اول اسوي الحلى والقهوه واشوف ايش بقدم وعلى حسب العمر يعني الكبار بالسن يبغالهم سفره معتبره حلى قهوه تمر معجنات واكله شعبيه وبخور وحياكم الله وتومانور البيت بين كل جمله وجمله ههههههه وطلاق ماتروحون الا بعد العشاء ومن هالكلام هالنوع مايحبون الاخابيط الزايده من فنون الطبخ ويحبون اللمه والقعده الحلوه والسواليف وقناه الساحه او السعوديه الاولى هههههههه

اما اللي بعمرنا عصير قهوه شاي حلى اوحلاين معجنات ورق عنب شبسات وشوكلاتات الجلسه ماتحلى الا بتطورات التكنلوجيا هالايام التلفزيون البلاك الواتس النت تعليقات علىاخر البرود كاست ومن هالحركلات والقعده مافيها تكلف اللي يبي يتميز يدور الزين واللي يبي شي زين والسلام يسوي مثل مايسوون اغلب الناس واهم نقطه شبعي عيالك قبل مايجون الضيوف عشان لايحوسون السفره ويفضحونك لانهم صغار لاجاعوا جاعوا ولا شافوا شي غريب او طبخه بيصيرون مفاجيع فا اعطيهم نبذه موجزه وذوقيهم والتخطيط المسبق يريحك من كثير من الاحراجات اللي مال امها داعي

لازم تكونين بشوشه حتى لو ماحبيتي هالزياره وموجبه حتى لو ماتحبي الضيوف اهم شي مايتكدر الضيف ببيتك لانك ماترضينها لنفسك واستقبلي اي ضيف مثل ماتستقبلين اهلك اكثر ضيوف يعزون عليك هم اكيد اهلك وعلى اساسهم قيسي وبس 000 استغفرالله

اهم شئ اذا كنت ضيفة
ما تزورين احد ومعك اطفالك
مالهم داااااااااااااااااعي
وبعدين حاولي اذا دخلوك في المجلس
تجلسين في مكان ما يكشف باب المجلس يعني ما تشوفين الرايح و الجاي
حتى ما تحرجين اصحاب البيت
وحاولي ما تردين على الجوال الا في الشديد القوي
ولاتكثرين الكلام في الجوال
أو تنشغلين بالنظر في ردود البلاك بيري و الواتس اب وغيرها

انا احب الزيارات واحب احد يزورني لاني اجتماعيه واحيان على النفسيه ماحب ازور ولا انزار والله يعين هذي الدنيا وانا عن نفسي ماحب التكلفه بس بنفس الوقت احس الي تجيب وتحط وكذا فنانه وتحب الترتيب والضيافه والي ماتحط عادي التمس عذرها يمكن ماعندها وقت يمكن ماعندها ماده ومو ضروري بكل زياره بس انا عن نفسي انقهر لمن تصير سفرتي فاضيه بس شاهي وقهوه احب لو اسوي حلى على السريع والله يعينا ويعينكم

عاااااااادي الاستقبااال يكون بالكلمه الطيبه والابتساامه الراائعه وتهلين وتسهلين بدون مبالغه
الضياافه موشرط تكون من البيت لو من برا جاهزه كل واحد وحسب وقته اهم شئ مايكون فيه اي تقصير
وماتحسسين الضيوف انك متكلفه حتى لو هم لاحظوا قولي لهم دخلتكم علي عيد وتستاهلون اكثر
ارتب كل شئ مااخلى شئ الا اصلحه واعطره مب علشانهم لا علشاان وجهي ووجه زوجي لانو البيت يدل على راعيه
والوقت المناسب للزياره على حسب الضيف ماتقدري تتشرطين عليه
لكن انا اشوف على حسب العزيمه وش هي

انا فيني طبع واحبه ومستمره عليه لاجاني ضيوف احط كل شي ومن افخمه لان عندي قاعده تقدير ضيوفي من رقيي واحترامي لنفسي مااستهين بااي شخص نهائي لانه في بيتي وارحب من يدخلون لين يطلعون واطلع سوالف وضحك من تحت القاع عشان مايحسون بثقل واحب الناس يستقبلوني علا الاقل بذرابه ولايسكتون كاني جايه اشحذ منهم وبس