كيف تحمل ابنتي هذا الاسم....معي حق او لا؟ شاركوني

بسم الله الرحمن الرحيم

يعلم الله كم ترددت في كتابة مشاعري هذي
مانطول ابدخل بالموضوع
انا حامل بشهري الاخير الله ييسر لي وييسر لكل حامل تولد بالسلامة ويرزق كل محرومة يارب
المشكلة اني من يوم عرفت اني حامل ببنت وانا في هم لايعلمه الا الله وحزن مخرب علي فرحتي
وحلم حياتي اجيب بنوتة لكن السبب ان زوجي يبي يسمي البنوتة على امه ............ المشكلة مش هنا ؟؟ المشكله
ان امه اسمها قديم مررة يعني على مر الاجيال هالاسم بعايلتنا ... والله على عيني وعشان رضى زوجي ممكن اتحمل لو كانت امه طيبه معي
الله يسامحها ماودي اغتابها بس عشان تفهمون احساسي باختصار:
اتهمتني بعرضي واني اكلم شاب من عايلتنا ووالله اني بريئة من هذا الاتهام براءة الذئب من دم يوسف ..ولما تاكدت اني بريئة بعد ماشهرت فيني بالعايلة كلها خطبتني لولدها بعد شهرين ؟؟؟؟

بعدها عاملتني زين لمدة سنه وانا عروس ولما خطبنا لاخوي وحده من العايله غير بنتها سوت مشكله وطلعت علي كلام ماقلته وشهرت فيني وشاطت وانقلبت 180 درجة وصرت انا عدوتها اللدودة ومن يومها وهي تكيد لي


ماارجع من عندها الا ودمعتي على خدي يا سابتني(’واذا انا مو عاجبتها ليه اخطبتني ... ماادري؟؟)

يامتكلمة في امي ومنتقصتها ؟؟ يا متكلمة في ابوي ؟؟؟
مع العلم ان امي وابوي تحملوها على مر السنين وياما وقفوا معها ومع زوجها ماديا ومعنويا ويشهد الله بذلك ؟؟
وانا من النوع متربية عند اهلي على الرد والجرأة طبعا بادب حتى مع ابوي وامي اذا غلطوا اقول لا مامعكم حق
لكن حضرتها لاااااااااااااااا تتكلم فيني وتهيني وابتسم لان زوجي مايرضى عليها وطلب مني ماارد عليها ابدن ايش ماقالت ..وحتى لو حاولت ارد بتقلب كلامي وتالف فيه وتزيد عليه وتنشره وتطلع نفسها الصح وحنا الغلط
فانا اختصر الموضوع من اولها واسكت وابتسم

دايم تحرجني عند الناس بكلام ماينقال حتى لاقرب الناس فكيف عند الغريبين ؟؟ ... وقسم بالله بكلام لما اعلمه خواتي يضحكون (يقولون هذي ماعليها شرهه.. وسعي صدرك )
اللهم لاشماته والله يعافيها ولايبتلينا هي تراجع عند اطباء نفسيين وهي مريضة اعصاب من ايام شبابها ودايم عند المشايخ وتقول انها مسحورة ونظراتها غريبة اوقات اخاف منها احس ان فيها شي بسم الله
ودايم اذا ارسلت لها طبخه تدرون وش تقول :عطيتها الخدامه تاكلها و اعجبتها مرره

دايم تنظر لي باحتقار وتستخسر علي اي شي حلو يعني اذا شافت معي شي حلو او حست انه غالي على طول تسال.. بكم شريتيه؟؟
والله اخش اغراضي الغالية عنها
مع انها لو شافت شي على حريم عيالها الباقين ماتزعل وبالعكس تحس انه من حقهم لان اولادها الباقين مقتدرين وزوجي على قده ؟؟ طيب وش ذنبي؟؟جزاتي اني رضيت بولدها؟؟

واذا عجبها شي علي تقعد تزن حلو حلو .. الين ماهديها اياه حتى لو كان جايني هدية من اهلي؟؟؟
ومرة عجبها علي اسوار ذهب غالي في البداية جلست تمدحه وبعدين بدت تقول ماهو مناسب لك وبعدين بدت تقول جيبي اقيسه وانا تمسكت فيه لاني شاريته بفلوسي مش من فلوس ولدها ..؟ واخر شي تنفخت يدي وجتني حساسية بيدي اللي فيها الاسوار
وعلمت ولدها وراح اشترى لها واحد احلى واغلى بعد ولما عطيناها اياه قالت اللي عليك احلى .. فتبادلنا .....


مرة يقال جايبة لي هديه قميصين من ابو عشرة القطنية تدرون وش قالت : شريت للشغالة مثلهم وعجبوني لك قلت اشتري لك
وبعد فترة سالتني عن القميص قلت اي ؟؟ اللي زي الشغالة .. واستحت وحلفت بالله كذب انها ماقالته ولما قلت لها اجيبه اوريك اياه قالت لا مايحتاج تذكرته ؟؟ قلت لها عادي اصلا انا مازعلت وانا والله احترقت من الكلمة حرق وعطيته امي تعطيه شغالتها ..

وهالايام مستغلى الفرصه اني حامل وبشهري الاخير شاريه قمصان روزة لي ولحريم عيالها ولبناتها وجايت لهم مديم وهي اكس لارج وانا اكسين هههههههههههههههه
قلت لها ليش قالت انتي حامل قلت واذا اصلا وزني مازاد مع الحمل ولله الحمد نفس مقاساتي قالت لا اريح لك وهي بالعمده تبي تصغر نفسها وتكبرني ( والله شر البليه مايضحك)

ويعلم الله اني تاذيت منها اكثر من هالمواقف اللي فوق بس انا ذكرتها على سبيل المثال ومتحملتها واقول عشان زوجي ابصبر ..
لكن الشي اللي ماني قادرة انساه لها اني بعد ماجبت ولدي الاول وكمل سنه حملت ..ولما علمتها وانا مبسوطة ردت علي : ليش تحملين ؟؟وكانها مرتاعه ولا كان هي اللي تصرف علينا ..وليش حملتي وهاوشتني وخربت فرحتي
ولما اجهضت انبسطت على الاخر وتقول زين الحمد لله ربي فكك منه مو وقت عيال ولا تحمدت لي بالسلامه
وتلمح ان اللي على قدهم لازم مايجيبون عيال واجد ( والله انها عاشت عيشة فقر من بين اخوانها وخواتها وهي اكثر اخوانها اولاد بعد ) ...

ودايم بمناسبات عايلتهم انا اكثر وحده اروح من حريم عيالها ؟؟ حتى بناتها مقاطعين اهلهم ومع ذلك لو اتاخر يوم لظروف تعبي او سفري او اي شي تروح للناس وتطلع اعذار لحريم عيالها ولبناتها وانا تقول للناس ماتبي تجيكم هي مزاجيه؟؟طيب ليه؟؟؟
واذا جاها ضيوف تكلمني عندهم فلانة وفلانة عندي بتجين ولا لا؟؟ يعني كانه غصب اجي واذا قلت مااقدر اجلست تهاوشني وهي عند الحريم
اما حريم عيالها تكلمهم بشويش وبغرفة ثانية والله قدامي شفتها تسوي هالحركات .؟؟
ومالها غير تفسير واحد انها تخاف على مشاعرهم عشان مايعلمون ازواجهم وبعدين يقطعون عنها الفلوس اللي يعطونها ...

وحتى بحملي هذا وولدي وحيدي مكمل خمس سنوات لما عرفت وجهها انقلب وتقول : الحريم مهابيل يحبون يجمعون الاولاد يحسبون انها هي اللي تقرب الرجال
ولما عرفت ان سلفتي حامل جت تعلمني ووجهها متشقق ومبسوطة وتقول مسكينه الله يرزقها تبي اخو حق ولدها مسكينه وهالمسكينه ولدها عمره سنتين؟؟؟

والله وحده حتى حملي مستخسرته فيني كيف اسمي بنتي فلذة كبدي عليها ؟؟؟؟؟؟؟؟؟

على فكرة اولادها ثلاثه عندهم بنات الكبير والاوسط والاصغر من زوجي ولا احد سمى عليها كلهم اسماء بناتهم دلع وجديدة وتحب اولاد الكبير وتربيهم وتمسكهم عن زوجته وهم ماسموا عليها يعني الغلا مو بالاسم
بس عجزت افهم زوجي ؟؟
يقول : مسكينة اخواني مافيهم خير ماسموا عليها وهي ودها احد يسمي عليها انا باسمي عليها ..؟؟ طيب انا وش ذنبي بنتي يكون اسمها باسم هالمراة اللي ماتحترمني ولاتحترم اهلي وبالطالعه والنازلة متكلمه فيني عند خلق الله


وانا الى الان ماقلت لهم شي بس بين فترة وفترة اكلم زوجي بيني وبينه واقول له حرام عليك الاسم قديم .. ومن هالكلام ..
بعدها صارحته ترى سكوتي على كلام امك وتجريحها مايعني رضاي لكني اسكت عشانك مو جزاتي تروح تقهرني وتسمي بنتي عليها ...؟؟
والله جيته بالدلع وبالقوة وبالزعل وبالصياح وبالتغلي ومانفع ؟؟؟؟؟؟؟؟؟؟؟

وزوجي يوم عن يوم يبدا يتمسك برايه ويصر ويفهمني انه ماهو مغير رايه وانه من البر فيها نه يسمي عليها

وفكرت بعد مااولد بالسلامة اتصل عليها واحاول بهدوء وادب افهمها ان ولدها يبي يسمي عليها وان انا ودي باسم ......
وان كل بنات عمها اسمائهم جديدة وهي لا ومن هالكلام واذا انتي ودك ابصبر واسمي عليك
واشوف وش ردها ::::::::::::::

عاد من خبرتي فيها يابتوقف معي وتركبها الشهامه وتقول ماتبي تسمي علي لاتسمي علي وتحلف على ولدها وتفكني؟؟؟
او بتنهبل وتعصب وتقول عناد باخليه يسمي علي ؟؟

ولا وش رايكم اسكت واخلي زوجي يسمي عليها واصبر .... والله مااتخيل بنتي تشيل اسمها احس اني ماراح احبها ولاراح اقدر اربيها وابكرهها ديم ابتخيل ان بنتي بتطلع مثلها مصلحجيه وملقوفة ولسانها طويل وحسود وتسب الناس كلهم ومايعجبها احد .. استغفر الله بس والله مااتخيل الموقف تخنقني العبرة
والله عيالها على طول سموا بناتهم ولا شاوروها حتى ولما جا الولد على طول على ابوهم وعسل على قلبها
وانا تنتظر مني اسمي عليها لان ولدها واعدها ودايم تقول لي : ولدي هذا ( تقصد زوجي) ماهو بجايه بنات لانه يبي يسمي علي ..
فالاخت متعشمة ..
مرة كنا زايرين وحده من جماعتنا نفاس وجابت بنت ولاسمت على ام زوجها وام زوجها طول ماهي جالسه وهي تغني على البنت وتدلعها باسمها يعني كان البنوتة الصغيرة مسمينها عليها وممشية نفسها هالعجوز ياحبي لها
يوم رجعت انا وام زوجي نسولف على بناتها قالت : ماعندها سالفة اللي مايبي يسمي علي ماابيه يسمي علي..
وانا افكر يمكن هالموقف يكون بصفي اذا فهمتها بادب اني ابي اسم جديد

واللي قاهرني هالايام ومولعني زيادة اني احسها صارت تطلب من زوجي طلبات غريبة يعني زوجي وابوه واخوانه كلهم رايحين نفس المشوار تقول ابي السوق وودني يافلان وكل عيالها وزوجها بسيارة وهي مع زوجي بسيارة ثانية
وطالبه منه عصير ؟؟؟ ماكان البقالة توصل للبيت ووين زوجها والله انه متبطح عندها طول اليوم وانا مااشوف زوجي من كثرة مشاغله ؟وتاكله بيدها ماعمرها سوتها الا هالايام .. لا وزعلانه عليه وتحلفني لاتعلمينه ماابغاه يزعل علي؟ ماادري متى صارت من اول ماتزعل عليه تدق جوال وهات ياصراخ عليه وتهزيئ فيه المسكين والله اني ارحمه ..
واقول في نفسي الذيب مايهرول عبث؟

ادري طولت السالفه وهي قصيرة بس والله مالي احد اشتكي له غير الله سبحانه وتعالى ثم انتم ..
من صار لها مثلي ؟؟ وايش سوت ؟؟
وانتظر اراكم اللي تشرح الصدر ان شاء الله
رجااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااااء
لا احد يرد الا بعد ماتحط نفسها في مكاني وبعدها ترد
واللي تشوف اني ماعندي سالفة ومكبرة الموضوع رجاااااااااء تقولها بادب لان هلموضوع يهمني ومنكد علي والله هم الولادة ومشاكلها لاني حملي فيه مشاكل كوم وهم هالاسم كوم ثاني