منقووووووول
السلام عليكم ورحمة الله وبركاته
اسعد الله مسائكم,صباحكم بكل خير
سطور نقاط تجعل من زوجك لايفارقك ابداً
طبقيها ونتائجها مرضيه لكل بنوته...:::
التطبيق الأول..:::
قبل زواجي كانت ماما تقولي خلي زوجك يتعود على ريحتك وحرارة صدرك...وفهمتني اش تقصد...وفعلا طبقت كلامها وشوفوا اش صار...وكيف؟
-
من أول زواجي بحياتي ماخليت زوجي ينام لوحده...حتى لوماكان فيّانوم...أدخل معاه أنومو زي البيبي...بعدها أخرج...
امم!!!ماأدري كيف أشرحلكم....بس اعذروني كلوللتوضيح والافادة مو أكثرمن كذا....والله العالم...
كنت أخليه يحط راسة على صدري أو قريب من صدري ( عشان يتعود على ريحتي وحرارة جسمي)
وبعدها شوفي كيف؟؟؟والله ماحيقدرزوجك ينام الا وانتي معاه........لدرجة أوقات أكون مشغولة ....زوجي يناديني يقوللي نوميني!!!
عندي زميلة تعاني من سفرزوجهاالمستمر...علمتها على الطريقة....طبقتها معاه لمدة 8 شهور...بعدهاسافر على سوريا كالعادة مع أصحابه....تقوللي لما جاء الفجرالاهويتصل عليها يقوللها ماقدرت أنام اتعودت عليكي...بس طلع الصباح حجز...والظهر وهوبالسعودية عندها....رجع وهومرهق وتعبان من السهر
طيب بس ننوم أزواجنا كذا من غير أي شي ثاني؟؟؟
لاياقلبي...فيه...وفيه أشياء كثيرة لازم تراعيها
وهي انك فيـــــــن تحطي يدك قبل ماينام؟؟؟
أنا أقولك فين...
خللي يدك على ظهره بين الأكتاف...وامسحي عليه بهذي المنطقة مسح خفيف ألين ينام....
أو
حطي اصبعك الابهام على الجين وحركيه بمسح خفيف على الجين وبين العيون...
أو
حطي يدك على رقبته من الخلف وكمان امسحي عليها....مسح خيف رقيق...وبحركة بطييييئة...
أو
خلي يدك على كتفه من فوق وحركيها ( طالعة نازلة)...على الرقبة والكتف...كمان بحركة خفيفة وبطيئة...:::
ليه؟
باختصار..لأن هذي المناطق اللي ذكرتها هي اللي يحصل فيها التوتر...وشد الاعصاب...وعشان تزيلي التوتر...لازم تسوي هالحركة البسيطة عشانترتخي الاعصاب...وعشان تشغلي العقل بشي ثاني يخليه يبعد عن التفكير والتوتر...
طيب...انتي ماعندك عشرين يد عشان تلمسي كل هالمناطق بوقت واحد....اش تسوي؟؟؟
لازم تعرفي منطقة التوتر عند زوجك.....لاتحتاري أنا أعلمك كيف....
اذا زوجك من النوع اللي فيه خطوط أفقيه بالجبين أو خطين طوليين فوق بين الحواجب...والجفون العلوية نازلة شوي على العيون...على طول اعرفي انها هذي منطقة التوتر...يعني على طول حطي يدك هنا...
لاحظي أكتاف زوجك...اذا كانت مرفوعة شوي على فوق...والمنطقة اللي بين أكتافه ورقبته مشدودة...فهذي هي منطقة التوتر...وخلي يدك على هذي المنطقة...
أما اذا كانت أكتافه راجعة على ورا....فمنطقة التوتربوسط الظهر وبين الأكتاف من الخلف...وعلى الرقبة من ورا...
أما اذا كان راسه راجع أو منحني للخلف شوي فمنطقة التوتر بالرقبة من الخلف...فخلي يدك على الرقبة من الخلف...
وبكذاحينام بشكل سريع ونوم عميق ومريح...:::
ثاني تطبيق...:::
وقت ماأيقظ زوجي من النوم....يقوم معايا على طول ( ماشاءالله)...يعني مايتعبني وأنا أصحيه...:::
اش سويت...؟
الشخص لما يكون نايم....حاسة الابصارتكون معطلة...لاكن في حواس ثانية لسّا شغالة...وهي: السمع واللمس والشم...:::
أقرب فمي من أذن زوجي...وأناديه باسمه...دايما أقول بيبي...أقولها له بشكل وشوشة...هناأنبه حاسة السمع...وحاسة الشم نحنا منبهينا من الليل( لماأنومه وهو متعود على ريحتي)...فأول ماأقرب منه على طول يبدأيشم ريحتي...اللي تعود عليها...:::
ووقت ماأنادي عليه باسمه أمرر يدي بشكل خفيف على وجهه والمس كفوفه...هنا أنبه حاسة اللمس وكمان يحس بحرارة جسمي اللي اتعود عليها...:::
ووقتها على طول يفتح عيونة ويبتسملي..وب كذا مايتعبني بالتصحية...رغم اني أول ماأتزوجنا كانت أختةتقولي الله يعينك عليه ترى نومه ثقيل....:::
ثالث تطبيق...:::
أوقات يدخل زوجك البيت وهو بعدة حالات مثلا: معصب,محبط,متضايق....كيف تتصرفي بهذا الوقت...:::
اذا جاكي وهو عنده مشكلة وحسيتي ان فيه قليل من الخوف...على طول حطي يدك على ظهره وامسحي عليه بقوة...وابدي كلمية...حتلاقيه على طول اتطمن...
اذا جاكي وهو محبط وحاس بالفشل والخيبة...امسكي يده واضغطي عليها بين كفوفك ...أو حطي يدك على ركبته...اذا كان جالس
اذاجاكي وهومتضايق وفيه حزن...حطي يدك على كتفة...:::
اذامربموقف ( يهز ثقته )....أي موقف حسيتي ان ثقته انهزت منه...حطي يدك على راسه...وحركي أصابعك بين شعره...:::
اذاحسيتيه محتاج عاطفة...والعاطفة اللي أناأقصدها هي عاطفة الاهتمام...وانه حاس انك مقصرة معاه...حطي يدك على صدره...:::
اذاكان معصب لاتلمسيه أبدا.....طالعي بعيونه...عشان تقدري تديري تصرفاته...ابدأي كلميه بصوت هادي ونبرة متوازنة...ووقت ماتكلميه اجلسي على الأرض...وأطلبي منه يجلس ...اذا جلس ابدأي كلميه واتفاهمي معاه.
طبعا هذا أمررسولنا الكريم...والحيناكتشفوا بأوروبا ان الانسان اذا كان معصب وجلس...الدورة الدموية عنده تبطأوالضغط ينخفض ويبدأ الشخص يهدأ وضربات القلب تهدأ......بسبب القرب من الجاذبية الأرضية...وانحناءات الجسم...:::
طيب ليه اخترنا هذي الأماكن مو غيرها؟
اذا حطيتي يدك على ظهر أي شخص يحس انه فيه أحد معاه وانه له سند بالدنيا.
واذا كانت على اليد فيها دعم وتشجيع لأن أفعال الانسان تكون باليد أو الرجل....فاذا لمستي الركبة والكف يحس بالتشجيع...:::
الكتف....فيه مواساة...............عشان كذا كان أنسب مكان للمواساة...:::
طيب الراس؟...دايما يقولوا تاج راسي....واللي معتز بنفسه يقول راسي مرفوع....فعشان كذاكان لمس الراس والشعرفيه بناء ثقة...:::
اما الصدر فمعروووووووف انو مكان لكل الاحاسيس والمشاعر...يعرف زوجك انك تحبيه بدون ماتفتحي فمك...:::
التطبيق الرابع...:::
معروف انو أقوى تواصل بين أي شخصين...هو العيون....:::
ومنها نقدر نقول كلام...مانقدر ننطقه بالواقع...أصلا مانعرف نقوله....:::
طيب اش علاقتها؟
اذا حسيتي زوجك يبغى يعترفلك بشي مخجل....وحسيتيه خايف أو محرج بقوله...لاتطالعي بعيونه ......حاولي تتجاهلي انك تركزي في عيونه...عشان يلاقي الجرأة بالاعتراف والحكي...:::
لكن لونظرتي لة...حتلاقيه يرتبك ويتلخبط ولسانه ينربط وممكن مايكمل الكلام....وبعد مايحكيلك...حتلاقيه يتجنب يطالع بعيونك.....وشوي شوي يتجنب يتكلم ويجلس معاكي...:::
لكن...اذا كان يبغى يقولك على شي غير مخجل ولا شي...مجرد اعتراف بمشكلة يمر فيها (مثلا)...ركزي بعيونه...لأن هذي النظرة تعطيه التشجيع وانك مهتمة للكلام اللي يبغى يقوله...:::
حياه زوجيه سعيده...:::
الــورد @alord_30
محررة ماسية
يلزم عليك تسجيل الدخول أولًا لكتابة تعليق.
الــورد
•
كبرناها لعيونك ياحلوه وان شاء الله تستفيدي
سبحان الله ...
مواضيع الغاليه توليب لحد الان البنات يستفيدون منها
الله يشافيها ... ويوفقها وين ما راحت
مشكوووره اختي الورد .. على طرح الموضوع
مواضيع الغاليه توليب لحد الان البنات يستفيدون منها
الله يشافيها ... ويوفقها وين ما راحت
مشكوووره اختي الورد .. على طرح الموضوع
الصفحة الأخيرة