحت السره و الابط انصحكم فيه.
ويريت الي تدخل اخبرنا عن سبوحها بالتفصيل