تسلمين اختي البرقع..

يزاج الله خير على الرد.. فكرتج روعه.. ان شالله بطبقها.. والله ايسر,,

دعواتكم..

صحيح أختي يمكن زملاءه
أنا زوجي مايدخن ولايحب الدخان
بس يدرس بمعهد بالليل وفيه مدخنين ويقول الكافتريا كبيره بس الريحه فتاكه قويه
لوماأدر يان زوجي ملتزم ومايحب التدخان والمدخنين كان قلت يدخن
يمكن يركبون معاه ويدخنون بسيارته تأكدي أول أفضل
والله يوفققققققققققققك

هلا اختي قرطاسه.. تسلمين على المشاركه..

أنا اكتشفت للأسف شي جديد.. سألت أخوي عن التفاصيل وقال إنه كان راكب معاه السياره رايحين مشوار.. وأخوي نزل يدور على غرض.. في البيت.. ويوم رجع للسياره كان زوجي فاتح الباب وريحة السياره دخاان.. ويقول أخوي أنا متأكد إنها ريحة مدواخ.. مادري لو تعرفونها نفس اللي يدخن بها باباي.. وانا قلتله مب معقوله يكون دخن وهو يعرف إنك راجع بسرعه.. قال أصلاً المدواخ عباره عن شفطه وحده بس,, وتعادل أكثر عن سيجاره!!! فقال هو أكيد شفط شفطه لين ما أرجع.. ويوم رجعت هو شكله ارتبك وأكل علك..

يعني أنا اعتبر هالتفاصيل تأكيد إنه كان يدخن :(

شسوي؟ كيف اسأله بطريقه تخليه يعترف ما يكذب؟

لا تتعجلي اختي واستخيري قبل كل شئ ليختار لكي الله الصالح حتى وان كان يدخن فقد تكونين سببا في هدايته ....

هلااااااا عزيزتي.......
أنا مثلك في فترة الملكة وماكنت أعرف عن زوجي إذا هو يدخن ولا لا....

وكنت أكلمه وألاحظ عليه يكح كثير....فجاء يوم وكان يكح بزيادة فسألته على طول أنت تدخن ولا لا ؟؟
في البداية قالي كييييف مين قال إني أدخن ... ونفس الوقت على طول أعترف أنه يدخن...
فقلي ليش السؤال أحد قلك أني أدخن...
فقلت له بس لاحظت أنك تكح كثير وأعرف إلي يكح بهالدرجة فهو يدخن..

فقلي كم من مره حاولت أبطل ووعدني أنه يبطل ...
وألحين بين كل فتره وفتره أحاول أذكره بالتدخين وهل بطل أو وحاول....

وأن شاء الله بحاول قدر أستطاعتي بعد الزواج أخليه يبطل ...
الله يساعدني إن شاء الله...

لكن مايكون سبب لفسخ الخطبه ...بالعكس بحاول أساعده لأن هذا إبتلاء من ربي له ويمكن لي بعد...

وأتمنى إن الله يساعدني ...وكله بأجره إن شاء الله..