احب الزيارات البسيطه البعيده عن التكلف وماحب الناس اللي تنتقد كثير كل وحده وظروفها

بالنسبه لي عندي نوعين للزيارات
فيه الزيارات العائليه مثل زوارات خوالي هذي فله وعادي وناسه
وفيه زيارات رسميه مثل العزيمات الي فيها لحم << احلى وصف خخخ العزايم ذي ماحبها وبذكر لكم السبب

بالنسبه للزوارات العائلية /
اول ما يجون ويتجمعون كل الي بالدوريهونبدا التجمع بعد المغرب
نجيب سفره ونحط شاي وقهوا ونجهز كل شي قبل مايجون ونحط كل الشواهي والقهاوي والحلويات
احيانا الضيوف يجيبون معاهم اطباق بس موخرا ونظرا لحركات الحريم الي مدري وش تبي وهي ان فلانه تجيب لفلانه شي حلو والثانيه ماتجيب ولا الثانيه تجيب اكثر من الثانيه بالدوريه فسوينا الغاء لحركه الاطباق
ونقدم مع الشاي والقهوا حلويات نكون مسوينها بالبيت بس مانحط فطاير نحط فصفص ومكسرات علشان اذا كلو فطاير العشى ما ينوكل تهي تهي والساعه عشره او عشره ونص نحط العشى نحط عادي دجاج ولا ربيان الي عندك بالبيت عادي مايخالف ونحط ورق عنب هذا شي اساسي بجمعاتنا
طبعا حنا حمد لله ومشاء الله علينا نجلس كلنا سوا الحريم مع البنات مافيه انعزال بين الحريم والبنات كلنا نجلس جلسه وحده ونسولف مع بعض اما حركه ان البنات يقعدون بغرفه لحالهم ومدري ايش وحركات البنات ماتعجبنا كلنا سوااا احلى

والعزايم الرسميه
كل شي رسمي ونادر ماتكون بالبيت دايم تكون باستراحه
وتكون سامجه وسخيفه ومافيها اي نوع من الحب والالفه
وطبعا انعزال وكل وحده تجلس مع بنت عمها وبنت خالتها
واذا قعدتي قاموا عنك ولا يسولفون معاك الله يشفي كل مريضه ان شاء الله خخخخخ
طبعا هننا نجيب كل شي من برا واحيانا نسوي سلطات وجريش وكذااا


الموهم سوال يا الحريم ,,, متى بتنتهي حركه الودوده << يعني كل وحده تمسك لها حرمه وتسولف معاها
الين ويا ذا الحركات تبين تسولفين معاها اعزميها في بيتك لحالكم واقعدي تودودي

انا اهم شي عندي الوجه البشوش والابتسامه اما الاشياء الباقيه ماتهم ايش قدموا ايش حطوا

بعضهم تروحي عندهم تحسي انك ضيفه ثقيله عليهم

بالنسبه لي الي يجيني حياه الله باي وقت وارحب واهلي فيه واحسسه انه في بيته واذا رحت لاحد من بعد المغرب للساعه 11 تقريبا ومااحب الرسميه ابد وماهمتني الضيافه ان شاءالله مويا ولا شكل بيتهم شقه شعبي فله ان شاءالله خيمه اهم شي نفوسهم تكون زينه معي والباقي مايهمني ابد
بس مشكلتي الوحيده الي كرهتني بشي اسمه زيارات الاطفااااااااااااال كرهت ام الجمعات بسببهم
الله المستعان بس

ما أحب الي يجون بدون موعد لا ويطولوووووووووووووووووووووون

ما أحب الي تقوم تدور في البيت كنه بيتها قصدها تساعدني بدون ما اطلب منها

ما أحب الي عيونها تدور وتدخل وتناظر مكان مادخلتها فيه

ما أحب الي ماتمد يدها على الأكل تتعب الناس وتجي ما أبي هذا وما أبي هذا

ما أحب الي كل مواضيعها غيبة للناس

الله يهدينا جميعا