** كيف تصطادين المعرس ...؟ **<<مكرر عزيزتي>>

كيف تصطادين المعرس ...؟
دون اللجؤ إلى الأساليب السقيمة
من المغازلات والترقيم والتلميح اللي ماله سنع والترزز بالأسواق...ألخ

أهـــم شئ :
نهتم على العجوز اللي حاطة عينك على ولدها ثم نفذي التالي :

1/ خليك مع أمك ولا تروحين مع البنات وتتهبلين أصبري عنهم كم شهر لين تتم العملية..
2/ أمشي وأنتي حاطة راسك بين كــتوفك ولا ترفعينه أبد حتى لو عورك خلي الفكس دايما في متناول يدك..
3/ كلمة خالة خليها دايما على لسانك خاصة لأم المعرس عشان تحس بنوع من التميز عن باقي العجايز..

ملاحظـــة :
لا مانع تنادين عجوز ثانية
بخالة عشان إذا مانجحت الخطة مع العجوز نمبر ون تنجح إن شاء الله مع نمبر تو
والأحتياط واجب وأنا أختك..

4/ إذا بدت أمك تتكلم أنغزيها بكوعك عشان تدخلك في السالفة حتى لو مالك داعي تطبيقا
للمثــل >>> كثـــر الدق يفك اللحام <<<< داريه المثل ماله داعي بس مالقيت غيـــره ..
5/ أخوانك الصغار لاحقيهم وطامري معهم وين مايروحون حتى لو ماهي عادتكي بس تصرفي معهم كأنك أمهم
عشان العجوز تاخذ فكرة أنك حريصــة على ذريتك..
6/ كل ما أكلت أمك أكلة زينة خليها تقول :نفس الأكلة اللي تسويها بنتي حتى لو الأكلة من مطعم صيني أو مكسيكي ..
7/ إذا جيتي بتمدين أيدك توجعي وخلي أمك تقول: قايلتلك وأنا أمك ماله داعي تنظيف جدران البيت الخارجية
<<< أقول نظفي غرفتك أول اللي تقولين ثايرة فيها قنبلة ذرية..
8/ إذا تكلموا الحريم عن العرس أكتمي نفسك لين تحــمممـــــر خدودك عشان يقولون البنت تستحي
ومالنا حق تكلمنا عندها (بس لا تكتمين نفسك مرة أخاف تروحين فيها وأصير قتلت نفس بغير حق)..
9/ مهما كان موضوع الحوار حماسي لا تبدين رايك خليك مثل البكما لأن اللقافة تجيب أجل الخطــة..
10/ شعرك أفرديه لا تخلينه طاير ولا تجعدينه مهما كانت الموضة لأن العجايز مايدورون إلا اللي شعورهم ناعمة..
11/ إذا أدلت العجوز **أم المعرس المتوهق** بأي رأي سواء سياسي ولا وطني ولا إقتصادي وافقي عليه
حتى لو أنه ماسخ وماله داعي مثل تقول العجوز بوش متقهوي عندنا البارح قوليلها: ليه ماعلمتينا ياخالة نجي نساعدكم؟؟
12/ في الزواجات أضغطي على نفسك وأقضبي أرضك ولا ترقصين وأعتبري الرقص عيب وشق جيب..
13/ وإذا جاء طاري السوق وهو لازم يجي الطاري لأنه ملح الجلسة عند الحريم خلي أمك تقول: بناتي مايحبون يطلعون السوق
أبوهــــم يجيب أغراضهم ...


.:!:. اللحين العجوز بتكون وقعت في الفــــخ .:!:.


نروح للمعرس ألحين :

1/ أهجدي في بيت أهلك ولا عاد تطلعين وإذا جا المعرس بيشوفك خلي أبوكي يقول:
والله ودي تشوف البنت بدون ماتدري عشان تاخذ راحتك وأنا عمك وبعد تشوفها عالطبيعة وماتقول غشيتوني..
(أيه هين يالشايب والله لو بيدك أنك تحط مكانها باسكال)
2/ قبل يجي اليوم اللي بيشوفك فيه بحوالي أسبوع أو أكثر ,,حسب شين الوجه,, طامري من صالون لصالون
صبغ .. فرد .. تنظيف بشرة ...ألخ
3/ إذا جا المعرس خلي أخوكي يوقف جنبه عشان مايطيل التبحلق ويبان المستخبي وذلك لتطبيق النظرية **اللمحــة ذبحــة**
4/ في نهــاية المشهد خلي أبوكي يقول: معليش وأنا عمك ترى البنت شوي محيوسة (معليه يالشايب تنصب عالمسكين)


وبها اللحظــة الولد بينط على راسه ويبوسه لين يشفط خلاصة دماغه وبيقول متى العرس ياعم ..؟؟

# تحذيــــر مهــــم #

أبتعدي عن أمهات العيال المتعلمات راعيات الشنطة نفس لون الجزمــة هذولا يبيلهم خطط بعيدة المدى..


إن شاء الله يكون الموضوع أعجبكم
دعواتكم لي بالتوفيق و**الزوج الصالـــح**