السلام عليكم ورحمة الله وبركاته
هلا عزيزاتى...
أحب أن أقدم لكم هذا الموضوع ويارب يعجبكم إن شاء الله....
كيف تخسرين خمسة كيلوجرامات فى الشهر؟؟؟
طبعًا ممكن تخسرى وزن أكتر من كده فى شهر لو حبيتى بس معنى كده انك محتاجة تلعبى رياضة أكتر وتقللى أكلك أكتر..
عشان تقللى وزنك 5 كجم فى 4 أسابيع، محتاجة تقللى السعرات اللى بتكسبيها طول اليوم بمقدار 500 كالورى.. يعنى تقللى كمية أكلك بنسبة 20% وتحرقى باقى السعرات المكتسبة من خلال التمارين الرياضية....
هنعمل الموضوع ده على خطوتين:
1- فى صالة الرياضة:
محتاجة تلعبى رياضة 3 مرات فى الأسبوع.. كل مرة عبارة عن تمارين إحماء لمدة 20 دقيقة بالإضافة إلى التمارين العادية أو رياضتك المفضلة (جرى - أيروبكس - سباحة - ....) لمدة 20 دقيقة أخرى...
بالطريقة دى انتى بتحسنى عملية الأيض عندك لمدة 30 ساعة بعد ممارسة الرياضة بالشكل ده...
2- فى المطبخ:
محتاجة انك تعرفى الأول انتى محتاجة سعرات حرارية قد ايه فى اليوم.. وايه الاكل اللى هيحققلك السعرات دى وبعد كده تقللى منهم 20% من الكمية اللى مفروض تاكليها..
ماتخافيش مش هتجوعى.. عودى نفسك واحدة واحدة.. وكلى ألياف عشان تملا بطنك واشربى مياه كتيييييير... الألياف هتساعدك على الاحساس بالشبع وكذلك البروتينات اللى هتاكليها...
كمان انتى محتاجة انك تسجلى كل حاجة بتاكليها وتقريبا سعراتها قد ايه عشان تبقى شايفة قدام عينك انجازك... وعشان تبقى شايفة غلطاتك كمان...
وكمان ياريت لو قدرتى تلاقى حد يشجعك وحاول هو كمان يخسر الخمسة كيلوجرام وياريت لو كان معاكى فى البيت عشان تاكلوا سوا [:p:p
ملطووووووش:22::22:
يلزم عليك تسجيل الدخول أولًا لكتابة تعليق.
تاف
•
مشكوره يالغلا جزاك الله خير
الصفحة الأخيرة