علشان كده أمشي معاي وسوي مثل الاجنبيات والله إنهم يفكرون صح أولا :حاولي تشتري بنطلون الحمل من ساعة ماتعرفي نفسك حامل طبعا رح يكون الخصر هو اللي رح تقدري تكبري فيه طول الفترة للتاسع أما المؤخرة والأرداف المفروض تفتضل زي ماهي وبكده رح يكون هادا مقياس لنفسك طول فترة الحمل
ثانيأ:البسي حذاء مريح وبدون كعب لاصغير ولاكبير ترا والله
يؤثر ع الرحم والظهر ثالثا : الحامل ماتصدق أي شي تشوفه كدماها تأكله وتقول وتبرر أنا حامل هدا غلط غلط
لازم تبعدي نفسك عن الغازات والنشويات (الكروسانات والمعجنات بشكل عام والمكرونات )ماأقول لاتاكلي منها بس حددي مرة بالأسبوع وبالنسبة للخبر الأبيض إستبدليه بالأسمر وكتري عصيرات وفواكه وخضروات لأنها غنيه بالحديد والفيتامينات كمان حاجة كنت ناسياها فيكي تاكلي لحد 8 وجبات باليوم بس تكون غنية وكميتها صغيرة وبنفس الوقت ماتخنك لانو المفروض بالشهر الواحد تزيدي بس من 1ونص كيلو ل2 كيلو بس يعني المفروض يكون عندك ميزان مو بغرفة النوم بالمطبخ هههههههههرابعاً: لاتنسي حبوب الحديد والكالسيوم واظبي ع شربها
خامساً:اشربي حليب قليل الدسم لانو هو الافضل غني بالكالسيوم اكتر
سادساً:حاولي تببعدي عن العزيام والجمعات قدر المستطاع تعرفي الحريم "ماتحلى القعدة إلا بالأكل "
سابعاً:اشربي سوائل وماء بالذات عشان لايجيك صديد بالبول هذا يؤثر ع البيبي عند الولادة وممكن يجيه صفار :39:
ثامناُ:تناولي لبن علطول مفيد جدا يقيك من الالتهبات ةافرازات الحمل
تاسعاً:ابتعدي عن شرب الحلبة والزنجبيل والأعشاب فترة الحمل لاأنها حامية
أخيراأ:رطبي رطبي رطبي قد ماأقول جسمك بالكريمات بعد كل حمام حتى تحافظي ع جسمك والاسلم صراحة والمنصوح فيه زيت الزيتون وزيت اللوز وإعملي رياضة خفيفة بشكل يومي ممكن أسهل شي تمشي ع سير كهربائي والتوفيق لكل الحوامل :27: