انا زواجي الاول تقليدي اما زواجي الثاني عن حب

الله يحقق لك ماتتمنيه ويحقق لي يارب عاجلا غير اجلا

أنا وحييييييييييده أبي ويشيل همي مررررة ويوماً ماء جاء شاب صالح الى مسجد قريتنا ( ننزل لها في الإجازات بس) وسوى درس في المسجد وكان واثق من نفسه وووو المهم ان ابي اعجبه هذا الشاب ودخل مزاجه راح لعنده وقاله انا فلان وعندي بنت عمرها ١٦ سنه وحيدتي وابغى لها ولد الحلال وانا أعجبت فيك اسمي كذا أسأل عنا لو أعجبناك الله يحييك ورااااااح ( أبي مقتنع بتصرف عمر بن الخطاب رضي الله عنه) بعد أسبوع رجع هذا الشاب وخطبني وهو معجب بأبي وبتصرفه علماً بأن فارق السن بيننا ١٤ عام هو عمره ٢٩وكان وقتها يدور بنات وشاف واحده بس ماارتاح المهم اني مااااأدري عن السالفه وبعد أسبوع قالي ابي جيبي صحن فواكه وانا كنت العب في السطح مع اولاد عمي الصغار ههههههه وهو عند جدي في الدور الأرضي والنساء بالعاده في الدور الثاني جيت جهزت صحن الفواكه ومستعجله عشان اكمل اللعب ونزلت غرفه جدي الي كان فيها كنب وسرير جدي في الطرف قمت سلمت على يد أبي وحطيت صحن الفاكهه وكاااااااااانت المفاجأه واحد غريب قدامي كدت ان اصاب بجلطه قلبيه مدري سكته مدري ذبحه من الرعب مع ان ابي غيوووووور كيف جت هذي الفكرة على باله ماأدري يقول ماأبغى الفت انباه الجميع للخطبه وعشان اكون على طبيعتي بدون تكلف فعلاً كنت كذا شكلي مرتب ولا نقطه المكياج ولبسي عادي بعدها ب٦ اشهر الملكه وبعدها ب٧ أشهر الزواج وكان هنا في الرياض ولي الحين ١٠ سنوات تزوجت وعمري ١٦ والحين عمري ٢٥ عندي بنت في ثالث ابتدائي وولد في أولى ابتدائي ........... وهذا أفضل وأحسن وأجمل وأعقل قرار اتخذه أبي في حيااااااااااااااااااتي من كل قلبي أمتن واشكره لاني سعيده ومبسوطه وهو مثقف ومتفتح ومتدين الحمدلله

 كنا في ديرتنا عشان كانت ملكة اختي
بعد ماخلصنا من الملكه وكنا بنسافر اليوم الثاني

كنت منسدحه واطقطق عالجوال والموضوع اكيد انه ماكان عالبال كان وقتها عمري17 فجاءه دخلت امي الله يحفظها وقالت في ناس في المجلس يخطبونك وكان هالانسان مو عالبال ابداً ماشاء الله الله يحميه ناجح بحياته وانا طالبة ثانوي وجاء يخطبني خخخ اكيد صدمه
ماكان عالبااال الزواج والله من الخرعه بكيت
وكنا مستعجلين عالسفر وهو مستعجل عالزواج
و استخرت وارتحت له وتزوجنا والحين عندنا ولد الله يحفظه وانا ادرس بالجامعه الحمد لله

بعدين طلعت اخته الكبيره واصفتني له الله يسعدها❤

الله يرزقك باللي تتمنينه وكل عزباء هنا ♥♥

انا زواجي تقدري تقولي عنه فزعه ههههههههه فزعه يعني يفزع من الفزعه اذا هب شخص لنجده شخص اخر فقد فزع له <<<< احلى يا الشرح يمديكم عليه ؟؟هههههه

المهم هو قريبي بس ماكنت اعرفه بحكم انه ساكن بعيد عننا المهم خالته الي هي عمتي قالت له تعال بزوجك باسرع وقت تجي لانها سمعت طرف سالفه انه بيتزوج من بنات المنطقه الي هو ساكن فيها وخافت انه يبعد بعد زواجه اكثر وهي تبغى وحده قريبه منها تقربه لها المهم جا ابو الشباب بس عشان يرضيها كان على باله يسايرها وبعدين بيقول البنت ماعجبتني ويفركش الزواج لكن تفاجئ انها ودته لبيت خاله الي هو ابوي وخطبتني له ابوي وافق لانه نفس كلام عمتي مايبغاه يبتعد عنهم بس قال يجيب عمه ويجي يخطب رسمي لان ابو الشباب ماعنده ابو ولا ام وقتها كنت ادرس بمدينه ثانيه عند اخواني اتصلت علي عمتي وخبصت مخي مادري كيف خلتني اقول لها خلاص الي يشوفه ابوي بس عشان اخلص من قرقرتها بالتلفون وعلى طول راحت لابوي وقالت البنت وافقت ويتصلو على الشيخ جارنا الله يرحمه كان يعقد انكحه وبما انه يعرف ابوي وعم الولد (كلهم جيران وجماعه) على طول ملك لي عليه بدون وجودي ههههه وقتها حسيت بدوخه من الصدمه وجلست ابكي الين الفجر بس صليت استخاره وحسيت بعدها بسكينه وراحه

المهم صار لي متزوجه 13سنه وعندي اربع كتاكيت ربي يبارك لي فيهم ويجعلهم من الصالحين البارين