كيف تطلبين فلوس من زوجك بدون مايرفض طلبك؟؟؟؟؟؟؟؟؟

السلام عليكم

كيف حالكم بنات

بدخل في الموضوع دووغري

انا مشكلتي اني اذا طلبت من زوجي شغله ورفض يجيبها لانه مايقدر او مثلا بروح السوق ومايقدر يوديني او اذا الراتب مابقى منه شي

بعدها خلاص استحي اطلب منه مره ثانيه وهو ينسى على طول ولايسال بعدها

واعتمد على نفسي من حافز

رغم ان هالاشياء الي اطلبها منه ضروريه مرررره

والمشكله ناقصتني اغراض وودي المره ذي اطلبها منه لان اغراضي الي قبل انا جبتها بفلوس حافز

بس خاايفه يرفض لي هالطلب ويقول غاليه والا يقول شي يضيق صدري

لاني صايره حساسه بالمره وبالشهر الثامن صايره نفسيتي مرره تعبانه

بليز بنات قولواا لي وش اسوي خصوصا اني ابي منه مبلغ كبير يعني حول اربعه الالاف وهو مايقدر الا على الفين واخاف يتمنن علي

عاد ناويه هاليومين ابيع ذهبي بس الذهب ناازل يعني ببيع بخساره

والمشكله بولد عند اهلي والناس الي بيجوني كشخه وذوق وغير كذا لازم اطلع بمنظر حلو عند حمولتي

واذا شافوني بحاله عااديه ولااني بكاشخه بيقولون رجالها بخيل عليها اعرف طبعهم الله يهديهم

بليز قولولي الحل

ادري البعض بيقول مشكلتي سخيفه بس انا حساسه حييل اذا رفض شي بعدها خلاص مااطلب منه لو بمووت

وانا لي سنه متزوجه الحين ولسى طبعي ماغيرته ماادري وش اسوي