كيف تصبرون انفسكم ؟

السلام عليكم
اخباركم بنات ؟
ربي يرزق كل وحده ترد علي تؤام صالحين سليمين معافين بارين ويرزقني معكم عاجلا غير اجلا


سؤال واضح كيف قدرتوا تعايشون مع العقم ؟ كيف تصبرون انفسكم ؟ ايش ردودكم للاهل وللحمولة ؟ خصوصا لما يبدون يحنون عليكم بالحمل ويشيلون بخاطرهم عشان ماجبتي لهم حفيد ؟ كيف شعوركم مع قريباتكم الحوامل بعدكم ؟ واللي يخبون حملهم لين تنط الكروشة 😅 وطبعا تجهيزات البيبي والولادة ما يتكلمون فيهم ! بس تتكلم عن هدايا زوجها وسفرة زوجها لطلعتها من النفاس عشان تحررر قلبك وتقهرك وتدقك بالحكي شوفيني مدلعه زوج وبيت واهل يحبوني وقريبه من بيتهم وبجيب ولي العهد وانتي باقي ساكنة مع حمولتك ومشاكل مع اهلك وحالتك يرثى لها سبحانه مقسم الارزاق 💐
^ يقولون الحمل معدي ههههههه الله يرزقنا هالعدوى من ازواجنا ياكريم
المهم كيف تتعاملون مع العقم بحياتكم خصوصا ان العلاجات تطووول ، انا عن نفسي فيني ارق واكتئاب ووحده وفوق هذا امسك نفسي بكاء كل يوم خصوصا لما اسمع خبر حمل فلانه او ولادة فلانه او فلانه طلعت من نفاس وسفرها زوجها او عشا تمايم الخ .. يا الله راسي ينفجر ماهو حسد الله يتمم عليهم لا غلقة وضيقة وحزن على حالي ووضعي اللي ماتغير من تزوجت اللهم لك الحمد على كل حال




يارب اشوف الخطين بحياتي يارب احس بشعور الحمل واشيل ببطني ولدنا يارب لا تحرمنا من الامومة ولا تحرمنا ازواجنا من الابوة وقر اعيننا واياهم بذرية صالحة سليمة معافاة