بالنسبه للمسك عادي هو مثل الحصا يعني الحجر لونه ابيض فاتح ينوجد عند كل العطارين وبعد عن القرشي
قوليله اريد مسك حجر يعني غير مطحون يكون احسن عشان تضمنين نضافته
خذيه وغسليه بالماي بعدين خليه ينشف لمده يوم بعدين ابدي بتكسيره الى قطع صغار علشان يوم تحطينه في مكينه الطحن يكون اسهل خليه ينطحن عدل مثل البودره بيبي جونسون وحطيه في غرشه حلوه او اذا عندج علبه بودره البيبي جونسن فارقه حطيه فيه بيكون اريح واسهل للاستحمام


بالنسبه الي عندها عيال اتحاول على الاقل لو مره وحده في الاسبوع
واذا كان عندج بيبي واحد صغيروني عادي دخليه وياج الحمام حطيه في السداحه او الكرسي حقه
ونتي تسبحين اتشوفينه
تدرون هذا الحمام وايد ايعدل المزاج ويريح النفس خاصه اذا سويتيه الفجر بعد الصلاه بتستقبلين يومج
بنضافه ونتعاش

سبوووح شنو ذي؟؟؟ لا يكون العروس؟؟


بصراحه وين في وقت نسوي ذي كله؟؟؟


بس حبيبتي ياريت تحاسبين حق بعض الكلمات اللي تستخدمينها،، مثلا ممكن تقولين ملابس داخليه بدل هاف وستيان ،، اذرب الصراحه...


اسمحي لي بعد ،، انا بنت وحسيت كأني اتخيلج وانتي تسوين ذي كله ، فشلون لو يكون رجل اللي يقرأ الموضوع ، وخصوصا ان طريقه عرضج وسردج للموضوع تخلي الوحده تتخيل شنو اللي تسوينه...


لا تزعلين مني ، بس حتى لو كان منتدى نسائي ، بس ما يمنع يكون في شي من الحياء على الأقل...


وبالنسبه للسبوح اصلا احنا لازم نتسبح بشكل يومي مو بس مرتين في الاسبوع ، مو بس لما نحس بحاجه السبوح ،، لا خلاص السبوح صار من برنامجنا اليومي اصلا ،، عشان جذي مافي وقت نسوي كل اللي تسوينه....


انا لو بياخذ لي ساعه او ساعتين للسبوح كل يوم ، جان ما باقدر انام الا متأخر او ما بانام الا ساعتين او ثلاث ،، الله يعين

يا سلام عليج يا هانم

روعه بصراحه

لازم الكل يهتم بجسمه

وانا ما اشوف فيها اي مبالغه!!

عادي كلنا يوم نهتم باجسامنا في الحمام ناخذلنا على الاقل نص ساعه

والسبوح اليومي السريع كلنا نسويه

لكن لازم تخليلج يوم في الاسبوع يكون فيه صنفره وتعجيج زين

حبيبتي متوكله بالنسبه للسبوح هذا يكون بس مرتين في الاسبوع يعني ماتقدرين اتفضين نفسج اربع ساعات من اسبوع كامل فيه168 ساعه بصراحه عن نفسي صرت مااقدراستغنا عن هذا السبوح لنه يخليني محافضه على نضافتي و مستوى طراوه وليونه البشره عندي من راسي الين باطن ريولي
وبعدين يعني انا ماقلت بس اتسبح مرتين في السبوع لا بس سبوح العيد يكون مرتين في السبوع لاكن طول السبوع عادي متى ما اريد اسبح ادش الحمام واخذ شور على السريع لاكن بدون دلع يعني مال نص ساعه لاكن مثل ماقلت شعري اغسله مرتين في السبوع لانه يسبب جفاف للشعر وتقصف كثر استعمال الشامبو .