الله يسعدكم ويرزقني

عقبببالي ياررب ^_^


بس احب الزوجاات اللي عن حب

زواج تقليدي غريب عجيب ههههههههههههه

فجاة في عصر يوم ما اتصلت وحده ع ماما وقالت سمعنا عندك بنوته هيك وهيك

وحكتها ع زوجي وقتها كان عمري ١٨

وانا ولعت وقلت لاااااا مااخذه والله مدري ليش قلت كدا

ماما طنشتني وقالت حياهم الله

وجو اخواته وشافوني

وعجبتهم قالوا يبغوا اخوهم يجئ يشوفني

وانا ادعي يارب مايجي هههههههههه والله كنت نفسيه

ومرا كنت جالسه مع صحباتي وجابوا سيرته قلت لا ماراح يجي انا واثقة

أصلا حتى لو جا ماراح اوافق ماابغاه

ونفس الوقت اللي كنت أتفلسف فيه دخلت ماما قالت الرجال جاي بكرا

ومن بكرا جهزت نفسي ومدري ليش كنت أتخيل شكله مرا مش حلو

وكنت قرفانه واكرهه ههههههههههه

ودخلت المجلس عشان الشوفة

حقت ٥ دقائق يمكن

وطلعت بتشقق من الراحة الحمدلله


بعدين هو وافق وجو يتفقوا مع بابا هو كان مطلق

فقال انه ماحيعمل زواج

وانه ماحيكمل تأثيث البيت دحين

وزي كدا

والطبيعي كان انه أقول له بالطقاق

بس مرا كنت من جوتي أبغى الشي دا يصير

فقلت اوك

وماما رفضت انه ليش مافي زواج هدي بنت ما دخلت ال٢٠ وكدا

وكان الموضوع حيتفركش
بعدين بابا يقول لماما خلاص انا اعملها زواج لاتقلقي بنتنا ماتطلع كدا من بيت أبوها

وأبو زوجي رافض انه يدفع ريال في الزواج

بعدين قد زوجي ع بابا وقال له انا ارتحت وشاري البنت وكدا

وحاول يقنع بابا وتم النصيب


وعملت زواج وكله الحمدلله طبعا بابا الله يحفظه ليا


ودحين ليا سنتين متزوجة

واحمد ربي ١٠٠ مرا انه تزوجته

مؤ ناقصنا ولا شي غير بيبي يغير حياتنا

قولي أمين كان فيه الزواج من ولد عمك خير لك الله يجعله من نصيبك وإذا فيه شر لك الله يبعده عنك ويرزقك الزوج الصالح الي يسعدك ويهنيك المهم زوجي مااعرفه ولا يعرفني بس عمي صديق ابو زوجي الله يطول بعمر الاثنين وذكرني له وابو زوجي ذكرني لزوجي وأمه وجو شافوني وصار النصيب بعدين صار لنا أصلا قاربه بعيده ويربطها فيهم نسب من جهة ابو زوجي وصارت عايلتنا وعايلتهم مرتبطة ببعض صدق الدنيا صغيره

آلله يرزقك بالزوج الصآلح ي ربَ