هلا اختي عتيقه...يزاج الله خير على هالنصيحه.. تسلمين.. بستخير ان شالله والله يوفقني وإياج للخير..
هلا ابتسامة أمل.. مشكوره الغاليه على المشاركه وذكر تجربتج لي.. والله يوفقج لهداية زوجج.. آمين


يمكن تشوفونها كبيره إني وايد اتضايق وأفكر بطلب الطلاق لهالسبب.. صح إني أكره التدخين والمدخنين.. وما أتقبلهم.. بس أنا اللي خلاني أفكر جيه مب مجرد موضوع التدخين.. بس موضوع الكذب.. وأنا أخاف أعيش ويا إنسان خذاني على أساس كذبه :(

في احتمال انه يوقف هالشي إن كان صحيح.. وفي احتمال ثاني انه ما يوقف..

وللحين ما تجرأت اسأله هل هو يدخن ولا لا.. لأني أتمنى يكون الجواب لا.. بس ان شالله بحاول اتشجع..

مازلت انتظر مشورتكم.. :(

اخت رحيل
انا كانت مشكلتي مثل مشكلتك
قبل الزواج بشهر حسيت بريحة دخان بالسيارة بس من شدة ثقتي فيه ما شكيت فيه ابدا
بس قلت انو في دخان بالسيارة و سكت
بعد كم يوم قال لي انه يدخن بس على خفييييييييييييييييييييييييف و انه ناوي يبطل قبل الزواج
انا ندمانة للحين اني صدقته و ما علمت ابوي
لاني تنكدت بشهر العسل خصوصا انو انا عندي حساسية من الدخان يعني امرض منه
و هو و لا فارقه معاه
دايم روحة فمه مو حلوة و ريحته مو حلوة انقرفت مررررررررررة
من جد من جد تضايقت لانه كذب علي للحين مستحيل انساها له
الحين صار يقول خلاص ما تبيني ادخن قدامك بادخن بعيد عنك
كثرت طلعاته مع ربعه و برى البيت
بحجة انه ما ياخذ راحته معاي تصوري !!!
نصيحة مني لا تكررين غلطتي اذا كنتي مرررررررررررررة تتضايقين من الدخان ولا تحبينه
اعض اصابعي ندم الحين
مو عارفه وش اسوي .... احد ينصحني :(

الله يكون بعونج اختي دلوعته.. :( واسأل الله أن يفرج كربتك ويجازيك عن صبرك خيراً وفرجاً قريباً.. اللهم آمين

بصراحه كلامج خوفني :( اشكرج على صراحتج وياي...

أنا استخرت وبستمر في الاستخاره,,, وشكلي بفاتحه بالموضوع بأسرع فرصه.. بس كيف؟ الله يعلم..

وطمنينا عن أخبارج اختي..

وليه الف والدوران عزيزتي
قولي له واساليه ان كان يدخن اولا مافيه جرح مشاعر اوغيره
وبيني له اسباب كرهك للتدخين
انا سويتهامع زوجي وكان سؤالي عادي وتقبله بصدر رحب
اما ان كان يدخن فقد خدعك واهلك معك والأختيار لك